مجنونة بحب ابي - الصفحة 2

soso sirin · 2012-08-23, 00:22

اقتباس:

المشاركة الأصلية كتبت بواسطة لذريق

السلام عليكم و رحمة الله و بركاته اختي سوسو سيرين
رب يفرج عليكم و يدي عليك هذه المشكلة عاجلا غير آجل فقط اصبري و احتسبي الأجر
و لابد أن تمضي هاته المشكلة او يخفف من وطأتها مرور الأيام فقد مرت علينا مصيبة ظننت اني لن أخرج منها و عائلتي أبدا و قد طويت و كأنها لم تكن و لله الحمد و المنة
تدخل الأهل كما قلتي إما أن يكون ايجابي و هو المؤازرة و التخفيف من حدة المصيبة و الزيارة المتكررة و تسلية المصاب و تذكيره بقدر الله ووجوب الصبر و هنا نعرف الأهل الحقيقيين من المزيفين و هم الصنف الثاني الذي يأتي للتقرعيج و الاستفسار عن دقائق الامور و الاستشفاء و التلذذ بألم المصاب و في الخارج أي في الناس يطلقون الكلام الجارح فهؤلاء أيضا تعرفهم في الأزمات و لكن في كل أزمة و مصيبة خير و لابد أن يجليها الله و يخلف بعدها الخير و السكينة و تنام العين قريرة بعد هم تعجز الأكتاف عن حمله و الحمد لله أولا و آخيرا
لذا أختي لا تيأسي و اعلمي أننا كما أمرنا أن نؤمن بالله و الملائكة و الكتب و الرسل و اليوم الآخر فقد أمرنا بالايمان بالقدر خيره و شره و هو من صميم الايمان
فقد يأتينا أمر لا نحبه وو تبغضه انفسنا و لكن قد قدره الله و قضاه علينا
فلنكن من المؤمنين الصابرين الشاكرين و لنحتسب الاجر في البلوى التي تصيبنا و نعرف ان الله قد جعل المخرج لعباده المؤمنين من كل ضيق و لنكثر الدعاء و الثبات فان البلاء يلين القلوب

أما فيما قلتي في شأن عمك فربما قد تدخلتي بين أخ و أخيه أقول ** ربما ** و عمك أنت تعرفينه أكثر منا و الله أعلم بالنيات فلا تلومي نفسك فما حدث قد حدث و اذا كان عمك له فكر و سعة صدر فسيقدر الامر و ما انتم فيه و لا يعبأ بكلامك و تجدينه كل يوم مع أبيك و اذا كان العكس فلا تلقي له بال فالناس يعرفون في الشدة
بارك الله فيك أختي الكريمة
و أسأل الله الكريم أن يجلي عنكم ما أصابكم عاجلا غير آجل و أن يجيركم في مصيبتكم و يخلف لكم منها كل خير فهو كريم رحمان رحيم بعباده و احتسبوا الاجر و سأدعو لكم في الصلاة

ســـــــــــــــــــــــــــــــــــــــلام

والله يا خويا لذريق كلامك طلعلي المورال شوية .و الله انا راني مانة انو الشي الي يجي من عند ربي سبحانو كامل مليح و حتا و حنا مايبانناش مليح مي الي تغيض هي كيفاه الواحد مايصيبش الي يقربولو واقفين معاه و تحسهم كانو يستناو في حاجة باه يلهاو فيها مي ماعليش ربي خير .هي والله هذا عمي ماشي المرة الاولى الي يهبل فيها بابا و ينشعو مي دايمن نقولو ربي يسهل خاوة و حنا مادخلنا والو و الي غاضتني كثر ماشي من حقو يجي نهار العيد و يحرقلو اعصابو و يهدر هدرة ماشي نيشان و تاني بقى غير هو من عمامي و زاد هو التومي تاع بابا معنتها بابا ينضر مرتين من كلامو و زاد هدر على موضوع هو خاطيه اصلا .و مع انو والله هدرت معاه غير بالشوية كي راح عمي هدرت مع بابا قالي معليش انتي ماقلتيلو والو والله من هذاك النهار ماعيطلو و لا سقسى عليه المهم دبر راسو و ربي يسهل عليه.و ربي يخليك خويا و هذاك مانا محتاجين الدعاء خويا

soso sirin · 2012-08-23, 00:27

اقتباس:

المشاركة الأصلية كتبت بواسطة الامل بالله

ربي يرفع عليكم البلاء ان شاء الله
ربي يشفي باباك ان شاء الله
ربي يفرج عليكم و يحل مشاكلكم

اللهم امين اختي و الله هذا مانا محتاجين دعاءكم اختي

اقتباس:

المشاركة الأصلية كتبت بواسطة staifia

والله عندكـ الحق ,,,, سبحان الله الناس كيفاش ولاو يدخلوا في امور خاطيينهم والله عشنا وشفنا ...
يدخلوا بين اللحم والظفر ... يحبوا يتصرفوا في ديار الناس يا لطيف منهم
والله كرهونا وكيا قلتي انتي واحد كي ميكونش عندو المشاكل في الدار ويجيه مشكل والله كلشي يسماط وماتعرفيش حتى كيفاش ديري
ربي يكون في عونا

اسكتي برك يا اختي والله الي مايكونش موالف المشاكل والله يكره كلشي و الي تزيد تكملها الغاشي و القيل و القال تحسب الدار ولات ستاد.ربي يحلها من عندو ان شاء الله و صحيتي على الرد اختي

محمد...عبد النور · 2012-08-23, 00:30

أسأل الله أن يفرج عنكم همكم و أن يبدلكم به فرحة و سرورا
هي أحوال الدنيا و ان شاء الله ما يكون غير الخير
تهلاي في باباك و كونوا اسرة موحدة و كلام الناس كا تعمروش راسكم بيه ، ممكن يقلق لكن و الله ما يضر
ربي يفرحكم و يرزقكم الهنا و راحة البال و فرج و فتح قريب ان شاء الله
الله يبارك فيك و يحفظ لك باباك و يرزقك الرفعة في الدنيا و الاخرة و ربي يجلي عنكم هذا المشكل و الله يصرف عنكم الظلام و ولاد الحرام و كل صاحب أذى
ســـــــــــــــــــــــــــــــــــــــــــــلام

soso sirin · 2012-08-23, 00:31

اقتباس:

المشاركة الأصلية كتبت بواسطة الواثق

الغضب يفسد اي شيء ..................والصبر والصمت يزين كل شيء .............فصبرا جميلا والله المستعان

والله مرات يا خويا تعيا تصبر و يجي نهار وين تطرطق و سعد الي يكون مقابلك

soso sirin · 2012-08-23, 00:39

اقتباس:

المشاركة الأصلية كتبت بواسطة aihemsara

يا اختي انا تاني نمووووووووووووت على بابا
بصح نموووووووووووت و مانردش كلمة لعمي
اصلا ما نقدرش مامابا نرفد عيني و نهدر معاه بغش
راهم خاوة حاجة باينة يدخل روحو بصح العبد يسايسهم شوية
الا شفتي باباك تقلق وصيه مايهدرش في الموضوع هاداك مع العائلة و ماتسمعوهمش من الاساس
ربي يفرج عليكم اختي و تعيشي ما تتقلقي من رد تاعي

والله يا اختي هاذي اول مرة نهدر معاه هكا و زاد والله ماطرت عليه قتلو لافوت فيك و غير بالهداوة انا عمي هذا نعزو بزاف لانو هو التومي تاع بابا و هو الي بقانا من عمامي و تاني الصح الصح باه مانكذبش نبغيه لانو بابا يموت عليه و انا الي يبغيه بابا و مانحملوش نبغيه بالسيف عليا .والله مانتقلق من الرد بلعكس اختي و كيما قلتي انا كي هدرت معاه وليت نخمم قلت انا تاني غدوة كون نجي نهدر مع اختي تنوض تهدر معايا بنتها بلاك نطير عليها و نقلها انتي واش دخلك.مي والله يا اختي انا بابا غاضني و اول مرة نحسو ماشي قادر يرد لانو الهدرة الي قالهالو كانت قاسية شوية علا هكا هدرت معاه

soso sirin · 2012-08-23, 00:44

اقتباس:

المشاركة الأصلية كتبت بواسطة لذريق

أسأل الله أن يفرج عنكم همكم و أن يبدلكم به فرحة و سرورا
هي أحوال الدنيا و ان شاء الله ما يكون غير الخير
تهلاي في باباك و كونوا اسرة موحدة و كلام الناس كا تعمروش راسكم بيه ، ممكن يقلق لكن و الله ما يضر
ربي يفرحكم و يرزقكم الهنا و راحة البال و فرج و فتح قريب ان شاء الله
الله يبارك فيك و يحفظ لك باباك و يرزقك الرفعة في الدنيا و الاخرة و ربي يجلي عنكم هذا المشكل و الله يصرف عنكم الظلام و ولاد الحرام و كل صاحب أذى
ســـــــــــــــــــــــــــــــــــــــــــــلام

اللهم امين خويا لذريق و ربي يخليك و يحفظك .و بابا والله راه في عينيا كون يروحلي بعيد الشر والله بلاك نهبل.ادعيلنا معاك .و شكرا على الاهتمام و الرد

فتـ حييةـاة · 2012-08-23, 01:46

نقولك الصح الصح لو درتها انا كان ابي يضربني بركلة ييبني فالكوزينة مع انو مايضربش بصح ماجاياش الراجل يهدر مع خوه ندخل روحي :::::::: ومش غير رني مرا لااااا حتى اخي ومايقدرش يديرها ::: واش دخلنا بين الكبار ::::: والله اعلم كل واحد وعلى حساب عقليتو
ربي يشفي الوالد ويبعد عليكم المشاكل

soso sirin · 2012-08-23, 10:47

اقتباس:

المشاركة الأصلية كتبت بواسطة فتـ حييةـاة

نقولك الصح الصح لو درتها انا كان ابي يضربني بركلة ييبني فالكوزينة مع انو مايضربش بصح ماجاياش الراجل يهدر مع خوه ندخل روحي :::::::: ومش غير رني مرا لااااا حتى اخي ومايقدرش يديرها ::: واش دخلنا بين الكبار ::::: والله اعلم كل واحد وعلى حساب عقليتو
ربي يشفي الوالد ويبعد عليكم المشاكل

اللهم امين اختي.مي نقلك حاجة والله كيما قلتي انتي والله مضاري يتناقرو و يجي منشوع مي مانهدروش كامل مع بابا لانو عارفين انهم خاوة و التالية تاعهم راجعين لبعض مي الصح الصح كون كنتي في بلاصتي كون بلاك ردة الفعل تاعك اختلفت نهار العيد و مادارش قيمة لهذا النهار و عارف انو الزعاف يضرو و مادارش حساب عمي على الراس و العين و مانقدرش نحل فمي قدامو مي يوصل لبابا مانقدرش الله غالب سوغتو في هاذيك الحالة ماتقدريش تشوفي باباك في موقف من كثرة الكلام مكان قاسي حتا مايقدرش يرد الا بابا

~~knives55~~ · 2012-08-23, 11:35

على هذي كرهت اناس كل مكانش ليعاون غير حساد وخوه انا لافمي كل كرههتم

النجمة القطبية · 2012-08-23, 17:14

شوفى اختى الكريمة
حتى انا نحب والدى لابعد الحدود
وخاصة ان الانسان يشوفهم فى هذا السن شحال تعبو علينا ومازالو يتعبو
ومرات الواحد يخمم كيفاش يعوضهم
ولكن انا رغم حبى لوالدى عمرى ولا تدخلت بينه وبين اعمامى او اخوالى او اى شخص كبير
يعنى ببساطة احترام الكبير واجب والكلام محسوب مع العم
ارى ان تعتذرى لعمك
والله اعلم

~~فقير و عايز اطير~~ · 2012-08-23, 21:40

كل قرد في عين بنتو أسد
==================
نقطة ارجع للسطر

مسلم سني · 2012-08-23, 21:42

السلام عليكم
الاب لا يمكن أن يعوض
وحبنا له شيء طبيعي
ومحاولة إسعاده والدفاع عنه أيضا
لكن فيما يخص عمك
حاولي نسيان ما حدث
وأكيد ستعود المياه إلى مجاريها
وإذا سنحت لك الفرصة اطلبي منه أن يسامحك على انفعالك
وتدخل الأهل في الشؤون الخاصة كوني يقينة هذا الأمر
تكاد كل الأسر تعاني منه
والله المستعان
أتمنى أن تتحسن أوضاعكم قريبا
ويحل سوء التفاهم
احترماتي

سآجدْ للهْ · 2012-08-23, 21:51

ربي يوفقكم

~~فقير و عايز اطير~~ · 2012-08-23, 22:02

كل خنفوس في عين مو غزال

soso sirin · 2012-08-23, 23:43

اقتباس:

المشاركة الأصلية كتبت بواسطة النجمة القطبية

شوفى اختى الكريمة
حتى انا نحب والدى لابعد الحدود
وخاصة ان الانسان يشوفهم فى هذا السن شحال تعبو علينا ومازالو يتعبو
ومرات الواحد يخمم كيفاش يعوضهم
ولكن انا رغم حبى لوالدى عمرى ولا تدخلت بينه وبين اعمامى او اخوالى او اى شخص كبير
يعنى ببساطة احترام الكبير واجب والكلام محسوب مع العم
ارى ان تعتذرى لعمك
والله اعلم

شوفي يا اختي والله العظيم انا نحترم عمي هذا و نعزو بزاف مي لما تلقاي عمك يدخل في روحو في حاجة ماشي شغلو و زيد المشكل خاطيه و من الاحسن مايدخلش روحو فيه و زاد بابا ماهدرلوش اصلا على المشكل و يجي نهار عيد و ناسي بلي راه مريض هنا والله و كون يكون اعصابك من حديد رايحة تهدري اصلا ماتخمميش لانو في هاذيك الدقيقة تنساي بلي راه عمك تولي تشوفي غير في باباك و تعرفي بلي السكر تاعو راه طالع و ممكن يصرالو حاجة .صح انا غلطت لانو هدرت مي مانيش ندمانة و كون تتكرر رايحة ندير نفس الشي لانو انا مافهش معاه الحد و هدرت معاه بالعقل .و انا هدرت مع بابا لانو خفتو يكون زعف عليا لانو نعرفو شحال يبغيه قالي معليش و على السماح قلت لبابا نهار يتحل المشكل تاعنا راح نشقى ليه و اذا غاضو الحال رايحة لم العايلة كامل و نطلب السماح مع انو رايحة تجيني ثقيلة بزاف مي في وجه بابا معليش.