حماتي ...صدمة حياتي...للنقاش

[mohamed160]

المشكل راهو فيكم يا بنات الصغير هو لى يقدارى الكبيرى ماشى العكس

[مريم الصابرة]

المشاركة الأصلية كتبت بواسطة adlan18

كاين ناس قلبهم وراء عقولهم

السلام عليكم اختي
قوليلي ديركت إنت قلبك وراء عقلك يا اختي فالمسألة هذي خليه موراه او حتى نرميههذا راي كيما إنت حرة في إختيارك للموضوع وحطيتيه تشوفي ردود راني حطيتلك رد قلبي وراه او امامو يا اختي الله غالب هذا تفكيري شكرا

[baalache]

من علامات الساعة يطيع الرجل زوجته ويعصي امه

[صَمْـتْــــ~]

المشاركة الأصلية كتبت بواسطة بــ قلم رصاص

يجب على الزوجة طاعة زوجها ، و يجب على الرجل طاعة أمه

هل لك حل لهذه المعادلة ؟

معادلة حلّها
[طاعة زوجة الإبن لحماتها]
وذلك من طاعتها لزوجها
وقبْلا [طاعتها لربِّها]

[panpouna]

يقولو "ما يحس بالجمرة غير لي عافس عليها" يعني لي ماشي مجرب يهدر كلام نلقاوه عير فالكتب اما الواقع حاجة واحدوخرا والانسان يبقى انسان عندو مشاعر واحاسيس و كي تضرو حاجة يحب يفضفض والا رايح يمرض نفسيا ..انا امي عاشت تجربة مريرة مع حماتها و الكل شاهد قريت تشردنا و تهدمت حياتنا من تحت راسها هي وكل عايلتها لي ما نعتبرهاش عائلتي على هاداك نعرف واش معنتها الحماة الشريرة و ربي يهدي الجميع

[ريمة89]

السلام عليكم
انا ماحبيتش ندخل فالموضوع لكن كلاني قلبي .........
الاغلبية منكم ماشي مزوجين وجايين يمدوا فنصائح مثالية امبعد نهار تتزوجوا نهار السبت تبداو تفهموا واش معنتها الحماة ولكل وحدة ماشي مخطوبة وماشي مزوجة ماجيش تحط كلام مثالي حنا نحوسوا على الوقعية بركاو مانكدبوا على روحنا
الزوجات فيهم والعجايز فيهم المهم نعيشوا وخلاص والراجل هو الضحية الكبير
وانا بحكم مزوجة ونعرف الحماة نقولكم قدما تكون الحماة شريرة ولا غيورة ولا جاز وقتها وعاشاتوا وخلاص والان وقت العروسة يعني راح تكون هي عجوزة وتمارس واش ندارلها من قبل ........كاين وكاين لكن هنا دور الرجل الزوجة تحب زوجها لها وحدها والام تحبوا لها وحدها وماتحب يخرجها ماتحب يشريلها تحب كلش يمشي من تحت يدها وهدي هي المعضلة الكبيرة خاطر الطفلة كي تتزوج باه تتحكم في حياتها وهي تسيرها والعجوزة تحب كلش يجوز من تحت يديها وهنا يصراو المشاكل اللي ولات دوكا عادية يعني نهار تفكري فالزواج + المشاكل اللي مع الوقت راح تولي روتين فقط
انا ننصح كل وحدة مقبلة على الزواج نقوللها ماتعانديش يماة الراجل واياكي تجبديلوا على يماه راح يخرجلك خرجة عمرك ماستنيتيها وكيما تقول ماما اللي مافيه الخير في مواليه كيفاه يديروا في بنت الناس هدوا مواليه ويماه قوليلها ايه وخلاص

[ريمة89]

المشاركة الأصلية كتبت بواسطة صـفوة النّـفس

معادلة حلّها
[طاعة زوجة الإبن لحماتها]
وذلك من طاعتها لزوجها
وقبْلا [طاعتها لربِّها]

السلام عليكم
ادا في رايك ادا قاتلوا طلقها
طاعة الام يطلقها وطاعة الزوجة تقبل بالطلاق
يااختي
طاعة الزوج فيما يرضي الله وام الزوج هي ام ان اردنا جاملناها فقط لكن مانطيعهاش انا نطيع راجلي فقط وايضا انا لم اجد اي شيء في ديننا تكلم عن الحماة بصفة خاصة ربما لعدم معرفتي او لجهلي
انما قيل ان نعاملها بالحسنة لا ان نطيعها
خاصة في 2012 مانغطيوش الشمس بالغربال فمن ليست لديه اخته متزوجة لديه احد من افراد عائلته او جيرانه ليس من المعقول ان نكدب الجميع ونقول ان الحماة بريئة كما انني لا انسى ان هناك كنات ايضا فيهم العجب لدا كيما يقولوا ربي خلق وفرق
ارجوا ان لاتتعتبري تدخلي هجوما انماا نقاشا
شكرا وبارك الله فيكي

[كاميلا]

والله يا اختي انا مزلت مزوجتش لكني في حكم المخطوبة نهار كي درت شوفة كي جات عجوزتي واختها كي جيت نقعد حكمتني ختها ودورتني وقعدتني بينها وبين ختها شخصيا معجبنيش الجاست مناه وجعتني كي حكمتلي يدي وعجوزتي غير تضحك مفهمتش

[sali-sali]

هههههههههه
مزال ماتزوجتش نهار نتزوج نردلك الخبر

على العموم مهما كانت ام الزوج تبقى اما ثانية حتى و ان لم تتقبلني تبقى امه احترمها مهما فعلت

[ريمة89]

اختي ان الاحترام واجب في حياتنا اليومية واحترامك لها نابع من حسن تربيتك لكن مادا سيكون ردك ان كانت لاتحترمك لا هي ولا بناتها ادنى احترام ولاتعبرك ولاتعطيك حقكي كزوجة ابنها
هنا سنرى ان كنتي ستحترمنينها ام لا

اختي كاميلا مبروك عليك الخطوبة ولعقوبة لزواج ايييييييييييييييه الخطاب رطاب هههههههههه
نتمنالك الهناء مع زوجك هوما الصح وكيما كانت تقول ماما ربي يحفظها ادا حبك القمر النجوم تباعة
السر في الحماة انك تديها قد عقلها و تعيشي حياتك ماشي كل كلمة ولا جاست تديري عليه يما مازال تشوفي
المهم انك ماديريش في بالك وتعيشي مع راجلك حتى انت يجي نهار تدير دارك انا نعطيك لمحة فقط بالنسبة للعيد عندي لخت زوجي ساكنة معانا بحكم انوا زوجها يخدم فالصحراء انا لما حبيت نشري الكبش اييييييييه صرات مشكلة كبيرة لكن هي بنتها كي شرات وزوجها ماكاشوا قاتلي هي طبق شرع ودين وهي مدينة امممممممممممممم وحنا يهود وزيد نهار العيد كليت معاهم وماعطاتني والوا قالتي نصدق للفقراء وانا ياك مادبحتش وداري وحدي اهديني جزء منوا وخلي وخلي لكن انا مانديرش عليها نخبي في قلبي ونسكت
وهي كل مرة تحاول انا نسكت مانجاوبش حتى والفت دوكا بيا هههههههههه
ولات انا بالنسبة ليا عادي وهوما والفوا يهدروا ويمعنوا وانا مانجاوبش لكن راجلي خارج القصة والحمد لله مهنية معاه .

[مريم الصابرة]

المشاركة الأصلية كتبت بواسطة ريمة89

السلام عليكم
انا ماحبيتش ندخل فالموضوع لكن كلاني قلبي .........
الاغلبية منكم ماشي مزوجين وجايين يمدوا فنصائح مثالية امبعد نهار تتزوجوا نهار السبت تبداو تفهموا واش معنتها الحماة ولكل وحدة ماشي مخطوبة وماشي مزوجة ماجيش تحط كلام مثالي حنا نحوسوا على الوقعية بركاو مانكدبوا على روحنا
الزوجات فيهم والعجايز فيهم المهم نعيشوا وخلاص والراجل هو الضحية الكبير
وانا بحكم مزوجة ونعرف الحماة نقولكم قدما تكون الحماة شريرة ولا غيورة ولا جاز وقتها وعاشاتوا وخلاص والان وقت العروسة يعني راح تكون هي عجوزة وتمارس واش ندارلها من قبل ........كاين وكاين لكن هنا دور الرجل الزوجة تحب زوجها لها وحدها والام تحبوا لها وحدها وماتحب يخرجها ماتحب يشريلها تحب كلش يمشي من تحت يدها وهدي هي المعضلة الكبيرة خاطر الطفلة كي تتزوج باه تتحكم في حياتها وهي تسيرها والعجوزة تحب كلش يجوز من تحت يديها وهنا يصراو المشاكل اللي ولات دوكا عادية يعني نهار تفكري فالزواج + المشاكل اللي مع الوقت راح تولي روتين فقط
انا ننصح كل وحدة مقبلة على الزواج نقوللها ماتعانديش يماة الراجل واياكي تجبديلوا على يماه راح يخرجلك خرجة عمرك ماستنيتيها وكيما تقول ماما اللي مافيه الخير في مواليه كيفاه يديروا في بنت الناس هدوا مواليه ويماه قوليلها ايه وخلاص

السلام عليكم اختي
كانك على ردي تشوفيه مثالي فهذا راجع ليك اختي كل وحدة قبل الزواج عندها فكرة على دارها وعلى راجلها وعجوزتها كاينة مخطوبة ويركبوها الجنون كي يقولها شريت لختي وليمى إسمحيلي يحبو يدو الراجل بلا ماليه وكيما عندي يمى عندو يماه مشاكل الحياة كاين ويكونو حتى فالدار وقبل ما نتزوج ومع يمى ايضا لكن كبريها تكبر صغريها تصغر إذا تزوجتو ومن اول يوم خطبة تقلوليو يماك ويماك اواه هذي ماشي هدرة ويا اختي موجدة روحي و نعرف روحي ولا مثالية لا زوج عندي زوج كلمات حاطتهم في راسي يمى او يماه الجنة تحت رجليهم وماشي نقولو يمى ويماك عدوة او واعرة او تغير مني وكل وحدة ورايها
وللمك كنت مخطوبة الحمد لله ومحال نتبدل ولو نموت ولو نعرفها تضربني ما نقولها كلمة ةاللي تشوف في ردي مثالي هذا راجع ليها بارك الله فيك

[adlan18]

المشاركة الأصلية كتبت بواسطة مريم الصابرة

السلام عليكم اختي
قوليلي ديركت إنت قلبك وراء عقلك يا اختي فالمسألة هذي خليه موراه او حتى نرميههذا راي كيما إنت حرة في إختيارك للموضوع وحطيتيه تشوفي ردود راني حطيتلك رد قلبي وراه او امامو يا اختي الله غالب هذا تفكيري شكرا

وعليكم السلام
أولا راني أخ منيش أخت الحاجة الثانية كلامك هذا يدل على فهم خاطئ لكلامي
لسان و قلب الحكيم دائما وراءعقله .........

[aihemsara]

السلاااااااااااام عليكم.. و الله موضوعك من الواقع و صح كاين عجايز يحلو مكان الام
و كاين لي ينبشو على المشاكل و يخلقوهم.. انا عرسي بعد 20 يوم و راح نسكن مع عجوزتي و انا كنتها الاولى و الاخيرة
لكن عندنا مرت خويا (تسكن فوقنا) و عندي 4 خواتاتي متزوجات
يعني شفت حالات بزاااااااف و ميزت و فهمت و من كل وحدة اديت العفايس الملاح ان شاء الله نطبقهم
باختصار العجوزة مهما تكون واعرة سليطة اللسان و تحوس لى المشاكل تبقى ام راجلك و بسيف عليكي تحمليها و تسايسيها
على خاطر يجي نهااااار و تولي كيفها و مادابيكي كناينك يسايسوكي و يدو برايك و يحترموكي
راهي مراة كبيرة تقدري بكلمة تكلحيها و ترجعيها في صفك من داك اشريلها حاجة بدون مناسبة و الله غير تكسبيها
انا و الله من درك راجلي متفاهمة معاه بعد الزواج مرة على مرة يدي ماماه يخرج معاها و يعشيها وحدهم
هكا ما تحسش ديتيلها ولدها.. و من درك عندي قناعة او يقين ان صح القول انو عجوزتي عاقلة
و راح نعاملها بالملاحة و نديرا في عينيا هكا راجلي يديرني في عينيه هو تاني و مرة اخرى كنايني كيفكيف
علابالي الموضوع ماهوش للنصح و راني خرجت عن الموضوع
لكن هذا الواقع بنات اليوم يحبو كلشي بالساهل و ما يصبروش
اعذروني لكثرة كلامي.. و ماراني نقصد بيه حتى وحدة فيكم هو كلام عام فقط

[ريمة89]

المشاركة الأصلية كتبت بواسطة مريم الصابرة

السلام عليكم اختي
كانك على ردي تشوفيه مثالي فهذا راجع ليك اختي كل وحدة قبل الزواج عندها فكرة على دارها وعلى راجلها وعجوزتها كاينة مخطوبة ويركبوها الجنون كي يقولها شريت لختي وليمى إسمحيلي يحبو يدو الراجل بلا ماليه وكيما عندي يمى عندو يماه مشاكل الحياة كاين ويكونو حتى فالدار وقبل ما نتزوج ومع يمى ايضا لكن كبريها تكبر صغريها تصغر إذا تزوجتو ومن اول يوم خطبة تقلوليو يماك ويماك اواه هذي ماشي هدرة ويا اختي موجدة روحي و نعرف روحي ولا مثالية لا زوج عندي زوج كلمات حاطتهم في راسي يمى او يماه الجنة تحت رجليهم وماشي نقولو يمى ويماك عدوة او واعرة او تغير مني وكل وحدة ورايها
وللمك كنت مخطوبة الحمد لله ومحال نتبدل ولو نموت ولو نعرفها تضربني ما نقولها كلمة ةاللي تشوف في ردي مثالي هذا راجع ليها بارك الله فيك

ريد ان اسالك سؤال واحد فقط علاه كلما واحد يدير رد تفهميها بلي عليك كيما انت عندك رايك انا عندي رايي وانت حرة
في معاملتك لو كنت مزوجة كنت راح نحير لكن كي راكي سيليباتاغ لن اناقشك علا خاطر قدما نهدر تبانلك بلي احنا العجايز نكرهوهم
وتانيا المثل يقول سال مجرب وماتسال طبيب وتبقى دايما التجربة اكبر برهان
شكرا لكي اختي

[ام شعيب34بوب]

ربي يهدينا مهما كان بغض النظر ان عاملتيها كام لزوجك فتذكري بانها جدة اولادك