الطبعة العاشرة لدورة الرقي بمدبرة منزل مثالية - الصفحة 4

وفاء سعاد · 2012-12-23, 07:11

اختي فاطمة انا وجهي دهني في منطقة الانف نقدر ندهن بزيت الزيتون متلا في الليل عند النوم وسمعت باللي زيت الزيتون يكحل علا هاديك نخاف منو ومانستعملوش في ليماسك وكي شتك درتيه قلت نسقسي مجرب

وفاء سعاد · 2012-12-23, 07:16

اختي ام ملاك خير ان شاء الله ادخلي معانا ودردشي معانا في اصلفحة انتاعنا والله تنحي على بالك كون تشوفي واش جوزت انا من محاين والحمد لله لقيت صحاباتي وقفو معايا ودعاولي ونحاولي على بالي ربي يحفضهم وبيهم قدرت نواصل ونوقف ومازالني نجاهد وهدا كله نديو عليه الاجر كي نحتسبوه لوجه الله

فراشات العمر · 2012-12-23, 08:15

السلام عليكم اولا انا النت ماهيش تاعي لهاذا وين نلقى فرصة راني ندخل الله غالب
البارح ماقريتش البرنامج بصح كيما يقولو القلوب عند بعضيها الصباح ما نضناش بكري رقدنا بعد الفجر بعد ما عمرت الما راه عندنا البرد بزاف كيما تعرفو داري جاي في سبيريا لاميديتي والجيران اكل علاو علينا من الجهات الاربع عندنا3 م باه يدخل الضو
الاخت ام امجد واش نقولك انتي تشتكي من الماصو انا معتمنيا يجيني راني ساكنة على لبريك
المهم لميت لفراش وسيقت كامل الدار كبيت الما قريب50ل وخيطت جلابتي بعد ما تغدينا مرقة خضرة بطاطا زرودية كرنب لعشيا كنت فرحانة قالي راجلى نخدملك البوتاجي المرال100 ب100 في الليل
اليوم نحاول نطبق البرنامج
ادعيو معايا باه ربي يهديه ويخدملي الكوزينة

وفاء سعاد · 2012-12-23, 08:31

اقتباس:

المشاركة الأصلية كتبت بواسطة bant khlil

السلام عليكم اولا انا النت ماهيش تاعي لهاذا وين نلقى فرصة راني ندخل الله غالب
البارح ماقريتش البرنامج بصح كيما يقولو القلوب عند بعضيها الصباح ما نضناش بكري رقدنا بعد الفجر بعد ما عمرت الما راه عندنا البرد بزاف كيما تعرفو داري جاي في سبيريا لاميديتي والجيران اكل علاو علينا من الجهات الاربع عندنا3 م باه يدخل الضو
الاخت وفاء سعاد واش نقولك انتي تشتكي من الماصو انا معتمنيا يجيني راني ساكنة على لبريك
المهم لميت لفراش وسيقت كامل الدار كبيت الما قريب50ل وخيطت جلابتي بعد ما تغدينا مرقة خضرة بطاطا زرودية كرنب لعشيا كنت فرحانة قالي راجلى نخدملك البوتاجي المرال100 ب100 في الليل قالي ما نخدمش رقدت وانا نبكي
اليوم نحاول نطبق البرنامج
ادعيو معايا باه ربي يهديه ويخدملي الكوزينة

عدرا اختي بنت الخليل الماصو حكات عليه ام امجد وبالعقل وحاولي راجلك لاشتا كل يوم راهو يكره ويخدمهولك غير باه تسكتي عليه وعلاه ماخدمتيهش بالسوارد انتاع باباك ربي يرحمو انا نضن افضل من الالة راكي تزيدي غير تضعفي بيها وانت راكي ضعيفة والاولاد يكسروهالك ويردوهالك جوي يلعبوبيها وان شاء الله يخدملك الكوزينة هدا العام خلي في الصيف خير الاولاد في عطلة وتشيح الدنيا ليه ليه وماكانش التمرميد كي الشتا والبرد

Minnnaaa · 2012-12-23, 08:36

صباح الخير على الغاليات
واش مازال مرحب بيا بيناتكم ولا نروح ؟
اسمحولي النت راها كاشفتني تجي دقيقة وتروح ايام

Minnnaaa · 2012-12-23, 08:43

راني نشوف راه فايتني بزاف بصح اسمحولي ننقل البرنامج باش يلا راحت الكونيكسيون ما نتودرش
ونروح للكوزينة ونكمل شغالي (مين يلا رانا دخلنا فالجد باش هاكا تقبلوني معاكم فالدورة ومور لفطور ندخل نحط تطبيقاتي
ملاحظة توحشتكم بزاااااااااااااااااااااااااااااااااااااااااااااااا ااااااااااااااااااااااااااااااااااااااااااف بزاف

sondse1 · 2012-12-23, 09:00

اسعد الله صباحكن حبيباتي

يومكن موفق

ام امجد14 · 2012-12-23, 10:25

اقتباس:

المشاركة الأصلية كتبت بواسطة اريج المسك

ربي يكون في عونك اختي ام امجد راني اكره حاجة عندي هو الماسون بصح وش راح ديري اصبري حتان تتهناي
ربي يكون في عونك و في عون بابات لولاد
انا جاتني ماعندك ما تنظفي راهو كي يعود الماسون الدار كامل تكون حالتها حالة و خفت عليك يروح تعبك هكداك
طمنيني وش احوال وليدنا لعزيز امجد ؟؟؟

الله يخليك اختى ليلى راه جاب معدل احدى عشر و اخوه جاب ثلاثة عشر رانى تفاهمت معاه و قلتلو نتعاونو ولازم المرة الجاية تجيب اكثر و رانى نخدم معاه فى التعبير و نعطيه بعض التعبيرات يحفضهم و و وان شاء الله ما نضيعيش هذى العطلة و نستغلوها فى المواد الى ضعاف فيهم مثل الرياضيات و اللغة الانجليزية
وانت كيف احوالك و احوال اريج

ام امجد14 · 2012-12-23, 10:27

اقتباس:

المشاركة الأصلية كتبت بواسطة اشورة

سلام مريومة واش راكي والله ليك وحشة كبيرة ياسر ان شاءالله تكوني لااس وتوحشت لمتنا تاع لبنات ام مرية و ام رحمة وملاك الليل وحبيبة الحبوبو ومينو ام مريم الجزائرية وام امجد وانوسة وامينة مناد و القائمة طويلة ان شاءالله ادا قدرني ربي راني معاك في الدورة

على سلامتك اختى اشورة و الله ليك وحشة

بتول8 · 2012-12-23, 13:39

صباحكم فل
وفاء سعاد يعطيك الصحة ع الفكرة تا التنظيف
بنت خليل رب يفرج حنونة
سندوسة و كامل لبنات ان شاء الله لاباس

Minnnaaa · 2012-12-23, 14:22

بالنسبة لتطبيقي فهوكالاتي
الجانب الديني الصلاة في وقتها والحمد لله+قراءة الاذكار(الصباح المساء وقبل النوم)+الوضوء قبل النوم (مازلت محافظة عليه مالدورة اللي فاتت)+قراءة القران (حزب فالنهار)وان شاء الله نكملو مع اختنا باتول في حفظ القران
الجانب الجمالي ترطيب اليدين بالفازلين (سموه فازلين اريج)+تنظيف الاسنان 3مرات واكيدكحل خفيف قبل مانبدا الميناج
الجانب التربوي شوية خفيف مع العطلة
الجانب التنظيفي حسبت نفس البرنامج السابق ايا نهار الجمعة نقيت كامل المطبخ تنظيف عميق واليوم كي قريت البرنامج جاتني الحالة خفيفة ايا رحت غسلت2كواة نتاع 2بلايص و2نتاع بلاصة وحدة نتاع ولادي وسمشت لي ماتل(اليوم نهار مسمش وشباب)ودرت شوربة وسلاطة عادية للفطور ودرك راني درت القاطو نتاه القلوب بالجلجلان اللي دارته حبيبتي صليحة وهو فالاصل لفلة فود جزاها الله الف خيرعلى الوصفة
وهدا هو حباباتي ربي يقدرنا ويقدركم

فراشات العمر · 2012-12-23, 14:27

السلام عليكم
شكون راهي حالة

فراشات العمر · 2012-12-23, 14:43

تطبيقي لليوم
الجانب الديني الصلاة في الوقت الاذكار قريتهم الصباح
الجانب الجمالي كحلت عينيا زدرت كريمة ترطيب s,nonas والله ماعلابالي مليحة ولالالا ودرت الزيت لشعري اسمو فاتيكة
الجانب التنظيفي غسلت الثلاجة كامل راهي تلمعوعسلت المواعن وسيقت الكوزينة تغدينا يطاطا مقلية بالبيض
بالخبز الكسرة انا تغديت غريف دارتو ماما دزيت بني راح جابو عوما ثاني يحبو ياكلوه الفطور دائما الحليب رايحة ذرك نكمل البرنامج نشوف واش نسيت نكتبو ونحطو وين لقيت الفرصة

نبض الفؤاد · 2012-12-23, 15:13

السلام عليكم ...كيف حوالكم ؟
انا النت راحتلي قلبي راهو معاكم
درك مانيش في الدار
اتهلاو في رواحكم.... جيت برك نضرب عليكم طلة ^^
في امان الله

ام امجد14 · 2012-12-23, 15:25

صباح الخير عليكم و

اليوم البرنامج ساهل ماهل الحمد لله كملتو رغم ان الدار راهى تزقزق بخليط من الرمل و السمان و الجبس الا و الحمد لله المورال راهو طالع دايما نقول لنفسى هذى فترة و غادى تعدى
اليوم طبقت البرناج و طيبت القهوة للماصو مانجمتش نخدم ليه والو لان بنتى جاتها حالة من هستيريا بكاء فحطيتلو القهوة براس مع المدلان و درت العذاء شوربة بالجاج و سلاطة و ديسار و قازوز
عمرت الماء و كويت الملابس راجلى دايما كى يدخل عند الماصو يخرج مبهدل الى يشوفو يحسبو هو الماصو و كل دقيقة يغير ملابسه و الحمد لله دايما يلقاهم واجدين
الى تدخل عندى تولي تقول ياولى ياولي كيفاش راكى قادرة تقعدى ياولى راكى مغبوووووووونة
وكلام من هذا القبيل باش يطيحو المورال
بس على مين انا دايما المورال طالع الانى دايما نفكر فى النتيجة و النهاية و نقول لنفسى هذو طاقة سلبية ما لازمش نتاثر بكلامهم المهم رانى عارفة هدفى

ان شاء يابنت الخليل راجلك يخدملك واش راكى تحوسى اعرفى برك كيفاش تقنعيه و السلام