مطبخي

[douda21]

شوفي اختي كوزينتك مشاء الله واسعة و مريحة و الله يباؤك فيها كل متطلبات المطبخ بصح ينقسها امورات بسيطة هدا في رايي حتي تولي كوزينة مريحة اكثر ليك في افكار بسيطة يساعدوك فدالك اختي
اولا ممكن كيما قلت اخت من قبل تلمي دراهم باه تسقميها او مرة علي مرة ضفيلها اشاء تساعدك كل واحد و امكانياتو
نعطيلك مثال اختي
ابواب المطبخ مثلا عاودي اللون نتاحهم شوفي كاين وحد الرداد الملون اسمو السبراي راح خير ب فاميل برك و يجي فيه الوان و راه سهل الاستعمال و ينشف بالخف اشري مثلا اللون ال حبيتي ابيض او اخضر او برتقالي

المهم خيري اللون الي حبيتي و اصبغي بيه ابواب البوتاجي تاعك هدا راح يكون اول تجديد
تانيك ادا البوطاجي تاعك طويل من المستحسن تحطي فوقو الميكروند و اللبيتران افضل من وضعهم فوق الطاولة
ايضا سلة القمامة مهيش بلاصتها خلاص
شوفي شتي هدايك الزاوية الي بين الفرن و الحيط استغليها و حطي فيها القصعة و السنيوات الكبار
القفة و المئزر ماش مكانهم نتم من الافضل نحيهم من تم
تاني فيما يخص الفناجل تاع الحليب من المستحسن تعلقيهم كامل بجيهة وحديهم متخلطيهمش مع مغارف الطياب احسن حنونة شوفي الجهة الي
بقرب المطبخ نحي منها الكيسان و حطي فيها المغارف الطبخ كامل و الجهة التانية الي علي اليسار تستفي فيها الفناجل بحدا بعض احسن
تانيك البلارات تاع السكر و القهوة و الي محطوطين نتم مشي بلاصتهم تقدري تخبيهم في البلاكار و كي تحتاجيهم اجبديهم
كاين ملصقات خصوصي تاع الفايونس يجيو باهين بزاف تقدري تشريهم و تلسقي كارو بكارو

يعني البوتاجي تاعك مساحتو مشاء الله تقدري تحوطي فوقو اللالات الكهرومنزلية خير من تحطيهم فوق الطاولة يكون ابهي و ادا كان علي الواصل الكهربائي استعملي غالونج ملتي بريز و انتي حليتي المشكل
في رايي سلة الي حاطة فيها الاواني تقطر مهيش سلة الاواني ممكن تستعملينها في حفض البطاطة و البصل احسن في رايي و اشري وحدة سامل و حطيها نتم يكون افضل
نضن عندك زوج تلاجات ممكن تحطيهم بحدا بعض يكون افضل و فيما يخص القجورة تاع البلاستي اني نقولك متاميش فيهم راهم مشي صوليد انا عندنا مي مستعملينهم كو للحاجة الخفيفة انا درج مرتبة فيه الادوية الكل
الدرج التاني حاطة فيه السرافط و الطابليات
الدرج التالت حاطة فيه لي مول تاع القاطو و الدرجين اللخرين واحد للبطاطة و واحد للبصل
الكيسان و الي غوبو منمنش فيهم مهمش صوليد
المهم كي تحكي التلاجة مع ختها تجي البلاصة اوسع و تلزي الكوموند للحيط و هكدا تولي الطاولة تستعمل حقا كاين دي سيبور سبيسيال ميكروند يعني حامل الميكروند تعلقيه باه ميخدلكش مكان انا راحة نشرح هكدا البوتاجي تاعي يفرغ شوية




نتمني افكاري تكون فادتك و لو بالقليل اختي في الله انتظر ردك علي اقتراحاتي و نتمني تنال اعجابك