طاجين لافونت

أم ياسين الزهراء · 2012-08-07, 18:11

السلام عليكم

اليوم شريت طاجين تاع لافونت باش نطيب فيه المطلوع على خاطر طاجين الطين دايما يتكسرلي المشكلة كيطيبت فيه حرقلي الكسرة وكينقصت النار باقتلي بيضى ماحمرتش اللي تعرف كيفاش نديرلو باش تجيني الكسرة مليحة تقلي وزيد قالولي الطاجين هذا يطيبو فيه المطلوع

راني نستنى في ردكم ودبايركم وصحى فطوركم

azade · 2012-08-07, 19:49

سلام أختى تمنيت كون نعرف انشاء الله الاخوات صحا فطورك

جيجلية · 2012-08-08, 12:35

انا عندي واحد بصح نطيب فيه عادي نحطه يسخن شوية على نار قليلة ونحط المطلوع ونحركها باش اطيب كفكيف

بصح مع هذي السخانة وليت ندير خبز الكوشة نحطها ونهرب هههههه

تقبل الله منا ومنك الصيام والقيام

أم ياسين الزهراء · 2012-08-08, 12:50

بارك الله فيك جيجلية وصحى فطورك

أنا أمهم · 2012-09-10, 21:23

الله يسلمك أختي العزيزة أم ياسين, و ان شاء الله عيدك مبروك و ربي يتقبل صيامك

و الله حتى انا توحشتك برشة, و توحشت المنتدى و كأنه عايلتي
و رسالتك فرحتني برشة برشة , الحمد لله اني كسبتك أخت عزيزة على قلبي.

(ردي على الرسالة الخاصة لأني ما نقدرش نبعث على الخاص كتبتهولك هنا ههههههههه)

أم ماجد · 2012-09-11, 18:43

بصراحة ليس هناك افضل من طاجين الطين

ام سامي15 · 2012-09-24, 22:18

انصحك دزيدي ملعقة كبيرة سكر للعجينة

راهي تساعد على الاحمرار

ام ملاك. · 2012-09-25, 17:39

تعرفي واش تديري هكذا شفت عجوزتي تدير كي تخاف حاجة تلقلها مع اللول كنت نحير كي نشوفها من بعد لقيت عندها الحق
شدي غطى نتاع بيدون صبيغة نتاع الحديد بلاطيها مليح بالمارطو حتان تولي كي الصينية وكل ماتجي تطيبي حطيها هي الاولى فوق النار من بعد زيدي حطي فوقها الطاجين نتاعك وزيدي النار كيما تحبي جامي تلصقلك ولا تتحرق جربيها وشوفي

أم ياسين الزهراء · 2012-09-25, 19:43

بارك الله فيك اختي تصدقي بالله جات في بالي هذي الفكرة غدوة اذا كتبلي ربي راح ندير المطلوع ونجرب وندعيلك