مساعدة إخواني أخواتي أرجوكم لوجه الله

tina-nour · 2012-09-20, 08:44

[center] السلام عليكم
إخواني أخواتي أنا طالبة في السنة الثالثة ثانوي شعبة أداب وفلسفة قمت بإجتياز شهادة الباكالوريا ولم أنجح و قمت بإجتياز إمتحان إثبات المستوى و رسبت و الكل يعرف سبب ذلك بكون أن جميع الطلاب في هذا المستوى صدموا من النتائج المهم يوم أمس أردت التسجيل كتمعلمة سابقة و لكن عند نهاية التسجيل ظهرت لي لوحة مكتوب فيها
" لقد إنتهى عدد الأماكن في هذه الشعبة "
حسب الرسالة أن عدد الأماكن إنتهى لكل ماهو السبب بكون أن الديوان الوطني للتعليم و التكوين عن بعد أنشؤوه خصيصا للطلاب الذين لم يسعفهم الحظ في الثانوية ، هل هذه حادثة مشمئزة أخرى من الديوان بعد حادثة النتائج أرجوكم هل فيه مساعدة أخرى لأني تحت الصدمة

hamza touazi · 2012-09-20, 09:56

الله اكبر لاحول ولا قوة الا بالله نعم اختي الديوان اعلن قبلا بان هده السنة ستكون الاماكن محدودة انصحك بالتوجه فورا الى المركز الجهوي طالبي بحقك ومتخافيش السكون عن الحق متل الشيطان الاخرس اقراي سكارة فيهم وربي ينجحك راني هنا ادا مقبلوكش قوليلي تشوفي واش يصرالهم بادن الله

tina-nour · 2012-09-20, 19:37

هاك تشوف يا خويا و الله ما فهمت والو
نزيد نستنى دخول الأعضاء كشما يكون عندهم معلومة على هذا المشكل

houhou92 · 2012-09-21, 09:59

اختي الكريمة هوما قالوا قاع من جويلية هاد العدد دا العام محدود كان لازم تسجلي من اول يوم وتضمني روحك يعني قاع من 10-09-2012 والله حزنت عليك خسرتي الباك وامتحان المستوى وحتى كجيتي تعاوديهم لقيتي التسجيل انتهى والله كون قدرت نساعدك نساعدك

tina-nour · 2012-09-22, 02:52

يعني يا أختي لا يوجد أمل باش نسجل روحي
و لا ندير كيما قالي الأخ نروح ليهم
؟؟؟

houhou92 · 2012-09-22, 12:18

اقتباس:

المشاركة الأصلية كتبت بواسطة tina-nour

يعني يا أختي لا يوجد أمل باش نسجل روحي
و لا ندير كيما قالي الأخ نروح ليهم
؟؟؟

اختي الكريمة ما تياسيش روحي ليهم وسقسيهم بلاك يعطولك الحل وربي يوفقك

الغدنفر · 2012-09-22, 12:32

لا عليك اختي هم دائما يعملوها بداية كل عام وراح تفتح انا على سنتين يعنلوووو انتهى واخر المطاف اسجل

انا الحين مثلك وراح اسجل ان شاء الله بعد ماتفتح مرة ثانية

لا تشغلي بالك كثير

موح دادي · 2012-09-22, 12:37

لا تقلقوا سوف يتم فتح التسجيل في أي لحظر هي عملية تصفية للقوائم المسجيلن بالموقع فقط

tina-nour · 2012-09-22, 15:33

الغدنفر
+
موح دادي

والله غير طلعتولي المورال ربي يحفظكم يعني مجرد خطا فقط من الموقع معانها عندي الفرصة في التسجيل

hamza touazi · 2012-09-23, 08:57

اختي متتقلقيش تاع المراسلة مش مهم دوك يفتحو تسجيلات الباك مترشح حر سجلي هداك هو الصح