السلام عليكم اختي
هاذ العام كاينة باراميديكال لصحاب باك 2011 و 2012 و راهم يقولو الاولوية لصحاب باك 2011
التسجيلات بدات من 15 اوت وتمتد الى غاية 20 سبتمبر
الملف(الخاص بالتسجيل الاولي) يتكون من نسخة من بطاقة التعريف و نسخة من كشف نقاط البكالوريا
كي تروحو يعطوكم ورقة وهي دليل بانك سجلت فالتسجيل الاولي و ورقة اخرى خاصة بالملف اللي راح تخدمو كي يقبلوك
هاذ العام يتم التصنيف حسب ترتيب معدلات البكالوريا للملفات المقدمة من طرف الطلاب و ثاني على حساب سعة كل معهد
هاذ العام ماكانش اختبار (الكتابي والشفوي) اللي اعتادو يديروه كل عام بعد القبول مباشرة
بعد ظهور النتائج في 30 سبتمبر راح يطلبو منكم الملف (وهي مرحلة التسجيل الثاني) و من ضمن الملف كاين كشف نقاط البكالوريا الاصلي واللي جميعنا دفعنا فالتسجيلات الجامعية الفارطة
من بعد راح تروحو للجامعة او الاكاديمية وتسحبو الملف اللي سجلتو بيه فيها وتدفعو كشف النقاط الاصلي للباراميديكال يعني كي يقبلوكم فالباراميديكال راح تضطروا تتخلاو على الجامعة لانو
ممنوع تدرسو 2 حوايج يا اما الجامعة يا اما الباراميديكال
هاذ العام شوية مختلفة لانو المراكز اللي راح تقراو فيها رجعت معاهد عليا
وثاني مدة الدراسة 3 سنوات ال6 اشهر الاولى هي دراسو جذع مشترك تدرسو فيها كلشي اي جميع الاختصاصات والافضل من ذلك انو تقراوهم تطبيقيا في المستشفيات
و الغرض منو انو الممرض يعيش الاختصاص بالواقع نتاعو قبل ما يختار التخصص نتاعو
بعد مرور ال6 اشهر الاولى و بعد ما يجرب الممرض الحياة ال حقيقية في المستشفيات يختار عن قناعة التخصص الذي يريده
من بعد ما تخلص الثلاث سنوات يضمن الممرض منصب العمل نتاعو
ارجو اني نكون افدتم بمعلوماتي القليلة
سلااااااااااااام
( تقرير عن مشاركة سيئة )، و الموجودة أسفل كل مشاركة .
2012-08-29, 08:53
العرض العادي
