حابه نفهم برك

[lidouch]

اول شيء لفت ا نتباهي هو السوريات و قصة الزواج منهن ,فالجزائري عندما يريد الزواج اول حاجه يديرها يسال على الفتاه و واهلها وماضيها و وووووووووووالحاجة جديده تخدم و لا لالا وعندما ضهرت السوريه هان عليه كل شيءالحرمه و الشرف الشروط التي وضعها في يوم من الايام كل شيء ذهب مع الريح اقول لابنة بلدييييييييييييييييييييي راكي عزيزه و نيفك خيررر وقالوها ناس بكرى الي عجبك رخصو ادي نصوا

[staifia]

الحمد لله احنا بقدرنا وشانا .......شكرا

[مريم الصابرة]

السلام عليكم اخي أولا بارك الله فيك على المووضع لكن إلتمست في موضوعك إنك تتمسخر بالسوريات هوما الله غالب خويا هذي حرب وقتنة وهوما خلصو وماشي بدييهم راهم يزوجو فيهم ب 500 الف لو كانت بلاد إسلامية ما يديروش هكذا شكون يرضى ختو تتزوج ب 500 ألف او بإعلان فالجرائد والمجلات وفالمنتديات ربي يهدينا نحطو رواحنا في بلاصتهم وبنات بلادك نتاع عز ويبقاو عزيزت وبعيد الشر لو تصرا حاجة في بلادنا راحين نديرو اللي داروها جميلة بوحيرد ولخرات كون هاني وما نخلوش رواحنا نباعو ب 500 الف ما رانش كباش حتى الكبش ب 3ملاين و 4 ربي يهدي اناس يتاجرو في اعراض الناس الزواج صح حلال وممكن لوبلا دراهم معليش لكن بزاف كثرة الهدرة على الموضوع هذا وعلى لماضي واخلاق الفتاة يا اخي الي متربية ونتاع خلق ولو تكون صينية ماشي سورية يرك صحا فطورك

[rania nou]

يا اختي معظم الشباب يحبوا الجمال و السوريات صنفوهم اجمل بنات عربيات هو يشوفها زينة و تدلل (تقبرني تقبر قلبي) تعجبهم وماتوليش عندو شروط وحنا من بكري نسبة العنوسة مرتفعة وكي زادو جاو راح تولي 100% المهم الحمدلله رانا في بلادنا و بكرامتنا وربي يدومها

[lidouch]

اختي مريم انا راني انثى وراه غايضني الحال على لبنات و رجال الي باعو كلش على جال الدراهم و زيد كيفاه يعطيني قلبي نتزوج و بلادي و خوتي هالكين

[مريم الصابرة]

المشاركة الأصلية كتبت بواسطة lidouch

اختي مريم انا راني انثى وراه غايضني الحال على لبنات و رجال الي باعو كلش على جال الدراهم و زيد كيفاه يعطيني قلبي نتزوج و بلادي و خوتي هالكين

السلام عليكم اختي إسمحيلي عندبالي شاب
اختي هوما كل وحدة وظروفها كاين اهلهم متوفين وكاين يخافو يتعداو عليهم هنا راهم يزوجو فيهم هي من المفروض يلموهم في مقر ويعاونوهم حتى تولي بلادهم عادية ويورحو لكن راهم يزوجو فيهم ونزيدك اللي يطلقها يخلص 70 مليون من بعد ينضي على ورقة نتاع الشروط
هوما مساكن الله غالب عليهم اختي تتزوج خير من اللي يتعدوا عليهم ومعروفات بالجمال يعني الشباب راهم يجريو على الجمال إحنا جيناهم على العين العورة غحنا مهرنا غالي وفيمتنا طالعة ههههههه شكرا صحا فطورك

[dotZero]

بنات لبلاد عزاز
لكن 20 مليون مهر
العرس 150 مليون منين نجيبوهم?
واش حاب نقول، لي راه رايح يتزوج سورية أكيد أنتي ما تقبليش به
و لوكان ييجي لداركم تسبيه و تسبي عايلته معاه
إذن علاه يبقى يسنا في بنات لبلاد لي عمرهم ما يقبلوا به

[مريم الصابرة]

المشاركة الأصلية كتبت بواسطة dotzero

بنات لبلاد عزاز
لكن 20 مليون مهر
العرس 150 مليون منين نجيبوهم?
واش حاب نقول، لي راه رايح يتزوج سورية أكيد أنتي ما تقبليش به
و لوكان ييجي لداركم تسبيه و تسبي عايلته معاه
إذن علاه يبقى يسنا في بنات لبلاد لي عمرهم ما يقبلوا به

السلام عليكم خويا ممكن إنت طحت في بنت الشيكي بيكي حاطة روحها هيفاء وهبي ووحدة خسرتها على لف خويا والراجل اللي يحب يدير عرسو ب 150 مليون هذاك مخلوع شايع بالخلايع شاري هدرة الناس فالقهاوي عليه ومن بعد يفطر على الماقرون المرا دخلش روحها فيه ولو حب يدير قصعة طعام المهم يديها بالحلال وقدام الناس هذا هو المهم معليش خويا خلي يتزوجو بالسوريات مساكن يسلكوهم ويستروهم إحنا رانا في بيوتنا مستورات وهوما مساكن راهم فالشارع الف واد يطمع فيهم صحا فطورك