دبرولي مرأة نتاع زواج... - الصفحة 2

gomplayer · 2012-10-07, 01:06

المثل يقول: أخطب أم البنت ماشي البنت، لأنو إذا كانت البنت عاقلة و يماها قبيحة ............ ما تفراش

فتـ حييةـاة · 2012-10-07, 01:21

ندخل روحي في كل الامور الا امور الزواج لااااااااااااااااااااااااااا حتى ولو تعلق الامر باخي

Lord Gandalf · 2012-10-07, 12:37

أظن الأمر سهل وهين
انوي الخير تلقى الخير
وكما قال أحد المشاركين:
طريقة البحث هي الخاطئة

يقول صلى الله عليه وآله وسلم:
"اختاروا لأولادكم أخوالا"
فالمرأة الصالحة للزواج، تعرفها من إخوتها

بارك الله فيكم

safo@ · 2012-10-07, 12:45

بنات الفاميليا ياسر لكن نقولك علاه ما تلقاهمش على خاطر مش يبينو في رواحهم عكس البقية تفرض روحها على الشاب بلي راهي ما كانش كيفها خلااااااااااااااااااااااااص و ثم يتصدم و يطلق و يحلف على البنات هذه حادثة واقعية صرات قدامي في العائلة المهم نصيحة لي يحب يتزوج لازم يشوف وحدو لانو هو لي راح يرتبط و في هذه الامور واحد ما يدبر على الاخر

شاملة لينة · 2012-10-07, 13:51

المتحدثة معكم امرأة
لو كنت رجلا لبحثت عن امرأة بصفة أمي و أمك.
أهم صفة في أمهاتنا الصبر و الرضى... فهل هذا متوفر فينا اليوم... اندثرت تماما. بنت اليوم تريد كل شيء جاهز ومن أول لحظة تدخل فيها البيت الجديد( تريد سيارة- فرش فخم – خادمة- لباس عى الموضة ...........)... إن قصرالرجل ياويحه تهديد بالعودة ألى بيت الأهل أو بالخلع ههههههههههههههههههههههه.
ثاني صفة الاحترام والطاعة للزوج أو أهل الزوج... أين هي ؟؟؟؟ محاكمنا اليوم تترد فيها عبارة ( يا أنا يا أمك)................. يا الله بعدما كانت ( أمك ثم أمك ثم أمك)...........ماذا صار من بنات اليوم.
ثالث صفة عدم الحديث عن الحياة الأسرية للعوام... بنت اليوم إن أكرمها الزوج تفاخرت و إن قصرالمسكين تبث أخباره في كل القنوات........

رابع صفة الاقتصاد ق ديما من دقيق وشحم تصنع خبزا شهيا اليوم الخبز الجاهر الذي يحضره الزوج الكادح تجد أكثر من نصفه في القمامة يرمى.. لأن بنت اليوم يضرها الخبز البائت في معدتها.
خامسا المرأة تنجب وترضع اليوم تمتنع عن الرضاعة كي لا نفسد جمالها.
سادسا ترضى لصغيرها أن يكون بين أعمامه وعماته فالكل له ناصحون راعون... بنت اليوم لا...إنها تنظر إليهم غرباء يفسدون تعب تربيتها.......
أليس هذا بعض ما يحدث؟؟؟؟؟؟؟؟؟؟؟من حق الرجل أن يبحث عن الزوجة الصالحة ويسأل ويتحرى فالأمر ليس هينا. هي من ستكمل معه حياته
أنا أمرأة لكني أرصد الواقع المحيط بي.............

................. أنا وبنات جيلي لسنا كأمهاتنا........................................
رحماك ربي............................................... .............
للحديث بقية ......................... هل رجل اليوم مثل رجل الامس أجيبوني كي ننصف المرأة

سجل أنا جزائري · 2012-10-07, 15:34

اقتباس:

المشاركة الأصلية كتبت بواسطة بن عمير 22

لي باغي مــــــــــــــراة نتاع الــــــــــــزواج.....................شوف ليا كاين الراجل لي يستاهل الزواج

وايا خاصك مراة خويا مراد...............راني هنا ندبرك بغيت من الغرب او الشرق او الوسط او الجنوب

ولا نقولك نديروا قافلة تحت شعار البحث عن امراة نتاع الزواج وين لقينا نسكنوا

hhhh khalili blasa m3akom rani jay

----

c vrai aghla ayan yal9a s3ouba bach yal9a mraa ta3 zwaj w khastana ida kan maykhalatch lbnat

ldhalik tal9ah yfadhal la faimmel ydabrolo wa7da khir man y7awas wa7do

morad81 · 2012-10-07, 15:59

اقتباس:

المشاركة الأصلية كتبت بواسطة ryma la cool

aalekk lemra klila ya akhii bnett nessss fi kol plasaaaa

iهذا هو اللي يحير كي يولوللك مالقيناش.....شكرا

morad81 · 2012-10-07, 16:05

اقتباس:

المشاركة الأصلية كتبت بواسطة ناشدة الفلاح

شخصيا لم أصادف هذا الموقف
و لكن من لم يجد "امراة تع زواج" مش معناه ماهمش موجودين، لازم الواحد يعرف يحوس فقط، بنات الحلال مش قلال و لكن لازم تعرف وين تصيبهم و كيفاش.
نسأل الله ان يرزق شبابنا أزواجا صالحين و ذرية طيبة اللهم آميـــن

يبقى السؤال مطروح ....ننتظر الحل ......شكرا على المرور الطيب.

morad81 · 2012-10-07, 16:07

اقتباس:

المشاركة الأصلية كتبت بواسطة soso sirin

انا قلت راك معول تتزوج راك تقولنا دبرولي قلت كيفاش ماقالش للوالدة الكريمة مي معليش انا هاذي الشي مانبغيش مي معليش في خاطر خونا مراد راح نشوفلك كاش طفلة هههههههه.

وعلاه لالالا يا سوسو .....برك كي تلقاي ....اتاصلي بي راني نقارع ليك......ولا كي توصل القافلة نتاع بن عمير.........

.........راهو العنوان نتاعي و المعلوات في المنتدى ....هههههههههههه

morad81 · 2012-10-07, 16:09

اقتباس:

المشاركة الأصلية كتبت بواسطة aminerag

نعم هذا شيء موجود صعب تلقي مراة تاع زواج في هذا زمان

النساء رهم كثر لكن قليل منهم لتصلح زوجة وتدير اسرة

طبعا ليس معناه أن البنت ليس على تربية أو ما يوصف بذلك ....لكن كذلك تحمل المسؤولية أصبح قليل و طلب المعيشة بالرفاهية التامة أمر يتوفر .....شكرا

morad81 · 2012-10-07, 16:12

اقتباس:

المشاركة الأصلية كتبت بواسطة nokia111

انا مراة وااكد انه لا وجود لمراة للزواج في الصيف لي فات كنا نحوس لعروسة لاخي وحقيقة لم نجد المهم لما اجد وحدة كيما نقولو كل صبع بصنعة تقول نعيش وحدي ولا لقينا وحدة خدامة تقول انا منعرف ندير والو ومانيش مستعدا نتعلم المهم قلنالو شوف وحدة تعجبك وحنا نخطبوهالك لي نقولولو عليها يقلنا خطوني منها كانت مع فلان وكل مرة نشوف وحدة تعجبني نحكي معاها تلقاها غير تاع بروفيتاج ول اتحوس غير على الخرجت وتحواس ومهم تاع دار مايتكلو عليهم غمضنا عينينا وجبنا وحدة قالنا عليها ماخدامة ومهي مرا تاع دار كل يوم الزونقا كل يوم الخرجة من دار لدار عندنا 16 عام في الكرطي منعرفوش حتى واحد من الجوارن عندها 3 اشهر تعرفهم كامل نسا ورجالاظل في النوافد من تاع البيت لتاع الصالة واش من تربيا راهم يربوها لبناتهم والهدرة ما تكملش

الللي دارها بيديه يحلها بسنيه .....اذا خير روحو البنت رايح يرضى ولا يرضى ......كرا للمشاركة .....تحياتي

morad81 · 2012-10-07, 16:13

اقتباس:

المشاركة الأصلية كتبت بواسطة ghali_dz

السلام عليكم
ليتأكد الجميع أن الزوجة الصالحة ( أو كما قال الأخ في عنوانه: مرأة تع زواج) لن تجدها في الشارع تتمايل أو في الحمام

طبعا اين سنجد نطرح السؤال من جديد

sali-sali · 2012-10-07, 16:13

كي قريت العنوان قلت هدا ماله مالقاش شكون يخطبله و لا مكاش بنات قدامه ههههه

طبعا تسأل الكثير من الشباب عن الزواج يقولك ما لقيتش المرة اللي توالمني .....

ايييييييه و بزاااااااااااف وتعرف شكون يقولها بزاف هداك لي قاعد يخلط بزاف وبانوله البنات كيف كيف

وقد تصادف من يطلب منك أنك دبر عليه و تشوفلوا مرأة نتاع زواج .
كاينة منها

هل صادفت هذا الموقف ؟ اممممممم ايه صادفته

كيف تتعامل معاه ؟ كاين واحد وليد عمتي و ماشاء الله عليه خاطيه هدا الشي طلبوا مني نخطبله ومع اني لست كبيرة قبلت و شفتله زوجة صالحة كنت نعرفها
وكاااااااني تاني من طلب مني لكن رفضت لعدة اسباب

وهل صحيح أن المرأة نتاع الزواج قليلة ؟
مكاش منها وكيما يقولك كل وحد وناصيبه قادر يديها امراة وتبان زوجة ماشاء الله وكي يديها يقول مش نتاع زواج و العكس صحيح
وكاااين رجال تاني ماهمش نتاع زواج

--------------------منكم و اليكم أعضاء المنتدى و رواده---------------------[/QUOTE]

morad81 · 2012-10-07, 16:14

اقتباس:

المشاركة الأصلية كتبت بواسطة ايمان نور الجزائر

نعم...يحدث كثيرا مثل هذا الامر
ان اسمع من الاقارب او من غيرهم من طلب من اخوانه او اصدقائه البحث عن زوجة له
-----------------------
مع العلم ان غالبيتهم لم يتعبوا انفسهم في البحث...
تجدهم فقط يعطون مواصفات البنت وينتظرون ان تأتيهم الفتاة وما عليهم الااا
اعطاء الرد بالقبول او الرفض

واضيف ....لا اظن بان النساء قليل ...وانما اظن ان طريقة البحث عنهن هي الخاطئة
اذ يلزم الامر صبر...وذكاء وسؤال ووبحث جاد
يسبقها قبل هذا وذاك نية صادقة وضمير حي

شكرا نقطة مهمة .....تحياتي ....أيمان سررنا بمشاركتك

morad81 · 2012-10-07, 16:16

اقتباس:

المشاركة الأصلية كتبت بواسطة بن عمير 22

لي باغي مــــــــــــــراة نتاع الــــــــــــزواج.....................شوف ليا كاين الراجل لي يستاهل الزواج

وايا خاصك مراة خويا مراد...............راني هنا ندبرك بغيت من الغرب او الشرق او الوسط او الجنوب

ولا نقولك نديروا قافلة تحت شعار البحث عن امراة نتاع الزواج وين لقينا نسكنوا

شكرا اخي بن عمير و الله أنت و الأخت سوسو راكم خممتو علي راني نستنا الافلة بصح بشرط أنا قائد القافلة ......نستناكم