هل اولا د الوزراء يؤدون الخدمة العسكرية

[luky]

سؤال غير منطقي
كيفاه يفوتوها وهما والديهم نص بنص يعني اللي باباه جزائري يماه روسية او امريكية اوفرنسية او المانية ....باينة راح يروحو لبلاد يماهم هههههههههههههههه

[vitalis]

بسم الله الرحمان الرحيم و الصلاة و السلام على نبيه الكريم
حقيقة يخجل المرء أحيانا أنه جزائري بل يندم على انتمائه الى وطن مثل الجزائر ، فأنا شخصيا مثلا أديت واجب الخدمة الوطنية من 15/09/2009 الى غاية 15/03/2011 رتبة مرشح احتياطي و لكن لا حياة لمن تنادي حتى ادماج مهني تحصلت عليه عن طريق واسطة ( بارك الله فيه ) فأي خير يرجى من دولة نصف أبنائها رموا أنفسهم في البحارة و الحرقة و النصف الآخر تمكنت منه البطالة و الفقر و التشرد و الحقرة و غيرها من الظواهر الإجتماعية التي تنهش جسم الجزائريين في كل وقت و حين .
بالله عليكم أي خير يرجى من بلاد النفاق و الشقاق ( 4 سنوات من البطالة تنهش عظمي و لحمي .
و أنا اليوم فوضت أمري الى ربي

[vitalis]

[حميــــــــــد]

نقول حسبنا الله ونعم الوكيل

[hamza.23]

ربي يرحم بومدين و الرجال تع الصح . مابقاو كان الخرد

[faraday_dz]

الخدمة الوطنية يفوتها غير المواطن البسيط
اولاد الوزراء يولدو في فمهم ملعقة ذهبية
سائق خاص حرس خاص
النجاح مضمون العمل مضمون الدراهم مضمونين
انا نخدم في قطاع عمومي وشفت ولاد المسؤولين
بسائق تاع الخدمة يقراو بوسائل الخدمة حتو ورق الطباعة يا عباد الله من الخدمة
بصح الله غالب نشوفو فالمنكر وماقدرنا نديرو والو
هذا مسؤول صغير فما بالك وزير

[zaki dk]

شر البلية ما يبكي ويضحك في نفس الوقت هههههههههههههههههههههههههههههههههههههههههههههههههه ههههه

[bolbol22]

يا كاين ربي يخد فيهم الحق

[sishomaru]

ابن وزير : مامعنى خدمة وطنية يا بابا
الوزير : ماتحوسش تفهمها هاذي كلمة ممنوعة وتدي للهلاك
ابن وزير : بصح انا لازم نعرف كل شي باه كي نولي للبلاد اللي نسيت كي سموها نمنعها عليهم
الوزير : انت راك ممنوع باش تهبط للجزاير ومسموح لك باه تصرط برك

[hamza_vrt]

hadi fel mnam w makdertech nahlem biha ,win balek fel waka3, nhar li ynawer melh rahom ydiro service,

[Miroudz007]

ولد وزير اجوز لارمي ههههههههههههههههه...............بدون تعليق انت علبلك و انا علبلي
الله افرج على الزواليا الي بحالنا.........امين

[amer46]

وين راهم ولاد الوزراء و الجنيرالات كامل راهم عايشين في الخارج و دراهم الجزائر كاملة تتحول لحساباتهم في الخارج وزراء الجزائر اغلبهم لا اتهم الكل اموالهم كامل المنهوبة من الجزائريين يحولوها للخارج في مشاريع وشركات البرا اذا كل وزير راه مطمئن على ما سرقه من الجزائريين ,,,,,,,,,,,,,لذا تجد كل وزير يغيني يغناه ويدير واش يحب بلا ما يحوس هل هذا يناسب الشعب ام لا ومن بينهم بن بوزيد الكلب هلك المنظومة الدراسية و هلك المستوى و زيد حراوبية الحركي هلك الجامعات بنظامه الفاشل فشل ذريع و يقللك ناجح ناجح في دولة بباك,,, ههههه بن بوزيد سألوه قالولو علاش ولادك ما يقراوش هنا قالهم مستوى الجزائر ضعيف ماهوش مستوى هههه الوزير الوحيد لي راه لاصق من العصر الحجري من المفروض راهم تداول عليها 13 وزير علاض ما بدلوهش كي و عادت زوجتو روسية اخت بوتن ولا مانيش عارف كانت في وزارة الدافاع واش دخلنا في روسيا خايفين منها ,,,,,,,و الحاجة لي حبستلي راسي انه غير في الجزائر وزير الصحة غدو تلقاه وزير الشبية و الرياضة و وزير النقل تلقاه العام الجاي وزير الطاقة و المناجم يعني هذ الورزاء يفهمو كل شي قراو كل شي تلقاه طبيب و محامي و مهندس دولة وتقني سامي وقرا الاعلام الالي وقرا علم الغبار وقراه علم الكالكير و قراه يخي دولة بلاد ميكي ماتروحش لبعيد هذ الدولة بهذ السياسة يا حسراه كلش بفظ البيترول راه ينقص وشوفو واش تاكلو هذاك الوقت تقلي المناجم وغيرها نقلك علاش ما يستغلوهاش من الان و لا ينتظرو يخلصوا بالحاجة كل ما يقضو على شيء يروحو للبعدو وحنا الشعب ساكت خايفين ركبولنا الذل,,,,,,مرضتني هذ الدولة تمشي بالعكس لازمك ترشي لازم تسرق لازم تكذب باش تولي انسان عادي في الجزائر ما تديرش هكا راح حقك ويعفسوك وكيلكم ربي ياربي يخرجها فيكم وفي ولادكم نشاالله لي سرق يسلكها اضعاف مضاعفة مرض شقاء

[amer46]

وزيد نقلك هذ الدولة واش تعفي ,,,تعفي المجرم و السراق و المدمن مخذرات هذو كل عيد استقلال مولد مانيش عارف عدهم اعفاء ,,,,يعني نتا سراق يسرقلك دارك تروح تشكي بيه ممبعد شهرين تلقاه البرا يعادو يسرقلك دارك يعني وين راه الدولة وينهو الدستور لي حق المواطن في الامن " يعني وينا دولة لي راهي بلا حكومة اربع شهور غير بلاد ميكي" احصائيات تقللك ان تقريبا 50% من المعفيين من المجرمين يرجعو في ظرف شهر الى سابق جرائمهم ويسجنو مرة اخرى في ظرف شهر يعني يا سي بوتفليقة واش راك تقول نتا صح جبت حوايح ملاح وهلكت اغلبها ,,,,,,اما اصحاب الكفاءات العالية و المستويات الدراسية العالية و الناس النخبة تلقاه في الخدمة (الوطنية) يفوتها عاصي دكتور ماجيستير طبيب يقلك ماتهدروش معاهم ماتلقيش عليه التحية شكون العاصي انتم العصاه عصيتو ربي ماتصلو ماتعرفو القبلة وينهي جيب مستواه من بعد تكلم معاه و زيد يحكموك البرا الدولة هات ورقة العسكر الاعفاء علاش علاش يطلبوها في كل الملفات لماذا لي ادو الخدمة الوطنية ما يكونش عندهم اولوية لانو عام ونص ضايع من عمرو يحرث في الجبال ولا كي تولي اولوية ولادكم المعارف المعفيين ما يصحلهم والو,,,,,,'(جاو اللا جئين سوريا مالي يعطوهم 5000 دج وولادها كل تحت الحيط بشهادة مالقاش منين ياكل)و خلي على الشناوة و الكوبيين ناقصين قابلات هنا ما يعرفوش يولدو هذي كل صفقات يسرقو من وراها ,,,,خرجت على الموضوع اسمحولي الواحد مرض تروح تقلهم ندخل للجيش متعاقد يقلك كبير ناقص وزن عينيك ناقصين ,,,تجي تقلهم اعطوني العفو اذا خلوني نخدم يقلك لا ماعندكش الحق هههههه بصح راني ما نشوفش مليح وناقص وزن وكبير في السن لا هذي الجزية الوطنية لازم تخلصها بصريح العبارة قولوا رانا حابين نعطلوكم على العمل وكل شيء وتقعدو ديما تلهثوا واراها وفرات تسموا فيها خدمة وطنية بالعكس لي يفوتها يكره هذ الوطن,,,,الوطنية غير في الجزائر الدول كامل غالطين ما عندهمش وطنية ,,,حسبي الله ونعم الوكيل