ما دورك في عيد الاضحى ؟ - الصفحة 2

شيء من رجاء ! · 2012-10-10, 22:31

عزيزتي الحيية ، أعجبتكِ فكرة تعلم الذبح ؟
أريد سماع ماذا تفعلين ، أريد نصيبي من الكبدة لا تنسيني

فتـ حييةـاة · 2012-10-10, 22:47

اقتباس:

المشاركة الأصلية كتبت بواسطة رجاء الخير

عزيزتي الحيية ، أعجبتكِ فكرة تعلم الذبح ؟
أريد سماع ماذا تفعلين ، أريد نصيبي من الكبدة لا تنسيني

نخاف حتى نشوف الخروف قبل الذبح يغيضني
ا

الرجال =====الذبح والسلخ
الوالدة === تصنع الدوارة + تقطع الخروف ثاني ايام العيد
الباقيين === الشواء
انا======
اضافة الي
واش فالرابط نطيب الغدا والعشا ونظف المطبخ
بقية افراد العائلة ===== الاكل
اما نصيبك من الكبدة اعطيني رقم الفاكس يوصلك حقك

soso sirin · 2012-10-10, 23:02

انا نقي الدوارة مي لازم يمدوهالي واجدة انا نحطها في الماء السخون و نجبدها و نقيها مانديرلها حتى حاجةفي الاول الله غالب نعيف و قلبي يولي يدور

شيء من رجاء ! · 2012-10-10, 23:06

اقتباس:

المشاركة الأصلية كتبت بواسطة فتـ حييةـاة

نخاف حتى نشوف الخروف قبل الذبح يغيضني
ا

في الماضي كنت مثلك لا أقترب وقت الذبح ،ومرة ذكروا لي أنه ( الخروف ) يكون سعيدا باختياره أن يكون أضحية ( لا أدري المقولة صحيحة أو فقط لكي لا أحزن عليه ) من يوما أقترب جدا و أصور كل اللقطات ، خاصة في بداية الذبح يتدفق الدم غزيرا كالشلال ، أصبحت مجرمة

اقتباس:

الرجال =====الذبح والسلخ
الوالدة === تصنع الدوارة + تقطع الخروف ثاني ايام العيد
اخوتي === الشواء

نحن نختلف عليكم في أن التقطيع يقوم به أيضا الرجال

اقتباس:

انا
https://www.djelfa.info/vb/showthread.php?t=768585

اضافة الي
واش فالرابط نطيب الغدا والعشا ونظف المطبخ
بقية افراد العائلة ===== الاكل

" فرطستيه " بوزلوف مقشر ، نحن نستعمل النار

اقتباس:

اما نصيبك من الكبدة اعطيني رقم الفاكس يوصلك حقك

وممكن آتيكم و آخذها ، إنها الكبدة

فتـ حييةـاة · 2012-10-10, 23:27

اقتباس:

المشاركة الأصلية كتبت بواسطة رجاء الخير

في الماضي كنت مثلك لا أقترب وقت الذبح ،ومرة ذكروا لي أنه ( الخروف ) يكون سعيدا باختياره أن يكون أضحية ( لا أدري المقولة صحيحة أو فقط لكي لا أحزن عليه ) من يوما أقترب جدا و أصور كل اللقطات ، خاصة في بداية الذبح يتدفق الدم غزيرا كالشلال ، أصبحت مجرمة

اصبحت شجاعة مش مجرمة

نحن نختلف عليكم في أن التقطيع يقوم به أيضا الرجال

ابي لايجيد الطريقة بينما امي ماشاء الله محترفة

" فرطستيه " بوزلوف مقشر ، نحن نستعمل النار

لما تفرطسيه يجي ذوقو راااائع

وممكن آتيكم و آخذها ، إنها الكبدة

مرحبا بيك تنوري بيتنا غير ارواحي نعطيهالك كاملة

جوعتيني

قوليلي اختي ماتعرفوش الملفوف ؟؟؟

chira-dz · 2012-10-10, 23:41

و عليكم السلام اختي
تسالين عن دوري طبعا لي دور فعال في الاستهلاك و شكون ياكل الكبدة مممممم من ضرك راني نتوحم عليها ههه امزح فقط
نسال الله ان يبلغنا العشر من ذي الحجة و يبلغنا العيد و ان يجعله فرحا على الامة الاسلامية جمعاء
و ان يفك كرب اخواننا المسلمين في كل مكان

في عيد الاضحى نشوف ذبح الاضحية لانها لله عزوجل و ان شاء الله يتقبل منا و منكم اجمعين
نعاون في الشدان في عملية السلخ و بعدها كي نعلقوها
واش نزيدلك نتاكد من سلامة الاعضاء خخخ نبدا ننسف في الرية ههه تعجبني
نتفحص القلب الكبدة كل شيء و كاني ارى لاول مرة اضحية
و بعدها نعاون في الفطور و التشواط تع الزليف

و اليوم يكون متعب بصح حلوووووووووو

ربي يتقبل منا اجمعين يارب
كل عان و انتم بخير

لحن الفرح · 2012-10-10, 23:55

السلام عليكم
نحني للكبش ويوم العيد يوم رائع بحب كثير العيد .دوري يكون في المطبخ * العصبان + الزليف + القليان والشوى * امممممممممممم . انا نموت على اللحم المقلي .هي اكلتي المفضلة .

rafik-12 · 2012-10-11, 07:42

انا نخدمكل شيء ماعدا الدبح وتقطيع اللحم

mordia · 2012-10-11, 08:42

عيدٌ بأيّةِ حالٍ عُدتَ يا عيدُ بمَا مَضَى أمْ بأمْرٍ فيكَ تجْديدُ
أمّا الأحِبّةُ فالبَيْداءُ دونَهُمُ فَلَيتَ دونَكَ بِيداً دونَهَا بِيدُ
أصَخْرَةٌ أنَا، ما لي لا تُحَرّكُني هَذِي المُدامُ وَلا هَذي الأغَارِيدُ
إذا أرَدْتُ كُمَيْتَ اللّوْنِ صَافِيَةً وَجَدْتُهَا وَحَبيبُ النّفسِ مَفقُودُ

يا احبائي اسمحولي انا العيد اصبح بلا طعم منذ وفاة زوجي حبيبي ولكني اتظاهر بالابتسامة والنشاط من اجل اولادي....

شاملة لينة · 2012-10-11, 09:00

اقتباس:

المشاركة الأصلية كتبت بواسطة sousou. Dz

السلام عليكم ورحمة الله يااختي شوقتينا بالعيد مي اناوالله عندي خمس سنوات ولا ستة وانا كل مايجي لعيد نمرض مانقدر نشم لا لحم ولا شحم ولا حتى شيء يتعلق بالحم كل عام نروح للطبيب من 6 او 7 دي الحجة مي والله نقعد انا انا مانبراش عندي حساسيا من العيد و لحم وربي يستر من هاد العام والله نتمنى برك يفوت عليا العيد كي ناس مع اني نكون مليحة شوي كي يدبحو ونقعد انا نصور هكدا تبقى سفونيغ مي غير يبدا شوى ولا قليان نحكم شمبرا ديالي وبرفان غير باش مانشمش ريحة ............... هههههههه حالة غريب ياخي ....... اسفة على اطالة وجزاك الله كل خير على الموضوع ........ وادا عندك كاش دواء انتي واعضاء ينفعني دلوني عليه حابة ناكل لحم لعييييييييييييييد ...... مع لعلم الكبش ديالنا راه في لحوش وشتريناه بخمس ملاين ونصف حراااااام كامل هدا المبلغ ومانكلش منووووووو

لم أفهم بالضبط مشكلتك في العيد وع اللحم............... لكن أقول لك انه سابق أيام العيد كنت أشعر بالغثيان وأتجنب اللحم تماما واعتمد في غذائي على خبز بائت أسخنه حتى الجديد ترفضه معدتي ......... و الأكثر من هذا آعشق التمر في تلك الأيام. حاجة غريبة ومضحكة ولما ينفد اللحم أجد معدتي شفيت و الأعراض زالت لكن بعد فوات الأوان ............ الثلاجة فالرغة..................... اعتمدت أخيرا على الأعشاب...... القليل من الشيح مع أنه مر.... البابونج...... ووجدتهما فعالين لحالة الغثيان التي أعاني منها يوم العيد................ أو اكتفي بوضع القليل من أوراق الشيح في فمك ومصها قليلا ...تلك المرارة أراحت معدتي .................................................. ............. وعيدك مبارك

شيء من رجاء ! · 2012-10-11, 09:46

اقتباس:

المشاركة الأصلية كتبت بواسطة mordia

عيدٌ بأيّةِ حالٍ عُدتَ يا عيدُ بمَا مَضَى أمْ بأمْرٍ فيكَ تجْديدُ
أمّا الأحِبّةُ فالبَيْداءُ دونَهُمُ فَلَيتَ دونَكَ بِيداً دونَهَا بِيدُ
أصَخْرَةٌ أنَا، ما لي لا تُحَرّكُني هَذِي المُدامُ وَلا هَذي الأغَارِيدُ
إذا أرَدْتُ كُمَيْتَ اللّوْنِ صَافِيَةً وَجَدْتُهَا وَحَبيبُ النّفسِ مَفقُودُ

يا احبائي اسمحولي انا العيد اصبح بلا طعم منذ وفاة زوجي حبيبي ولكني اتظاهر بالابتسامة والنشاط من اجل اولادي....

الله يرحمه ويصبر قلبك ويحفظ لك أولادك
جمعك الله به في الجنة إن شاء الله

مريم الصابرة · 2012-10-11, 10:02

السلام عليكم
هي فالحقيقة عندنا مدة 15 سنة ما ذبحناش من مات الوالد الله يرحمو لكن زمان كنت صغيرة وما ندير والو نتفرج برك وناكل هههههههه وانا مان حبش اللحم لكن يعجبني مشوي بزاف كان والدي يذبح ويسلخ وامي تعاونو في التنظيف وهو يتظف معاها الامعاء ويشوط البوزولوف بالشانيمو كانو ايام بقاو التصاور فقط ذكريات نتحسر عليهم كل ما نشوفهم
صحا عيدكم مسبقا وربي يعاونكم كلكم عيد مبارك شكرا

بلسم غرام2018 · 2012-10-11, 10:04

ههه كل مره كيفاه العام هذا لازم نظف دوارة

مريم الصابرة · 2012-10-11, 10:05

اقتباس:

المشاركة الأصلية كتبت بواسطة mordia

عيدٌ بأيّةِ حالٍ عُدتَ يا عيدُ بمَا مَضَى أمْ بأمْرٍ فيكَ تجْديدُ
أمّا الأحِبّةُ فالبَيْداءُ دونَهُمُ فَلَيتَ دونَكَ بِيداً دونَهَا بِيدُ
أصَخْرَةٌ أنَا، ما لي لا تُحَرّكُني هَذِي المُدامُ وَلا هَذي الأغَارِيدُ
إذا أرَدْتُ كُمَيْتَ اللّوْنِ صَافِيَةً وَجَدْتُهَا وَحَبيبُ النّفسِ مَفقُودُ

يا احبائي اسمحولي انا العيد اصبح بلا طعم منذ وفاة زوجي حبيبي ولكني اتظاهر بالابتسامة والنشاط من اجل اولادي....

السلام عليكم اختي انا اكثر وحدة نحس بيك فاليوم هذا لكن إدعيلو بالرحمة وربي يقدرك تكبري ولادك يا رب ربي يعينك وتماسكي على جالهم على الأقل خلالك ريحتو صحا عيدك اختي إنت والاولاد

Meryoul · 2012-10-11, 10:52

دوري نفخ وسلخ وتقطيع (الكبش ادا برد يكون صعيب لي سلخ اما ادا كان سخون يسهلك المهمة كونو خفاف يا خاوة ^^)وتقسيط بحضور الام هي لي تفقه( ومحال تهني روحها لازم تشارك بنظري وتطبيقي بلى بيها متحلاش شئ الله يطول في عمرها ويشفيها ) وتحظير الفحم وشواء اما دبح نويت العام لي فات وقررت نجرب كنت مستعد لكن غير حطيت موس وفيبرا شوي كبش فشلت بطلت اما تنظيف خاص بنساء
تعيدو بالصحة والهناء ان شاء الله وكل عام وانتم ملمومين مع الاهل وربي يرحم لي ماتو ويشفي كل مرضا