هندسة كهربائية ام تكوين شبه طبي

3izzo · 2012-10-02, 08:39

بسم الله الرحمن الرحيم

السلام عليكم و رحمة الله تعالى و بركاته

انا جبت الباك نتاعي 2012 بمعدل
12.34

انا مدولي هندسة كهربائية في سيدي بلعباس
و انا بغيت نعاود الباك نتاعي ان شاء الله
قالولي ديري التكوين الشبه الطبي (paramédical )
مدام حاب تعاودالباك و باغي تدخل الجانب الطبي ان شاء الله معناه تدرس هاذ العام تكوين شبه طبي على الاقل تستفاد و العام مايروحش في دراسة ماعندها ولا علاقة مع الطب

و حتى اذا عاودتي الباك و مادرتيش واش راكي حابة على الاقل راكي في حاجة مليحة و فيها مستقبل

ممكن نعرف
وينها الاحسن الهندسة كهربائية ولا التكوين الشبه الطبي ؟

و وينها لي نقدر نقراها في نفس الوقت و انا نعاود فالباك ؟؟

و التكوين الشبه الطبي نقدر مثلا نقرا سنة واحدة من بعد نحبس يعني نغير ؟؟

نتمنى تفيدوني ان شاء الله لاني راني غارقة تاع بصح
و السلام عليكم و رحمة الله و بركاته

3izzo · 2012-10-02, 10:18

اين ردود اهل الخبرة

!?زين الدين?! · 2012-10-02, 11:17

شبه طبي احسن من حيث توفر منصب العمل

كلي امل ان شاء الله · 2012-10-02, 12:35

خويا نظن هاذ النص لي كتبتو نسختو من موضوعي لا ؟؟ ههههههههههههههههههههههههههههههههههههههه
المهم انا راني كيفك بصح انا مدولي الهندسة المعمارية
و راني رايحة ندرس الشبه الطبي ان شاء الله لاني خلاص ربحت فيه

انا لقيت هاذا هو الحل الامثل باش نعاود الباك
و اصلا الشبه الطبي راهي هاذي آخر دفعة .. العام الجاي يديروه كيما الاختيارات الاخرى يخرج مع les choix تاع الباك
و الله اعلم شحال يديرو المعدل نتاعو لانو حنا عندنا في غليزان آخر معدل كان 13.17

3izzo · 2012-10-04, 11:19

يرفـــــــــــــــــــع

h jolie coeur · 2012-10-04, 13:42

سلام اخي انا تاني مدولي هدسة كهربائية وحابة نعاود الباك ننصحك تبقى في الهندسة الكهربائية خاطرش فيها مواد كيما الرياضيات والفيزياء وتفيدك في الباك اما ادا درت شبه الطبي رايح يفيدك غير في العلوم ولازملك تقرا مادتين صعاب ليهوما رياضيات والفيزياء ويزيد عليك الضغط انا قررت نبقى في هاذ الشعبة تساعدني في الرياضيات والفيزياء والمواد الاخرى كيما العلوم نقراهوم في العطل

sari13 · 2012-10-04, 14:32

يا أخي التكوين الشبه طبي طار بيه الحمام
حتى الآن باش تسقسي؟؟
انتهى أجل دفع الملفات في 20 سبتمبر راك روطار
و ثاني الشبه الطبي حبس في معدل أعلى من 13
أنت راك حاب تعاود الباك
الهندسة الكهربائية قرايتها معقدة بزاف و تديلك الوقت ما تقدرش توفق بين الباك و الدراسة.
الأخ اللي قبلي قال بلي فيها الفيزيا و الرياضيات و راح تفيدك في المراجعة
أنا نعرف اللي قراوها و قالولي أن الرياضيات و الفيزياء نتاعها مختلفة كليا على نتاع الليسي ما كان لاه تعمر راسك بيها من الأحسن تبلوكي العام و تتفرغ غير للباك
هادي نصيحة مني خطراكش كاين اللي داروها و جابو معدلات عالية في الباك كي عاودوه هكدا

abdoun39 · 2012-10-05, 11:20

انا تاني ننصح ب شبه طبي حتى انا اعطاوني m i وباش نقرى شبه طبي أحسن من ناحية العمل في المستقبل