لاتضحك - وقل الحمـد لله على العافيه
السـلام عليكم ورحمـه الله وبركاتـه
( مسائكم خير - صباحكم خير )
موضوعي يتكلم عن شيء يتكرر قدام عيني وقدام اعين الجميع
الآن .. بعض النـاس لما يشوف امامه شخـص ( فيه نقص بالعقـل ) او على مايقولون " من ذوي الاحتياجات الخاصه "
ينـطلق له ، ويجلس يستهبل عليه ويـضحك عليه !!
طيب ليه يالغالي وش السبب اللي يخليك تسوي كذا !!
( عشانه مسكين او وش السالفه )
تروح تطقطق عليه وتضحك وتجمع اخوياك عنده وتستلمون فيه خطوط من الاستهبال والضحك ومدري ايش
طيب انت يـ الشخص اللي سويت كذا انت واخوياك
( ليه ماتروحون لـ شخص عاقل وسليم مثلكم )
وتطقطقون عليه وتستهبلون !!
( خايفين تطيحون في مشكلة كبيرة معه هالشخص ) !!
يعني انت الحين خايف من الناس ولاتخاف من رب العالمين !!
ياخي ، تبي تضحك عندك اماكن تسلية وعندك نت وعندك اشياء كثيرة اضحك فيها
اما تضحك على شخص مسكين مامعه عقل على اي اساس !!
( عشان يقولون لك العالم ظريف ؟ )
انت ياللي تستهبل ، على المسكين هذا
تدري ان ، هالشخـص افضل منك عند الله
لاتقول لي ليش ؟
( لان المجانين وناقصين العقل بعضهم قايمين بـ اسلامهم بافضل شكل )
وانت ياللي معطيك الله العافيه والصحه والعقل ، لاهي عن ربك ولاقمت بدينه على اكمل وجـه
وتجي بكل عين قوية ( تضحك على ناقصين العقل هذولي ) ههههه ؟
تحسـب ان ماوراك عقاب في الآخره ؟
لاتكـون همـجي وفكر قبل تضحك على خلقة ربك عز وجل
( ان الله اعطاك الصحه والعافيه بالعكس عنهم )
لاتضحك / على المساكين هذولي فكر في دينك قبل تفكر في الضحك
وقول " الحمــــد لله على العافيـــــه "
-
وصلى الله على نبينا محمـد وعلى آله واصحابه اجمعيـن