نعم للحب لا للاحترام واقع عجيب

[Lydia istanboul]

المشاركة الأصلية كتبت بواسطة soso sirin

واش راكي يا ليديا ان شاء الله بخير.كلمة مجنون اذا قلتيهالو و انتوما في حالة عادية معنتها راكم كالم و قالك حاجة غريبة كي تقوليهالو ماشي حاجة عيب مي كون تقوليهالو و نتوما متناقرين و بالزعاف هنا راكي قاصدة بيها حاجة ماشي مليحة.مرات كلمة مجنون لما تتقال في الحالات العادية يكون الشخص قاصد بيها انت انسان هايل و تعجبني يعني توصل مشاعر ايجابية و تحيا الرومنسية الجزائرية هههههههه.انا يا ليديا قصدت بالسب و الشتم انهم يستعملو كلمات هابطة تاع شارع

ممممم اذا هاك معناتها انا ضد اي كلمة لتقليل الاحترام بين الازواج...لكن لا للجدية المفرطة التي تجعل من الزوجة كالتلميذة ترتعش خوفا من أي يغضب زوجها لعبارة ما..,,,,

[soso sirin]

المشاركة الأصلية كتبت بواسطة lydia istanboul

ممممم اذا هاك معناتها انا ضد اي كلمة لتقليل الاحترام بين الازواج...لكن لا للجدية المفرطة التي تجعل من الزوجة كالتلميذة ترتعش خوفا من أي يغضب زوجها لعبارة ما..,,,,

مادام راه راجلها نوغمالمو ماتخافش منو علاه تزوجت بغول .كاين كلمات يبانو بلي ممنوع باه يستعملهم و لا تستعملهم في النقاش لانو هدرة ماشي نيشان مي الهدرة العادية نوغمال لانو الوحدا ماتقدرش دير كونترول لكل كلمة تقولهالو هكا امالا ماشي تحسبيها شيخ و تلميذتو هنا تولي رانا في ثكنة عسكرية و اي خطئ راح يدخلها للسجن الانفرادي .

[soso sirin]

المشاركة الأصلية كتبت بواسطة مسلم سني

السلام عليكم

كيف حالك أختي وسيلة أتمنى أن تكون أمورك بخير
هذا الأمر يعود إلى شخصية الزوجين وطريقة تفكيرهما
وأنت قلت هناك بعض الأزواج يفضلون تبادل الشتم والسب صراحة أنا أراه شيئا غريبا وزد إذا لم يكن الاحترام موجودا وهو أساس الحب فلا أظن أن هناك مايسمى بالحب بينهما وزد تبادل الشتائم سيكون له سلبيات على الأولاد ومتى صغر الأب في نظر أولاده أو الأم فإن الأسرة لن تكون سوية
هذا نوع من التناقض قلة احترام ووجود حب بين الزوجين
كيف ذلك؟؟؟؟؟؟؟؟؟؟
شكرا لك

احترماتي

وعليكم السلام واش راك خويا عبد الشافي ان شاء الله تكون بخير والله نقولو الحمد الله.ايه والله كاين حالات نهار كامل و هوما في المشاكل و السب تقول ماشي هدرة بين راجل و مراة و الذراري مقابلينهم .تعرف ممكن المشكل يكون في تربية الرجل و المراة في حد ذاتهم معنتها هوما ترباو في جو كيما هذا و شافو بلي زواج والديهم كمل عادي امالا تابعو نفس الاسلوب.مي يكون خلل في نفسياتهم لانو الانسان الطبيعي يبغي الهدوء و السكينة.انا ماشفتش حالات كيما هاذو بعينيا مي حكاولي على حالات ماتفهم فيهم والو و تم تقول سبحان الله و تسكت .و حالات كيما هاذو رايحين يكونو لانو الي يتربى في العياط و على السب راح يكون مشروع لزيجة كيما تاع والديه

[soso sirin]

المشاركة الأصلية كتبت بواسطة فلال باك

للاسف أختي...........هذه الظاهرة موجودة في مجتمعنا و هي من أغرب الظواهر......كيف ينشأ جو اسري هنيء و كلا من الزوجين لا يحترم الآخر........الاحترام هو اساس استمرار العلاقة الزوجية......فمتى غاب بدأت الاسرة في التلاشي......نسال الله أن يجنبنا مثل هذه الأمور ..........و الله الموفق...........

المشكل يا فلال انو هذا الزواج راه يستمر و عادي صح هوما بلاك تعودو على هذا الشي مي ولادهم علاه يعذبوهم معاهم ربي يهدينا ان شاء الله.

[mohamed160]

سلام عليكم شكران على الموضوع وربى يهدى ما خلق

[soso sirin]

المشاركة الأصلية كتبت بواسطة الواثق

الرسول صلى الله عليه وسلم يقول *** رفقا بالقوارير *** فلو كنا على منهج السلف لما وصلنا لهذا ..........المرأة يجب ان تطيع زوجها في المعروف والرجل وجب عليه خدمتها وتوفير الحياة الكريمة لها وان يرفق بها فيكفي انها ام اولاده ................

اما المشكلة التي اراها في عائلاتنا ان الزواج هو اشباع للغرائز فقط ولا ارى تزاوجا في الافكار ومن المفروض ان يشترك الرجل مع زوجته في العبادة ان يصلي معها ان يستشيرها وهي تستشيره ان يعمل معها وتعمل معه على الاصلاح وعلى طاعة الله ................فالعشرة تقتضي هذا وهي التي ترسخ الحب والاحترام ...........اما اذا كان الرجل وحتى المرأة تنظر الى الطرف الاخر كشيء اخر فكيف يكون الاحترام ؟؟؟؟......................

والله اعلم بالصواب

صح كي بعدنا على الدين حياتنا تخلطت.الصح والله شحال من مرة نسقسي روحي و حتى نسقسي الناس نقلهم علاه الناس راهم يتزوجو مالقيتش جواب كافي و وافي لانو الزواج في وقتنا و لى بريستيج برك .قال ماقال عندي مرة و لا عندي راجل .ربي يهدينا ان شاء الله

[soso sirin]

المشاركة الأصلية كتبت بواسطة مريم الصابرة

السلام عليكم اختي وسيلة
والله موضوعك حساس ومهم الصراحة اختي نقبل كي نغلط راجلي يضربني ولا إنو يسبني مابقاش إحرتام بيني وبينو كان وصل يسبني انا محال نسبو وحتى وانا عصبية درجة اولى لكن نسكت ونخليه والعقوبة تستمر هو يسبني دقيقة ويروح يا سيدي ساعة وهو يغني لكن انا عقابي بالشهر حتى يتعلم باللي سبها بنت ناس ورباوني اهلي ما نردس عليه نخليه حتى يعيا ويسكت وحدو ومن بعد يجي دوري انا بالبارد ما نقيموش ههههههههههه والله يا اختي مشوفو امور والسب بين زوجين تقولي إنت زوج جيران مدابزين ماشي راجل ومرتو وكيما قلت كاين اللي راضية وتقولك يحبني وهو يحس روحو السبع داخل يزهر خارج يزهر هههههههههه انا نظن ما فهموش معنى الزواج الحقيقي عندبالهم راهم يلعبو خليهم يلعبو واللي يضرب لاخر يدي خوه للسبيطار هههههههههههههههههه شكرا

وعليكم السلام ليليا.هذاك ماخصومايضربك مايسبك يديرها نشكي بيه ههههههههههه و بلاكي تروحي تسمحيلو.انا هاذيك الي تخلعني يعجبها الحال تقلك تم وين نحسو راجل تاع الصح مهبولة شا يجيك منها و هو يحسب بالعياط و السب راه راجل تبهديلة نيشان .خليهم زواج كيما هذا يجي نهار وين يطيح و اذا ماطاحش و كمل رايحين يجيبو حالات جديدة كيما والديهم وخلاص

[soso sirin]

المشاركة الأصلية كتبت بواسطة baroud

كل ما بني علئ باطل فهو باطل و إذا لم تستحي فاصنع ما شئت

صح عندالحق مي كاين ناس الحشمة مكانش في قاموس حياتهم

المشاركة الأصلية كتبت بواسطة عميروش الحر

عندما يكون الخبث محيطا بهذه العلاقة منذ ولادتها فهكذا تكون النتيجة
وكما قال الاخ لي سبقني كل ما بني علئ باطل فهو باطل
هي صح كي تكون العلاقة مبنية على ساس ماشي صح مي كاين حالات يكونو تربيتهم خطئ هوما ممكن عاشو في وسط كيما هذا امالا كملو واش شافو

المشاركة الأصلية كتبت بواسطة حالة ميئوس منها

نعم كاينة بالفعل
انا شفت واحد يحكي لصحابو على زوجته في المقهى و يضحكون
لا حول ولا قوة الا بالله
و الله غاضتني المسكينة طيحت مني النص هي فالدار و راجلها
بضحك عليها فالناس برا

و هذا راجل هاذا ريحة الرجلة مافيهش الي يكون راجل يحشم باه يجبد وحدا ماتصلحش في قهوة ماشي حتا مرتو ربي يهدينا ان شاء الله

المشاركة الأصلية كتبت بواسطة فتـ حييةـاة

تبانلي اللي تحترم نفسها يحترمها زوجها واللي يحترم نفسو تحتارمو زوجتو احترام الناس لينا احنا الي نفرضوهم عليهم :::::: هذا راي

والله ماشي دايمن كاين ناس مرضى نفسيين تعياي تفهمي و تقولي و تهدري هوما مايحسوش مايفهموش و تبانلهم هذا هو التعامل المليح لانو هوما ترباو عليه

[soso sirin]

المشاركة الأصلية كتبت بواسطة djeriou

والله يقع كل ما قلت بين الأزواج، انما على الأزواج العشرة بالمعروف و إذا صدر كلام بين الزوجين في وقت الغضب فليتعلم أن يسامح بعضهم بعضا و أن بحترمو بعضهم على

الأقل الحد الأدنى لتستمر العشرة

مي الشي الي قلتو صح باه الحياة الزوجية تتمشى لازم المساعفة و الواحد يفوت مي اذا راح الاحترام مابقى والو الواحد ينسى كي تصرا غلطة ماشي دايمن هذا هبال نيشان

المشاركة الأصلية كتبت بواسطة رجاء الخير

تشاجر زوجان ، ضربها ، فقالت له " حمار " أكرمكم الله وشتائم أخرى ، واصل ضربها وشتمها وختمها بـ" بقرة " ، كل هذا أمام أولادهم الصغار ، فبدأوا بدورهم يصرخون ويشتمون والدهم ليترك أمهم .... ثم عادت الحياة طبيعية بينهما ، و مازالا يتشجاران ، ومازالا ينجبان !
عجيب أمر بعض الناس ، شكرا عزيزتي

رجاء الصح الشي الي قلتيه والله الواحد ماتعرفي تضحكي عليه و لا تبكي و المشكل انا فاه يخلعوني كاين ناس حكاولي عليهم نقول كيفاش مازالهم عايشين مع بعض كي هو يسب و يضرب و هي تسب هاذي معيشة و المشكل عادي و عايشين و جايبين ذراري و مازالهم يخممو يجيبو كي قلتي.حالات كيما هاذو الواحد يقول سبحان الله ربي خلق و فرق .لا شكر على واجب رجاء

المشاركة الأصلية كتبت بواسطة mohamed160

سلام عليكم شكران على الموضوع وربى يهدى ما خلق

عليكم السلام و لا شكر على واجب اللهم امين يا رب

[morad81]

كيف يكون الحب بالسب و الشتم .....ياسوسو ...كل شيء تقدر تغيرو فيلحياة الزوجية الا التصرفات و الطباع لتي تعود عليها الزوجين...

أنا نقولك الزوجة ماتعرفش أطيب..نصبر وتتعلم ..ماتعرفش تقرى نقريها ...مي ماتعرفش تهدر و تنقرش وكلامها طايش ... نقولك ما نزيدش معاها نهار خلاص.


وأنا نكره ا لكلام الطايش برك بين لصحاب وكيفاش رايح نتحملو مع الزوجة نتاعي.......ربييكون في العون

[soso sirin]

المشاركة الأصلية كتبت بواسطة morad81

كيف يكون الحب بالسب و الشتم .....ياسوسو ...كل شيء تقدر تغيرو فيلحياة الزوجية الا التصرفات و الطباع لتي تعود عليها الزوجين...

أنا نقولك الزوجة ماتعرفش أطيب..نصبر وتتعلم ..ماتعرفش تقرى نقريها ...مي ماتعرفش تهدر و تنقرش وكلامها طايش ... نقولك ما نزيدش معاها نهار خلاص.


وأنا نكره ا لكلام الطايش برك بين لصحاب وكيفاش رايح نتحملو مع الزوجة نتاعي.......ربييكون في العون

شابة هاذي تاع ماتعرفش طيب و تصبرلها .هو التنقريش فيها فيها مي الكلام الزايد هو الي ماشي مليح .الكلام بين الزوجين مليح كي يكون فيه احترام اما اذهو يسب و هس تسب واش خلاو على الزنقة.الراجل الي يسب في الدار يجيني ماشي محترم مرتو و لا دايرلها قيمة اما المراة الي تسب انا تبانلي اصلا ماشي مراة و زيد اذا الوالدين يسبو الذراري واش راح يديرو .ايه والله كاين حالات الا تقلك ايه هو صح يبغيني و يعزني مي يسبني انا هاذي ماقدرتش تدخل راسي هههههههههه

[morad81]

المشاركة الأصلية كتبت بواسطة soso sirin

شابة هاذي تاع ماتعرفش طيب و تصبرلها .هو التنقريش فيها فيها مي الكلام الزايد هو الي ماشي مليح .الكلام بين الزوجين مليح كي يكون فيه احترام اما اذهو يسب و هس تسب واش خلاو على الزنقة.الراجل الي يسب في الدار يجيني ماشي محترم مرتو و لا دايرلها قيمة اما المراة الي تسب انا تبانلي اصلا ماشي مراة و زيد اذا الوالدين يسبو الذراري واش راح يديرو .ايه والله كاين حالات الا تقلك ايه هو صح يبغيني و يعزني مي يسبني انا هاذي ماقدرتش تدخل راسي هههههههههه

هههههههههههه صح ماتدخلش الراس ..هذا اللي يبغيها دار معاها هاك ...و لوكان جا ما يبغيهاش كيفاش ههههه


...شفت بعض الأعضاء يسميوك وسيلة ...ما تقوليليش هذا اسمك ؟