فراشات بكريمة الشكولا

[miri_27]

المقادير:
500غ فرينة
250 غ زبدة او مارغرين طرية
2 صفار بيض
2مغارف كبار سكر ناعم
2 مغارف كبار مايزينة
1/2 خمارة كيميائية
ماء
زيت للقلي
التحضير:
في ماعون بسي الفرينة مع الزبدة او كما يقال احبكيهم مليح بين يديك ضفيلهم السكر رطب + 02 مغارف كبار مايزينة + +02 صفار بيض+ الماء اعجنيها مليح بالماء حتى تتلم كي العجينة خليها ترتاح .
من جهة اخرى حضري كريمة الشكولا:
في خلاط ضعي 02 صفار البيض + 2 م ك سكر+ 1م ك مايزينة + حوالي كاس حليب + لفاني + باطا كاكاو خلطي الكل مع بعض حتى يثقل الخليط و الذوق كيما تحبي زيدي السكر اذا جاك قليل في البنة خليها تبرد و عودي شكلي العجينة
* بسطي العجينة و حليها في رقم 4 تجيك شويه مرفودة اي ماش رقيقة بزاف.
* قطعي مربعات حوالي 5 سم بواسطة الة القريوش ثم إجمعي الطرفيين المتقابلين حت تتحصلي على papion في الفراغ الذي تركتيه تشكل لكي عمريه بورق مفتول و اقليهم في الزيت. بعد ما تكملي خليهم يقطرو مليح من الزيت ثم إملئي الفراغات بكريمة الشكولا و زينيها بالبيستاش او الكاوكاو على حسب ذوقك.

[ام خيرو]

باين عليها شابة يا ريت لو كا ن الصور

[الصوامعية]

شكرا لكي على هذي الوصفة بصح مفهمتش واش معنتها عمريه بورق مفتول .

[miri_27]

غدوا كي نتلافا في الخدمة و انقولك

[remadna]

يعطيك الصحة على الوصفة

[zoubidaas]

شكرا لك وصفة تهبل خصتها الصور

[miri_27]

عذرا اخواتي العزيزات لم يكن الشرح وافي في طريقة قلي الفراشات لكن كما قلت قطعيهم مربعات بالة القريوش ثم شدي الطرفيين بحب لوز او كوكاو الي عندك ثم احشي الفراغ الذي يتشكل من الطي بالورق يكون ملفوف و كن واثقات ان الورق مراح يصرالو والو كي يتقلى في الزيت فقط باه الفراشات نحكم الشكل ثم عمريهم بالكريمة

[الصوامعية]

شكرا أختي miri 27 على التوضيح ذرك باش فهمت واش معنتها ورق مفتول .
المهم سلميلي على نسيمة بزااااف بزااااف .
[IMG][/IMG]
[IMG][/IMG]
[IMG][/IMG]

[khaloussa]

MeRc 3la lwasfa

[soussou_saida]

merciiiiiiiiiiiiii

[لولو1000]

شكرا جزيلا على الوصفة بصح لوكان تكملي الشرح بالصور
نفهمو اكثر الشرح راهي عجبتنى الوصفة بزاف وشكرا

[miri_27]

عذرا اختي العزيزة لكن عندي مشكلة في طريقة تحميل الصور و شكرا لك

[ام سامي15]

مممممممممممممممممم



ما شاء الله


يعطيك الصحة