مشكل و ماشي مشكل - الصفحة 2

djeriou · 2012-10-14, 16:45

لابد من المرور عبر هذا الطريق و هي مرحلة عابرة

هذه هي الدنيا

الجليس الصلح · 2012-10-14, 17:53

بصراحة السكن المنفرد للأزواج الجدد أفضل حل للإبتعاد عن كل الحسابات والحساسيات

soso sirin · 2012-10-14, 18:08

اقتباس:

المشاركة الأصلية كتبت بواسطة مسلم سني

السلام عليكم
أختي وسيلة أنا مع الرأي الذي يقول يجب على الزوج والزوجة أن يسكنا لوحدهما تفاديا للمشاكل فكثرا ما نسمع بأن الكنة انفصلت عن السكن مع أهل زوجها لكن بعد شجار مع هؤلاء ومن الأحسن أن يختصر الواحد الطريق من الأول
وهناك حالات أخرى هناك من الرجال من لا يقبل السكن لوحده فيشترط على من سيتزوج بها القبول وهناك من عدل عن فكرة الزواج لأنه لم يجد من تقبل العيش مع والديه
وكوني أكيدة الآباء دائما في حاجة إلى الاهتمام سواء أكان الولد معهم أو يعيش بعيدا عنهم
وأنا شخصيا لا أحب من يفضل زوجته وأولاده على أمه وأبيه
لا أحب هاته الشخصيات
أما والدك وأمك فأكيد سيتأثران لأنهما تعودا على ابنهما وعائلته
لكن مع الأيام ربما سيتعودان على ذلك
المهم خوك ما ينساهمش بالزيارة والتفقد
هذا رأيي والله أعلم
احترماتي

هو الواحد مكانش كيما يخرج من النهار الاول بدارو والله مليح حتى و لوكان يكونو للزوج ملاح.و هي الواحد مليح الي مايظلم الوالدين لانو مكانش كيما هوما في الدنيا مي تاني مايظلمش بنت الناس يعرف كيفاه يعيش و يسير حياتو.هوما رايحين يتعذبو شوية سوغتو مع ليامات اللوالا و حتا الذراري سوغتو الطفل هو كي يشوف جدو يبغي يهبل مي مع الوقت راح يوالفو.و هو والله رايح يشري طونوبيل غير في جال باه يجيبهم كل ويكاند لانو مايقدرش يجيبهم كل يوم .شكرا على الاهتمام خويا عبد الشافي

soso sirin · 2012-10-14, 18:24

اقتباس:

المشاركة الأصلية كتبت بواسطة morad81

وهذي الشي اللي راهو محيرنا فيكم يا سوسو ....نهار تنوض الحالة بين النسا تقول خلات الدنيا ومن بعد كي يتفرقوا يوليو حبابات.....مرات أنا نقول هاذو غير لعبات متفاهمين عليها على راس الراجل و كي تفرى الحاجة اللي راهم باغيينها ترجع الحالة كي بكري.

واش نقولك لكلام لمليح مليح بصح نقولك كاين مواضع تعرف باللي راهو يتقال من أجل أنه يتقال لأن الكنة راهي عارفة بلي غادية تروح تسكن وحدها ...
أما قضية أنتوما كي أهلي و ما نصبرش عليكم ....الخ تبقى جمل لا محل لها من الصدق التام ........

واش نقولكم ...هبلتونا بالخرجات نتاعكم .....ونهار اللي تفريوها لكلام لحو مانيش عارف من وين تجيبوه تقول راكم كاتبينه قدامكم هههههههه.

والله ضحكتني مي والله مانا متفاهمين على ريسانكم مي كل عقلية و حالة و كيفاه تلقاها مي الي يفهم غير مايدخلش روحو بين النسا الا وقت مايفوتو الحد و تكون المشكل كبير لانو اليوم رانا ملاح و غدوة لالا نزعفو بلخف و نرضاو بلخف.لالا والله مرات يكون هذا الكلام من القلب تعرف وقتاش نهار تكون صارية الحرب الباردة برك بين الكنة و مالين الراجل و في حياتهم ماتقابضوش نيشان و مانظلمتش و مصرالهاش موقف صعيب بزاف و قيمتها كانت محفوظة و مكانش الي وصلها .الكلام الحلو يجي روحو سوغتو كي تكون الحاجة تفرح نيشان

soso sirin · 2012-10-14, 18:30

اقتباس:

المشاركة الأصلية كتبت بواسطة z.abdo

السلام عليكم أختي سيرين

نعم هذا المشكل يحدث كثيرا لما يتعلق الجد بالأولاد

لكن احسن شيء العرس يقام في منزل آخر ويسكن بعيد من اليوم الأول حتى لا يتعلق الأهل بالأولاد كثيرا

وأهم شيء أنه خرج برضاة والديه وهذا أهم

ربي يتم عليهم الهناء ويجعل أخاك بارا بوالديه

فقط نصيحة أختي سيرين فقط يجب ان تعرفي كيف تتصرفي إذا بدات علامات الحزن عند والديك

لأن فراق الإبن والاولاد شيء صعب

بارك الله فيك وجزاك الله فيك أختي

والله هذا احسن حل الواحد يخرج من النهار الاول هكا الجدود مايوالفو الذراري و الخرجة تكون ساهلة بزاف .لالا والله والديا راهم راضيين على خروجو و زاد هاذي هي الدنيا .اللهم امين يا رب.هو علابالي راح يفوتو يمات ثقال عليه مي رايح يشوفهم كل ويكاند ان شاء الله.ربي يخليك خويا عبدو على الرد

soso sirin · 2012-10-14, 18:37

اقتباس:

المشاركة الأصلية كتبت بواسطة لحن الفرح

السلام عليكم
اختي الكريمة خلي اولا د اخوك يقعدوا يامات في داركم

و عليكم السلام والله حتا هوما رجعو معانا و رايحين يفوتو هذا السمانة تاني في دارنا حتى للسمانة الجاية باه يروحو لسكنتهم

اقتباس:

المشاركة الأصلية كتبت بواسطة لؤلؤة الفردوس

ايه مام يا ختي صح الودااع صعييييب بزاااف سورتور الأحفاد الصغار يغيضوني كي توالفيهم تجيك صعيبة كي يفارقوك
الله غالب هاذي هي سنة الحياة

قريت موضوعك زوج مرات باش فهمتك لغتك منفهمه بالسيف أكتبي بالعربية احسن
و شكرا أختي

ايه والله صعيبة بزاف والله مرات يقلقوني سوغتو مع الصباح و كي يولو يسماطو عليا مي والله الدار رايح تفرغ بلا بيهم .مي كيما قلتي هاذي هي الحياة و كيما الواحد يبغي يعيش روحو سوغتو كي يدير الذراري يبغيها لبنت الناس .رايح نولي نكتب المواضيع ان شاء الله بالفصحى و لا نولي نكتب كلمات الي مفهومين مرات ننسى انو رانا 48 ولاية الله يبارك نحسب روحي راني في دارنا ههههههههه

soso sirin · 2012-10-14, 18:51

اقتباس:

المشاركة الأصلية كتبت بواسطة لذريق

السلام عليكم أختي وسيلة
صح الألفة بين الناس صعبة حين نعلم ان يوما ما سنفارقم و لو بالجوار
سبحان الله كيما يقولو الولف صعيب و صعيب بزاف و الله اشخاص قعدنا معهم فترات قصيرة و لما حان وقت فراقهم بكينا الدموع الحارة هذا بالنسبة لنا كأصدقاء او زملاء فما بالك الوالدين الكريمين لما يألفون اولادهم بينهم منذ طفولتهم الى شبابهم ثم يتزوجون و بعدها ينجبون الذرية و يقال ما اعز من الولد الا ولد الولد و حقا قد رأينا ذلك في والدين لما يولونه لابناء اخي و اولاد اخواتي و الله لما يرونهم يشفقون عليهم كما تحمي الدجاجة صيصانها و اكثر ههههههه
المهم ايامات و يوالفوا والديك و ربي يرزقهم الصبر وأخوك و زوجته ربي يرزقهم الهنا و الحياة الطيبة
بارك الله فيك و جزاك كل خير
ســـــــــــــــــــــــــلام

و عليكم السلام .ايه كيما قلت انت انو الولف صعيب و الواحد تجيه صعيب كي يفارق ناس تعرف عليهم في مدة قصيرة ماشي حتا الوالدين والله صعيبة بزاف بزاف و زاد رايح يدو معاهم ولادهم هاذي تزيد تكمل .والله مرات كنت نغير من ولاد خويا لانو بابا ماشي يبغيهم مرات نشك انو يبغيهم كثر من باباهم .اللهم امين يا رب و يرزق كل واحد الهنى ان شاء الله

chira-dz · 2012-10-14, 19:15

صح هو من الافضل السكن للزوجين وحدهم لتفادي المشاكل
لكن انا نفضل اذا كان البيت واسع يحاولوتقسيمه و يعيشو مع والديهم

لاني الصراحة افضل سكن الابن مع والديه لان الوالدين نعمة غالية فليبرهما
ولياخذ الاجر منهما و لا ننسى انهما باب من ابواب الجنة و ماعلى الزوجة الا ان تعي هذا الامر
لانو الوالدين مهما عاشوا لن يعيشوا نفس العمر الذي مر على حياتهم
لذلك برهما قدر الاستطاعة قبل ان ياتي يوم الندم و الحسرة على التفريط في حقهما
ارى ان هذا الدرس يجب ان تعيه كل زوجة لانها يوما ما ستصبح اما و تحس بمعنى مفارقة ابنها
و من يزرع يحصد فهي ان صبرت و حثت زوجها على بر امه ستجد ابنها فاعل لها ذلك باذن الله

soso sirin · 2012-10-14, 19:19

اقتباس:

المشاركة الأصلية كتبت بواسطة السي محمد

ههههه انتي علاه تكتبي بالشلفاوية

انا نفهمك لاني شلفاوي بالصح الاغلبية ما يفهموكش ههههه

انا نبدل اللهجة ونحاول نرجعها مفهومة لكل جهات الوطن

او نكتب بالفصحى

اقتباس:

المشاركة الأصلية كتبت بواسطة السي محمد

انا جيني لهجتنا مفهومة ماشي صعيبة بزاف علا هكا كنت دايرا في بالي بلي راهم يفهموها مي ماعليش راح نولي نستعمل كلمات مفهومة و لا نكتب بالفصحى مي الله غالب كاين مواضيع لازم نكتبهم دارجة باه نوصل واش باغية نوصل كي كاين ناس راهم يفهموني كامل مليح

مريم الصابرة · 2012-10-14, 19:22

السلام عليكم وسيلة
والله اختي شوفي هي من الاول وفالخطبة الراجل والمرا يتفاهمو كان قادر يسمن بعيد على اهلو وهما راضيين عليه من الاول هكذاك خير كان والديه ما رضاوش عليه من الاحسن يشوف اللي تقبل تسكن مع اهلو هي صح السكن الإنفرادي خير يا اختي الحرية كيفاه تعامل زوجها وواش تلبس لكن لما تكون مع اهلو ما تقردش تلبس باباه وخاوتو لازم قدر وقدر كبير وانا صدقيني ما نحبش السكن الإنفرادي نحب لمة العايلة ومحال نفكر ندي راجل على والديه حتى لو هما رضاو لكن لا محال على العكس ماذابيا ولادي تربيهم جداهم خير وإنتوما ترضاو الامر الواقع من بعد يفوت الوقت ويولي الأمر عادي مسألة وقت برك ربي يوفقكم.

سعاذ · 2012-10-14, 20:00

السلام عليكم
ان شاء الله تكوني مليحة
شوفي يا اختي انا من راي اذا كان الرجل عندوا امكانية و نية باش يسكن وحدا يسكن وحدوا
من نهار الاول اما عفست نسكنوا شويا مع دارنا و من بعد نخرجوا انا هذي مانسبورتيهاش
اذا كنت ناوي تسكن وحدك و عندك الامكانيات من نهار الاول ماشي حتى يوالفوك في الدار
مع زوجتك و من بعد تخرج راك رايح تخلي لفراغ
انا نسبرتي لي يخرج بداراو وحدوا لي يكونوا في دار عايلة كبيرة بزاف يعني كاين لي يخدم
على والديه مثل خواتاتوا او مرت اخ اخرى اما لي يخرج و حدوا و يخلي يماه و باباه و حدهم
ماكين حتى واحد معاهم انا هذا الشخص يطيح من عيني
اما حالتكم الله يعطيكم الصبر حالتكم صعيبة بزاف سرتوا على جال لولاد لي كانوا معمرلكم دار
بشويا برك ذوك توالفوا راهم يجيو عندكل كل ويكاند ان شاء الله
دمتم في رعاية الله و حفظه

soso sirin · 2012-10-14, 20:11

[

اقتباس:

المشاركة الأصلية كتبت بواسطة خولة لبابة

ايه اختي سوسو صعب عندما نتعود على اشخاص في بيتنا......و بعدها يفارقونا.........لم أعرف ماذا اقول لكي........الله يهني أخوكي الله آمين........و لا تقلقي سيتعود والداكي على هذا......و ان شاء الله الأخ يزورهم كل يوم لكي لا يشتاقوا كثيرا اليه........وفقكم الله.....

ايه والله الولف صعيب يا اختي فلال مي هاذي هي الدنيا .اللهم امين .مايقدرش يجي كل يوم لانو شوية بعيد و تاني خدام مي راح يجيبهم في الويكاند ان شاء الله.بصحتك الاسم الجديد

اقتباس:

المشاركة الأصلية كتبت بواسطة sarl02

لازم تكوني شلفاوية وفيار ولا لالا؟..الهدرة تاع الشلف مفهومة في 90/100 من مناطق الوطن بشهادة من اعرفهم من مختلف الولايات ....بالرجوع لموضوعك شوفي يا الشلفية المهم هو كي اكون الخروج بالطيب ومن غير زعاف ومشاكل هذاك هو الصح اما الباقي فالايام كفيلة به امبعد انتم اتوالفو بلا بيهم وهم اوالفو بلا بيكم عادي جدا.

ايه والله شلفية و افتخر .الصح الواحد كي يخرج برضايتهم والله كلشي يولي يتفتح في وجه واحد و الدنيا هاذي الواحد ماراه داي منها والو من غير حنا نتقلقو برك

اقتباس:

المشاركة الأصلية كتبت بواسطة بن عمير 22

حيرتنا درنا ليكم سكن وحدكم ما بغيتو سكناكم مع العائلة ما قدرتوا تبقاو وحدكم

اش نديروا ليكــــــــــــــــــــم.............ههههههههههههه هههههههههههههه

شكرا للمــــــــــــــوضوع..........وكيف حالك.....توحشنا دريجة نتاعك...

والله نهار نفهم راني نفهمكم ان شاء الله.ايه كيما ديرو ماتلقاو حل ههههههههههه.انا راني نهدر غير بالدارجة رايحين تتعلمو اللهجة الشلفية بالسيف و راني ندير ليكم ليكوغ باطل

soso sirin · 2012-10-14, 20:19

اقتباس:

المشاركة الأصلية كتبت بواسطة djeriou

لابد من المرور عبر هذا الطريق و هي مرحلة عابرة

هذه هي الدنيا

ايه كيما قلت هاذي هي الدنيا و هاذي هي الحياة

اقتباس:

المشاركة الأصلية كتبت بواسطة sawsan bd.am

هو مشكل و مع الوقت يولي ماشي مشكل
سنة الحياة يا أختي
كل حاجة عندها حدها
وهذا سيحدث مع أولادك أيضا
مشكل ليهم وليك ومبعد يولي ماشي مشكل
أحسن من ماشي مشكل و مشكل

والله يا خويا كيما قلت انت مشكل و ماشي مشكل خيرمن ماشي مشكل و مشكل.كون ريحو والدينا مع والديهم كنا ريحنا حنا و كانو ولادنا ريحو معانا .و تستمر الحياة ..............

اقتباس:

المشاركة الأصلية كتبت بواسطة رجل الفضاء

بصراحة السكن المنفرد للأزواج الجدد أفضل حل للإبتعاد عن كل الحسابات والحساسيات

والله مكانش كيما الي يسكن روحو من النهار الاول يريح و يرتاح و من كل النواحي

soso sirin · 2012-10-14, 20:26

اقتباس:

المشاركة الأصلية كتبت بواسطة chira-dz

صح هو من الافضل السكن للزوجين وحدهم لتفادي المشاكل
لكن انا نفضل اذا كان البيت واسع يحاولوتقسيمه و يعيشو مع والديهم

لاني الصراحة افضل سكن الابن مع والديه لان الوالدين نعمة غالية فليبرهما
ولياخذ الاجر منهما و لا ننسى انهما باب من ابواب الجنة و ماعلى الزوجة الا ان تعي هذا الامر
لانو الوالدين مهما عاشوا لن يعيشوا نفس العمر الذي مر على حياتهم
لذلك برهما قدر الاستطاعة قبل ان ياتي يوم الندم و الحسرة على التفريط في حقهما
ارى ان هذا الدرس يجب ان تعيه كل زوجة لانها يوما ما ستصبح اما و تحس بمعنى مفارقة ابنها
و من يزرع يحصد فهي ان صبرت و حثت زوجها على بر امه ستجد ابنها فاعل لها ذلك باذن الله

شوفي يا اختي هي باه مانكذبوش والله كل وحدا فينا تبغي تسكن روحها مي كاين حالات تكون الله غالب و الي مانبغيهاش على والديا مانبغيهاش على والديه و تاني الي نديرها ضروك رايح نصيبها في ولادي.و الي تفهم و الله مكانش كيما الي تخرج و والدين راجلها راضيين والله هذاك الشي الي تحسو و هي خارجة مايتقدرش بمال الدنيا كامل فرق كبير بين تخرجي و انتي معززة و تخرجي و انتي دايرا مشاكل حتى هذا الشي رايح ياثر على حياتها مع راجلها من بعد.و الدنيا هاذي ماهي والو حنا باغيين نطيرو برك ربي يجيب الخير و يهدينا ان شاء الله

soso sirin · 2012-10-14, 20:38

اقتباس:

المشاركة الأصلية كتبت بواسطة مريم الصابرة

السلام عليكم وسيلة
والله اختي شوفي هي من الاول وفالخطبة الراجل والمرا يتفاهمو كان قادر يسمن بعيد على اهلو وهما راضيين عليه من الاول هكذاك خير كان والديه ما رضاوش عليه من الاحسن يشوف اللي تقبل تسكن مع اهلو هي صح السكن الإنفرادي خير يا اختي الحرية كيفاه تعامل زوجها وواش تلبس لكن لما تكون مع اهلو ما تقردش تلبس باباه وخاوتو لازم قدر وقدر كبير وانا صدقيني ما نحبش السكن الإنفرادي نحب لمة العايلة ومحال نفكر ندي راجل على والديه حتى لو هما رضاو لكن لا محال على العكس ماذابيا ولادي تربيهم جداهم خير وإنتوما ترضاو الامر الواقع من بعد يفوت الوقت ويولي الأمر عادي مسألة وقت برك ربي يوفقكم.

واش راكي ليليا .هي المهم رضاية الوالدين و هذاك هو الصح.و ربي يمدلك واش متمنية ان شاء الله و كيما قلتي انتي هي مسالة وقت لينا مي لوالديا بلاك رايح يتعبو شوية

اقتباس:

المشاركة الأصلية كتبت بواسطة سعاذ

السلام عليكم
ان شاء الله تكوني مليحة
شوفي يا اختي انا من راي اذا كان الرجل عندوا امكانية و نية باش يسكن وحدا يسكن وحدوا
من نهار الاول اما عفست نسكنوا شويا مع دارنا و من بعد نخرجوا انا هذي مانسبورتيهاش
اذا كنت ناوي تسكن وحدك و عندك الامكانيات من نهار الاول ماشي حتى يوالفوك في الدار
مع زوجتك و من بعد تخرج راك رايح تخلي لفراغ
انا نسبرتي لي يخرج بداراو وحدوا لي يكونوا في دار عايلة كبيرة بزاف يعني كاين لي يخدم
على والديه مثل خواتاتوا او مرت اخ اخرى اما لي يخرج و حدوا و يخلي يماه و باباه و حدهم
ماكين حتى واحد معاهم انا هذا الشخص يطيح من عيني
اما حالتكم الله يعطيكم الصبر حالتكم صعيبة بزاف سرتوا على جال لولاد لي كانوا معمرلكم دار
بشويا برك ذوك توالفوا راهم يجيو عندكل كل ويكاند ان شاء الله
دمتم في رعاية الله و حفظه

واش راكي سعاد توحشناك واش هاذي الغيبة ان شاء الله تكوني مليحة.هي صح مكانش كيما الي يسكن وحدو من نهار الاول مي حالات تكون الله غالب عليه .هي في جال خدمتو تاني هو بزاف عليه والله الفواياج قتلو سوغتو مع الشتا غبينة.هي كيما قلتي انتي كانو معمرينا الدار ضروك يولي السكات مع انو بيناتنا غير انا راني ندير الهيلولة ههههههههه.مي راح يجيبهم كل ويكاند ان شاء الله في جالهم شرينا طونوبيل .