كرواصو بالخطوات المصورة ناجح واقتصادي

الوهرانية 1 · 2012-12-02, 00:47

دائما وفي اطار الوصفات السهلة والاقتصادية نقترح عليكن اليوم طريقتي في صنع الكرواصو
هناك طرق كثيرة لصنعه واهمها بالعجينة المورقة هده الاخيرة تحتاج لزبدة خاصة ولوقت اكثر لكن في بعض الاحيان ولضيق الوقت او عدم توفر زبدة التوريق feuilletage تحتاجين البديل لهده العجينة يعني بنت عمها ههههههههه
بدون اطالة حبيباتي نقدم لكم هده الطريقة السهلة والمباشرة والاقتصادية لصنع الكرواصو تابعي المراحل

المقاديروطريقة التحضير بالشرح
اولا الكاس الي نعبرو بيه هو كاس العسل الصغير هدا هو

نضع 2 كيسان فرينة + كاس سكر + 2 ملاعق كبار لحظة + درة ملح وفي صحن نديب 2 ملاعق كبار خمارة

نخلط المواد الجافة نضيف لها 2 كيسان ماء دافيئ و الخميرة المدابة

نخلطو المكونات مليح

تصبح هكدا نخلو الخليط السائل يخمر 10 دقائق

نضيف الفرينة تدريجيا

حتى تلتم العجينةلكن تبقى تلتصق باليدين متنشفيهاش بزاف

نتركها ترتاح في كيس مدة قصيرة 10 الى 15 دقيقة

هاهي بعد مدة الراحة

نقسموها ل 12 كرة كل اربعة مع بعض

ندوبو الزبدة العادية انا استعملت صول 250 غ

نجيب اربع كرات الاولى

نحلوهم بالوراق او الحلال باستعمال الفرينة ااكد لك سيدتي كثري الفرينة لان العجينة طرية لازم ترشي الفرينة من الجهتين

نحط الدائرة الاولى وندهنها بالفرشاة بزبدة دايبة

ونحط فوقها دائرة ثانية

وندهنها بالزبدة

ثم الثالثة وندهنها
ثم نحط الرابعة والاخيرة

هدا شكل الدوائر الاربعة

نرشو العجينة من الفوق بالفرينة ونحلوها بالحلال بلطف ثم نقلبوها من الجهة الثانية ونرشوها ونزيد نورقها بلطف شوفي الصور
قبل التوراق

بعد التوراق

نقسمها كيما في الصورة ونضع الشوكولا في كل قطعة

ونشكلها نعرف ان اكثركن تعرفن طريقة التشكيل لكن ربما يكون فيه مبتدئات اليهن الشرح المفصل

نضعها في صنية فرن

نتركها تخمر لازم يخمر مليح

نحضر خلطة الطلاء الدهبية بيضة نيسكافي مدابة وشوية سكر

ها هي جاهزة

ندهن الحبات في الصنية وندخلها الى الفرن

وها هي بعد ما خرجت من الفرن

صورة عن قرب

لاحظي كيف تجي مورقة

وهنا شكلها من الداخل

ملاحظة / الكرات الي بقات ليك خدميها بنفس الطريقة يعني كل اربعة مع بعض
الدائرة الواحدة تخرج ليك 12 حبة
المقادير الي حطيتها تخرج 36 حبة
نتمنى اني افدتكن اخواتي وهي فعلا مجربة نعتمدها من سنوات وناجحة 100 بالمئة
كيما العادة الشرح طويل لكن الطريقة سهلة

لمشاهدة الصور عن قرب وبشكل اكبر اضغطي على الصورة
تحياتي

الورود المنسية · 2012-12-02, 07:35

ما شاء الله يا الفحلةةةةةةةةةةةةة تبارك الله

*ام رامي* · 2012-12-02, 07:55

يارك الله فيك اختي الوهرانية
اكيد نجربها
تسلم الايادي

أم ياسين الزهراء · 2012-12-02, 08:00

ماشاء الله عليك فنانة ومبدعة هذي ان شاء الله نجربها عمري مادرت الكرواصو على جال الوقت يدي في الخدمة بصح طريقتك فووووووووووووووووور ربي يبارك فيك

سليلة الغرباء · 2012-12-02, 08:02

جربته من قبل وهو لذيذ

حلم جميل · 2012-12-02, 08:14

السلام عليكم

طريقة جميلة شكرا اختي على عطائك و جهدك

mama kika · 2012-12-02, 08:56

يعطيك الف صحة طريقة بسيطة تسلم الايادى ان شاء الله نجربها

oum sabrina · 2012-12-02, 09:06

allahe barik

أم عبير · 2012-12-02, 09:11

الله يعطيك الصحة يا اختي راه سهال عليا باش نجربو بارك الله فيك تحياتي لناس وهران الطيبين

terrou · 2012-12-02, 09:12

4444444444444444

ام مريم الجزائرية · 2012-12-02, 09:17

الله يبارك ساهل جربت العجينة وجي هايلة اما الطريقة نجربها ان شاء الله بارك الله فيك

سمراء الدنيا · 2012-12-02, 09:53

ما شاء الله عليك يا الوهرانية الشاطرة =جبتي التايهة=
راه في خاطري من مدة و الوصفة اللي نجربها تتعبني و ما تنجحليش
هادي راهي ساهلة و هايلة ....بربي نديرها و نوريلك التطبيق
ربي يخليك لاهل بيتك

ام نسرين · 2012-12-02, 09:58

وشنو هذا يا اختي راكي سهلتينا كلش ربي يسهلك امورك انشاءالله

الوهرانية 1 · 2012-12-02, 10:12

اقتباس:

المشاركة الأصلية كتبت بواسطة ام نسرين

وشنو هذا يا اختي راكي سهلتينا كلش ربي يسهلك امورك انشاءالله

اللهم امين يارب العالمين وشكرا على هده الدعوة الصادقة حبيبتي

الوهرانية 1 · 2012-12-02, 10:13

اقتباس:

المشاركة الأصلية كتبت بواسطة سمراء الدنيا

ما شاء الله عليك يا الوهرانية الشاطرة =جبتي التايهة=
راه في خاطري من مدة و الوصفة اللي نجربها تتعبني و ما تنجحليش
هادي راهي ساهلة و هايلة ....بربي نديرها و نوريلك التطبيق
ربي يخليك لاهل بيتك

االله يسلمك حبيبتي وانتظر تطبيقك وانشاء الله تريحك هاد الطريقة