الطبعة العاشرة لدورة الرقي بمدبرة منزل مثالية - الصفحة 11

فراشات العمر · 2012-12-28, 07:55

ليلى ربي يشفيلك امك ونقولك حاولي تهتمي بيها قدر المستطاع الشيئ لي كانت تحبو ديرهلها المهم ما تخلي حتى حاجة في قلبها عمرك لاتقصري معاها يعني كوني خديمتها ورضيها يعني الشيئ لي تديريه قليل راهي الام
ربي يشفيها وترجعلكم خيرن بكري امين

وفاء سعاد · 2012-12-28, 08:00

ربي يشفيلك الوالدة ياليلى ويرزقها الصحة والعافية امين يارب العالمين

وفاء سعاد · 2012-12-28, 08:01

اقتباس:

المشاركة الأصلية كتبت بواسطة sondse1

اسعد الله مسائكن
كيف احوالكم ان شاء الله بالف خير
توحشتكم بزااااااااااااف

يتوحشك الخير مريومة وان شاء الله ربي يكملك الشئ اللي ناويتيه

وفاء سعاد · 2012-12-28, 08:04

اقتباس:

المشاركة الأصلية كتبت بواسطة ام فاروق...

و الله غيير سخفتوني لكن انا راني حابة نحط بعض الصور لكن لا استطيع لماذا لا ادري ؟
المهم انا بديت البرنامج نتاعكم لكن ماشي كامل مثلا اليوم كانوا عندي ضياف درتلهم لكورني تاع الجلجلان بالشاي على خاطر مجاوش بكري
و العشاء درت طعام بالجاج و الفول المدشش على خطر بقاو للعشى كي راحو غسلت لماعن وصليت و راني معاكم و نقوللكم تصبحوا بخير و جمعة مباركة

مرحبا بيك اختي ام فاروق معانا المهم شاركي بالشئ اللي تقدري عليه

وفاء سعاد · 2012-12-28, 08:05

اختي اشورة ربي يباركلك في دارك راكي قايمة بيها كيما يلزم

وفاء سعاد · 2012-12-28, 08:07

مينة واش راكي والاولاد مازالو مراض انا تاني كيفك كي يمرض واحد ويبدا يرتاح يمد الفيروس لاخر ربي يشفيهملك

وفاء سعاد · 2012-12-28, 08:08

اختي سمراء يعجبوني التطبيقات انتاوعك وزيد بديتي تعلمي بنتك الحلويات والله راكي مرا ونص انا خليتها للصيف ونبداها

وفاء سعاد · 2012-12-28, 08:10

فاطيمة ربي يهنيك ويخليلك اولادك ومولا بيتك

وفاء سعاد · 2012-12-28, 08:11

ام امجد وبتول ربي يعاونكم ويهنيكم

وفاء سعاد · 2012-12-28, 08:12

بنت الخليل واش مدايرة مع البرنامج انتاع ولدك في العطلة راكي تقري فيه ولا مازلت

فراشات العمر · 2012-12-28, 08:15

اقتباس:

المشاركة الأصلية كتبت بواسطة وفاء سعاد

بنت الخليل واش مدايرة مع البرنامج انتاع ولدك في العطلة راكي تقري فيه ولا مازلت

والله غير مازال الاسبوع هذا 0 كيما قلتلكم كانت عندي جنازة

وفاء سعاد · 2012-12-28, 08:25

انا تاني يالينا مدرت والو مع الاولاد الناس والدار ماخلاونيش نقريهم روحي للصحبة الطيبة نحكيو شوية

دعاء القلوب · 2012-12-28, 11:56

صباح الخير عليكم جمعة مباركة اليوم تنظيف خفيف درت الطعام يطيب ووجدت العجين تاع المسمن باش نديرو مع القهوة تاع العشية جايين خواتات راجلي بعد الظهر سلام ومن بعد نولي

sondse1 · 2012-12-28, 13:51

اسعد الله مسائكن حبيباتي
كيف احوالكم ان شاء الله بالف خير
جمعة مباركة للجميع

~ حراير ~ · 2012-12-28, 16:13

السلام عليكم حباباتي و خياتي لعزيزات
نشكركم على سوالكم عليا و على والدتي
و نشكركم كثير لدعائكم ربي يتقبل منك و يبعد عليكم كل بلاء و سوء آمين
سعاد و ام امجد و لينا ربي الي عالم شحال توحشتكم و شحال متمنية نحكي معاكم
ربي يلاقينا في ساعة الخير ان شاء الله

تطبيقي ليوم الجمعة
اولا نحب نستسمح من مريومة والله راني تفنيت باش نطل على البرنامج درت برنامج من عندي
على ما نضت دخلت للدوش دوشت و اغتسلت غسل الجمعة لأنه واجب و قعدت نقرأ في وردي حتى اذن الصبح صليتو و قريت الوظيفة و نضت وجدت الفطور و الغداء درت بربوشة سبع خضر ناضو البنات تعاونت معاهم في بيتهم نظفناها و عاودت نظفت حيوطها غير خفيف لنهم نظاف و مسحت الكاروات صح لقيتهم مسخين من البخار و النو و عاودنا طبقنا القش درتلهم نظام جديد في الخزاين تاعهم
كي كملنا جوزت نشافة على الدنيا كامل كانت اصلا منظمة من امبارح كي عادتي
و دخلتهم للدوش دوشو و زدت شيحتلهم شعورهم و تغدينا
اريج و افنان راحو يصلو الجمعة و انا و سلسبيل تكينا و رقدنا
على ما نضت طيبت حبيبات بيني "سفنج" حشيتو بالمعجون تقهوينا و جيت نضرب طلة على حبابتي

هذا وش درت وش رايك مريومة و الا ناقص 2 في التقويم الأسبوعي هيهيهيهيهيه