تعرفي على اكلات بلادك

touta2010 · 2013-02-14, 11:17

اليوم اخواتي غادي نقترح عليكم موضوع رهو في بالي ذي مدة

حنا بنات بلاد وحدة ونشترك في عدت امور مممممم كاين وحد المشكل بسيط انا وحدة منكم نعاني منه وهو ؟؟؟؟؟؟اسماء الاكلات تختلف بينا مثلا الشخشوخة لعملتها ام ماجد الكثير معرفوهاش انا وحدة منهم عنا في الغرب معلبليش اسمها هذا مجرد مثل ؟؟؟؟؟؟

والحل اخواتي لازم كل وحدة متعرفش كيفاش تسمى اي اكلة في ناحيتهم تطرح سؤالها في هذا الموضوع ولتعرف تجاوبها هكا باش نتعرفو على اكلات بلادنا اتمنى ان تعطوني رايكم في هذا الموضوع

أم نورين · 2013-02-14, 14:09

فكرة هايلة اختي نتفكر ونقولك بعض الاسماء

touta2010 · 2013-02-14, 17:30

اقتباس:

المشاركة الأصلية كتبت بواسطة أم نورين

فكرة هايلة اختي نتفكر ونقولك بعض الاسماء

مشكورة اختي على الالتفاتة

amina-31 · 2013-02-14, 17:39

okhti chakhchocha 3andena hna roguag
w chakhchoukha hadik li daretha oum majed hna ma3andnach

feuilleblanche17 · 2013-02-14, 18:08

موضوع هايل عندك الحق
حنا عندنا شخشوخة الظفر

كوزينة هديل · 2013-02-14, 18:10

فكرة هايلة اختي يعطيك الصحة

touta2010 · 2013-02-14, 18:53

اقتباس:

المشاركة الأصلية كتبت بواسطة feuilleblanche17

موضوع هايل عندك الحق
حنا عندنا شخشوخة الظفر

مزال معرفتهاش حتى الضفر كما قلتي منعرفوهش عندنا مشكورة تعلمت اسم جديد

touta2010 · 2013-02-14, 18:55

اقتباس:

المشاركة الأصلية كتبت بواسطة كوزينة هديل

فكرة هايلة اختي يعطيك الصحة

بلا جميل شكرا

أنا أمهم · 2013-02-14, 19:10

يا توتة يا توتة ههههههههههههههه أنا خارج الموضوع ههههههه هنا غير ندخل نتفرج و نحفظ أسامي الأكلات و نخرج ههههههه, ما نقدرش نفيدكم !!!!!!

touta2010 · 2013-02-14, 19:29

اقتباس:

المشاركة الأصلية كتبت بواسطة أنا أمهم

يا توتة يا توتة ههههههههههههههه أنا خارج الموضوع ههههههه هنا غير ندخل نتفرج و نحفظ أسامي الأكلات و نخرج ههههههه, ما نقدرش نفيدكم !!!!!!

لالا حبيبة وعلاش متتعرفيش على اسماء الاكلات لخطرش نحبو نطبقو مممم منعرفوش واش هذيك بليييز بقي معانا نستفادو ونفيدوا

touta2010 · 2013-02-14, 20:01

ماهي البربوشة كيفاش تسمى عندنا في الغرب الجزائري؟؟؟؟؟

مرام · 2013-02-14, 20:45

اقتباس:

المشاركة الأصلية كتبت بواسطة touta2010

ماهي البربوشة كيفاش تسمى عندنا في الغرب الجزائري؟؟؟؟؟

البربوشة هي الكسكس

الأمنيات · 2013-02-14, 21:31

الشخشوخة هي الرقاق مسقي بالمرق دارته الوهرانية1
والبربوشة هي الطعام الكسكس

sofiane2075 · 2013-02-14, 22:09

اقتباس:

المشاركة الأصلية كتبت بواسطة touta2010

مزال معرفتهاش حتى الضفر كما قلتي منعرفوهش عندنا مشكورة تعلمت اسم جديد

شكرا على الموضوع الرائع ما شاء الله اكيد راح نستفادو ان شاء الله

اختي هادي هي شخشوخة الظفر

نبدا بسم الله .نضع في قصعة السميد و من الاحسن رقيق و باش يجيكم مليح شوفي نوعية مليحة متلا انا نستعمل موليكس

او بن عمر حطي قليلا من الملح ماتكتريش و هادا لان المرق يكون فيه الملح ادا كترتي في العجين تجيك مالحة بزاف راح اللحم يجي مسوس و صامط اعجني مع اضافة الماء تدريجيا ما لازمش تكون طرية باش ما تتعبيش عندما تحليها بالحلال لازم تعجنيها مليح بصح تبقى ناشفة ديريها كرات صغار غطيهم بمنديل

حليها رقيقة

حطيها تطيب في الطاجين انا نستعمل تاع المطلوع نقسي في النار باش ما تتحرقش لازم تنشف برك تكون شفافة ادا طيبتيها بزاف تدير بقع و تتحرق

اقسميها و حطيها في قطعة قماش الاحسن لونها ابيض لما تبرد ضعيها في كيس نيلون و ضعيه في التلاجة باش ما تيبسش ادا كانت الكمية كبيرة

فتتيها بالظفر و لازم تكون رقيقة في التفتات كيما حبات الارز تقريبا

و ادا حبيتي ديريها بالسكين قطعيها شرائط رفيعة و لميها مع بعض على شكل حزمة و قطعيها مربعات صغيرة جداااااااا

شوفي هاد الرابط فيه الطريقة لان موضوعي اختفت الصور

https://www.djelfa.info/vb/showthread.php?t=935300

لميس اميرة · 2013-02-14, 23:12

نحب نعمل اضافة لصور الاخت لي قبلي

لي عندها المشينة اي المكنة تاع الرشتة لي تحل لعجين تقطعها في مكان الرشتة العريضة و ثم تشخشخها بظفارها

او حتى تسهل لها العملية تستعمل السكين او المقص حتى تكسب الوقت و تسرع

الباقي عادي تفور 2 مرات مثل الكسكس

و المرة الاخيرة نحلوها يقليل من الزبدة

ثم نحطها في طنجرة او قدر و نصب فوقها كمية من المرقة الساخنة جدا نحطها فوق النار و نحرك حتى تغلي ثم نضيف كمية اخرى من المرقة تهز الغلية و نطفي و نتركها تتشرب المرق

قبل التقديم اذا كانت ناشفة نضيفلها كمية صغيرة من المرق و ملعقة زبدة ثم نحطها و نزينها بالخضر و قطع اللحم