هنا توضع طلباتكم و استفساراتكم - الصفحة 8

ماما ليث · 2012-08-12, 15:13

تعيشي اختي يعطيك الصحة

salihastar · 2012-08-12, 15:48

مساء الخير ام كوثر ممكن تساعديني لقيت قاطو بطابع المباركات بين الحبات كريمة وفوق الحبات اللوز المنسل هو للاخت وهيبة

رباب مختار · 2012-08-13, 00:25

السلام عليكم يا اخواتي أنا مبتدئة في صنع الجلويات راني باغية ندير باقلاوة و بوسو لا تمسو لي عندها وصفة ناجحة تقولي عليها و أيضا باه تنصحوني با القاطو ما يجينيش قاصح و يابس و هل ممكن نطيبه في الفرن نتناع الغاز يعني الكويزينيار؟؟؟؟؟؟؟؟؟أنا انتظر إجابتكم ربي يجازيكم

loubnamias · 2012-08-13, 01:10

salam okhti om kawtar t3ichi t9adri thatilna kayfiyat tajhiz chokolata linzayno biha kima glassage wtji noir et brillent

*أم كوثر* · 2012-08-13, 01:15

السلام عليككم
بالنسبة للشوكولا تع القلاصاج كاين انواع
كاين اللي لازم نزيدواها الحليب او الزبدة حتى تدوب ونقدرو نستعملوها وكاين اللي كي نزيدوها اي شيئ تفسد وتعجن
انا شخصيا للقلاصاج نستعمل دايما شوكولا mina
هي الامتل في الدوق والبنة وكلشي وتزيديلها الحليب عادي مايصرالها والو

*أم كوثر* · 2012-08-13, 01:18

بقلاوة بلابات فيلو
هاااايلة وساهلة

https://www.djelfa.info/vb/showthread.php?t=1009756

*أم كوثر* · 2012-08-13, 01:24

عدرا منكم على الاطالة اااسفة
بالنسبة للشوكولا البيضاء
نبرشوها او نقطعوها رقيق ونضيف قطرات زيت قطرات فقط ونديرها على حمام مائي
نقطة مهمة الحمام المائي لما يغلي الماء نقص النار ونخلي الشوكولا تدوب على البخار ومنخلوش الماء يغلي بزاف لانو كون يقيس الانية اللي فيها الشوكولا تنحرق وتعجن
وجامي نضيف حليب للشوكولا البيضاء لان لونها يصبح بااااهت

لابات داموند نعجنها عادي باليد وكي تشوفيها تلتصق شيحي بالميزينة فقط

الكابريس ندوبوا الحبات على حمام مائي مع القليل من الحليب ولما تدوب تصبح جاهزة للاستعمال ومانزيدولها حتى اضافة

*أم كوثر* · 2012-08-13, 01:28

اقتباس:

المشاركة الأصلية كتبت بواسطة رباب مختار

السلام عليكم يا اخواتي أنا مبتدئة في صنع الجلويات راني باغية ندير باقلاوة و بوسو لا تمسو لي عندها وصفة ناجحة تقولي عليها و أيضا باه تنصحوني با القاطو ما يجينيش قاصح و يابس و هل ممكن نطيبه في الفرن نتناع الغاز يعني الكويزينيار؟؟؟؟؟؟؟؟؟أنا انتظر إجابتكم ربي يجازيكم

وعليكم السلام
باه ينجحلك القاطو لازم ك تتبعي عدة نصائح
اولها نوعية الزبدة والفرينة لانو كاين نوع من الزبدة فيها نسبة ماء كبيرة كي تطيبي بيها يتبخر هداك الماء ويخرجلك القاطو يابس
لدا افضل نوعية هي لابال سواء زبدة او فرينة
تانيا لازم العجينة تخليها طرية متكونش يابسة باه يجي القاطة هشيش
تالتا الفرن مالازمش يكون بارد لازم يسخن من قبل ماتحطي فيه القاطو
اخيرا لازم التقيد بالمقادير والطريقة والمراحل وربي يوفقك

#نُورْ أَمِيرَةَ الأَخْلاَقْ# · 2012-08-13, 01:30

سلام ام كوثر انا استفيد منكي كثير بس عندي سؤال كيفاه قاطو طابع يجي مقرمش.................. اتمنى الجواب اختي الحبيبة

#نُورْ أَمِيرَةَ الأَخْلاَقْ# · 2012-08-13, 01:52

وين اختي ام كوثر .................................................. ....

أم عبير · 2012-08-13, 02:09

ارجوكم اخواتي شريت شكولاطة العلبة نتاع البلاستيك للقلاصاج كيفاش نخدم بيها و تاني كيفاش الشكولاطة المدابة ما تيبسش حيث كي نجي نغلف القاطو تيبسلي في الكاسرونة

أم عبير · 2012-08-13, 14:07

اين انتم يا خبيرات

imi25 · 2012-08-13, 15:07

sbah el kheir oum kaouter merci pr tes efforts ce ma premiere participation j ai une boite de nestle je voulais une recette que dieu te recompense

sizito · 2012-09-26, 18:17

مساء الخير للجميع و خاصة أم كوثر
تعملي مزية حابة نسقسيك عل نوع الشكولا لي استعملتيها فالقلاصاج تاع الصابلي كان شكلو مربع و مزين بوردة بيضاء بالروز شفتو في منتدى اخر على فكرة ، كانت سوداء بزاف مي ما عرفتش نوعها ، و مشكورة وربي يحفظك

*أم كوثر* · 2012-09-27, 08:52

السلام عليكم

القلاصاج تع لي صابلي
ديري امباسادور نوار او شوكولا منى
لي عودة