الرجال سبب غلاء المهور....ويشتكون

[بنت الحجاج]

المشاركة الأصلية كتبت بواسطة **الفارسة الملثمة **

المهم لما تهنى انها قدمت الاستقالة خلاص تزوجت و سكنو في المنزل اللي عطاوهلهم
بعد ستة اشهر قالها راني حاب نبيع الدار حاب خويا يدير مشروع و نسكن في بيت اهلي
قاتلي والله يا لو كان بيت اهلو صالحة للسكن والله نقول خلاص تورطت و نسكن بيت
اهلو الغرف مكبوبة بالتيرنيت و عندهم حمام واحد قاتلها ما فيهش الباب غير ريدو
لما اصرت انها ما تبيعش و ما تسكنش في بيت اهلو طلقها تخيل تزوجت في الشتاء و دارت
في جهازها رواب الصيف قعدوا مغلفين كيما هوما امها كل يوم تندب على حظ بنتها
راهي ملوحة في دار بيها كانت بعزها خدامة لاباس عليها ضاع كل شيء

أنا تخوفني هاذي القصص

[BAROUD]

يسمــــــــــــــــــــــــــــــئ انا منهم !!!

ساعفوني شوي si non والله ندير لهم ذبانة فــ الدار

قــــــاورية و الا بطــــــال !

احنا عندنا وحد الامام يحكي علئ غلاء المهور و التكاليف بعد اسبوع قالوا له اعطينا بنتك علئ سنة الله و رسوله و هاااااا الشرط ووو

قالهم اواه الحالة غالية و صعيبة

شوفوا غيرها

دك الحاجة مباركة نحشوها لها بزوج كلمات ههههه و تدعي لنا بالتيسير ان شاء الله لالا نحبوك يا ميمتنا مباركة ف الله

[الواثق]

المشاركة الأصلية كتبت بواسطة مباركة 1961

سلام....
حللناوناقشنا وحللنا وناقشنا وتفاهمنا وين راه المشكل

وذرك نقعد فى نفس الدائرة

يعنى نبعثواا الموضوع للارشيف وخلاص
ولا نزيدوا نكتبوا عنه بعبارات اخرى وبعنوان مغاير شوى ونقعدوا غير نهدروا ونهدروا....

يالله مالحل ...يالخاوة
اذا كنتم معى فليبادر ماتبقى من رجالاتنا لفك الحصار ...
رانى من جهتى مانزيدش ندخل فى مثل هذه المواضيع.....خلاص خلاص كرهت

حابة نديروا هدنة ونبداو صفحة جديدة
وتكتبوا فيها باللى خلاص راكم متهنيين متزوجيين وخدامين ورايحيين مع اولادكم

على بالى جاية القراية وتقل دخلاتى فى المنتدى بالصح حابة كى ندخل نلقى المجموعة نتاع الاعضاء الكل متهنية فى اسرها

ان شاء الله اختي ونطلب الدعاء ..........ولن نطيل ان شاء الله فالقائمة موجودة وطويلة وراهي بالترتيب وكل شيء بالمكتوب هه

[مباركة 1961]

سلام...
يابنت الحجاج ماتخافى ماوالو

الخطا الاول كان فى المراءة لانها تكفلت باشياء خاطيتها ..
تعاونوا ...ومن بعد تقول دار على

ماتعاونيه ماوالو خليه يحوس وحده السكن مشكلة الراجل والنفقة كذلك
من الاول ........لاوله شرط اخرته نور ...كيما يقولوا المصاروة

هذه مدتله صبعها كلى يدها....تستاهل

ياسيدى خليه يفوت عام ولا زوج ومن بعد شوفى ....من النهار الاول هاهى الدار وهاهى كل طلباتك ....طمع فى المزيد...

يسخيبها افتح ياسمسم ....عبز يسيح وزيد ولفاته هو يطلب وهى تلبى

غير بالعقل هى اللى تزوجت والا هو....

على بالكم كاين بزاف من هذه الاشكال ...نتاع اشباه الرجال
بالصح يوجد كذلك رجالة جدعان ونتاوع نيف ومايحبش تسكنو مرتو ولا تخدم عليه..

[مباركة 1961]

ان شاء الله يالواثق نسمع اخبار منك تفرح.....هذا العام

غير اصدم ماتهابش .....راه ربى يعطيلك على قد نيتك
ربى معاك ونتمنى لك التوفيق ..

ان شاء الله

[بتول8]

عندك الصح مباركة كما قالو
الطفل علا ماربيتيه و الراجل على ماولفتيه

[مباركة 1961]

سلام يابارود...
غير دير النيه ..
نبداو بخاوتك الكبار ومن بعد تلحق دالتك...
ويطيحك ربى فى واحدة اللى هى نتاع الصح ...وتقول ماقالتها ش مباركة
دعواتى ليكم جميعا

[الواثق]

المشاركة الأصلية كتبت بواسطة مباركة 1961

ان شاء الله يالواثق نسمع اخبار منك تفرح.....هذا العام

غير اصدم ماتهابش .....راه ربى يعطيلك على قد نيتك
ربى معاك ونتمنى لك التوفيق ..

ان شاء الله

ان شاء الله .........طلعتيلي المورال .........تقبلي احترامي فانا دائما اراكي مثل معلمتي في الابتدائي التي اغير الشارع لخجلي منها

[الأمنيات]

شكرااااااااااا اختي مباركة على الموضوع راني في ساعة نقرا في ردود الاعضاء فيه الي اعجبني ولي ضحكني ولي عصبني هي اراء تختلف من عضو
لاخر ......وحسب قنعاتهم
لكن لا ينطق عن الهوى اقلهن مهورا اكثرهن بركة ياك راني نيشن
احنا عندنا حسب قدرة الراجل والعرس في يوم واحد واذا ما حبش يدير العرس يفتح في المسجد وياخذ عروسته
لا نكلف ولا نحب من يكلفنا مهري كان بسيط جداااااااااااااا لان زوجي كان عاد كي بدا يعمل ويكون في روحه لكن اليوم الحمد لله احمده واشركه
الحياة ليست ذهب وزوخ وفوخ هي مسؤولية وثقة واولها صراحة واحترام متبادل
ربي يهنيكم ويرزقم بزوجات صالحات ويرزق العضوات ازواج صالحين الطيبات للطيبين
لكن كل واحد ونيته والله والله ربي يمهل ولا يهمل اذا كانت واحد ولا وحدة نيتها سيئة ربي يخلص فيه
وربي يعطي كل واحد على حسب ما تمنى وخطط لحياته ..............فقط اعزموا وتوكلوا على الله انا خطبت لاخي راه الحمد لله وراني نحوس للثاني بمساعدة الوالدة طبعا وربي يوفقني ليس الامر سهل لكلا الطرفين
اعتذر اطلت عليكم لكن موضوع غلاء المهور والبحث عن الزوجة ليس سهل كيما راجل يخاف المراة ايضا تخاف من المجهول

[إكرام ملاك]

حكاية واقعية


اختي لما جابولها المهر جات اختي الصغير (10سنوات)قالت لامي

لوكان دراهم اختي نخطبوا بيهم لخويا ونديروا عرس واحد


ههههههههههههه


السبب غلاء المهوووووووووووووووور

[عاليـ الهمم ـة]

صدقتي عمتي مباركة وحقيقة انا نسمع كثير من الرجال هنا في المنتدى يقولون ان الجزائريات يغالون في المهور ويتشرطن كثيرا...لكن لما يجدون من لا يتشرطن المهم عندهم رجل صالح والهنا يقولك هي فقط ترمي نفسها او لا ادري كيف يفسرون ذلك ...والله اختي هذا ما سمعت به في الواقع في أحد المرات وقرأته مرتين في قسم مشكلتي ...كل واحد يشير للاخر بأصابع الاتهام ويبقى النقاش في هذا الأمر مستمر...

[مباركة 1961]

شوفى ياعالية الهمم رانى معاك منذ قليل اتصلت بى احدى قريباتى ولامت على كيف اكتب هذا الموضوع وقالتلى حتى كتبت اسم الدوار نتاعهم واش معنتها راك تدللى بينا ولا ..
انا عكس هذه النضرة تماما وافضل ان اخطب لابنتى ومانخطبش الى ابنى

اما ان الناس ينظروا للمراءة ذات المهر القليل باللىراها رخيصة عند والديها راهم غالطيين
بالصح نقولك هذه النظرة بالزاف منتشرة

انا مرة حبيت نتخلص من ثلاجة عندى لانى حبيت نشرى واحدة اخرى اكبر حطيناها للبيع اول مشترى حبينا نرافوا بيه لانه محتاج قلنالوا اعطينا واش جات ..تقلق وراح وماولاش وكى تلاقيت بيه قتله اعلاه رحت قاللى ثلاجتكم كاشما فيها ديفو على بيها ماتشرطوش

وقيسى على هكذا كثير من الامور غلى الثمن يشروا الناس ترخصى تبقى عندك

بالصح الواحد راه مومن ويعرف حق ربى وان شاء الله يثبتنا فى نياتنا واعمالنا
ومانياسش المليح كاين بفضلكم

[مباركة 1961]

ياهلا باكرام نورت...
الصح فكرة نتاع اختك وعجبتنى بالزاف..............

بوسة ليها فوق الجبين ربى يهنى خاوتك

[مباركة 1961]

المشاركة الأصلية كتبت بواسطة الأمنيات

شكرااااااااااا اختي مباركة على الموضوع راني في ساعة نقرا في ردود الاعضاء فيه الي اعجبني ولي ضحكني ولي عصبني هي اراء تختلف من عضو
لاخر ......وحسب قنعاتهم
لكن لا ينطق عن الهوى اقلهن مهورا اكثرهن بركة ياك راني نيشن
احنا عندنا حسب قدرة الراجل والعرس في يوم واحد واذا ما حبش يدير العرس يفتح في المسجد وياخذ عروسته
لا نكلف ولا نحب من يكلفنا مهري كان بسيط جداااااااااااااا لان زوجي كان عاد كي بدا يعمل ويكون في روحه لكن اليوم الحمد لله احمده واشركه
الحياة ليست ذهب وزوخ وفوخ هي مسؤولية وثقة واولها صراحة واحترام متبادل
ربي يهنيكم ويرزقم بزوجات صالحات ويرزق العضوات ازواج صالحين الطيبات للطيبين
لكن كل واحد ونيته والله والله ربي يمهل ولا يهمل اذا كانت واحد ولا وحدة نيتها سيئة ربي يخلص فيه
وربي يعطي كل واحد على حسب ما تمنى وخطط لحياته ..............فقط اعزموا وتوكلوا على الله انا خطبت لاخي راه الحمد لله وراني نحوس للثاني بمساعدة الوالدة طبعا وربي يوفقني ليس الامر سهل لكلا الطرفين
اعتذر اطلت عليكم لكن موضوع غلاء المهور والبحث عن الزوجة ليس سهل كيما راجل يخاف المراة ايضا تخاف من المجهول

ربي يهنيك يامنيات بزوجك وباسرتك يارب

بالصح نقول لك فى كل مانشوف توقيعك نجوع ماعلا باليش علاه

[وراء السراب]

المشاركة الأصلية كتبت بواسطة مباركة 1961

شوفى ياعالية الهمم رانى معاك منذ قليل اتصلت بى احدى قريباتى ولامت على كيف اكتب هذا الموضوع وقالتلى حتى كتبت اسم الدوار نتاعهم واش معنتها راك تدللى بينا ولا ..
انا عكس هذه النضرة تماما وافضل ان اخطب لابنتى ومانخطبش الى ابنى

اما ان الناس ينظروا للمراءة ذات المهر القليل باللىراها رخيصة عند والديها راهم غالطيين
بالصح نقولك هذه النظرة بالزاف منتشرة

انا مرة حبيت نتخلص من ثلاجة عندى لانى حبيت نشرى واحدة اخرى اكبر حطيناها للبيع اول مشترى حبينا نرافوا بيه لانه محتاج قلنالوا اعطينا واش جات ..تقلق وراح وماولاش وكى تلاقيت بيه قتله اعلاه رحت قاللى ثلاجتكم كاشما فيها ديفو على بيها ماتشرطوش

وقيسى على هكذا كثير من الامور غلى الثمن يشروا الناس ترخصى تبقى عندك

بالصح الواحد راه مومن ويعرف حق ربى وان شاء الله يثبتنا فى نياتنا واعمالنا
ومانياسش المليح كاين بفضلكم

هذا تفكير شخص ناقص لانو هو يتصرف هاك الحمدلله ان ابعده عنكم