لكل من وجه الى تسيير التقنيات الحضرية جامعة مسيلة

بيلسان الجنة · 2012-07-22, 22:32

السلام عليكم ورحمة الله وبركاته
ارجوا من كل ون وجه الى هاذا التخصص يقولنا باه نتعارفوا اونسي جامي نتلاقاو مع بعض
والى كل طالب جامعي يدرس هذا التخصص يحكيلنا عليها شوية وقولنا واش يقراو فيهليناا والله غير راني محيرة
ارجوا الافادة لاتبخلوا علينا

بيلسان الجنة · 2012-07-22, 22:42

..................ياجماعة وين راكم

soufiane B · 2012-07-22, 22:54

انا نقرا تسيير التقنيات الحضرية في ام البواقي بانسبة الي انا اراه تخصص جيد الركزة الاساسية تاعو هي الورشة الي مراحينش تقراوها في 1 semester
هذا التخصص فيه 2 pronch تسيير المدن او تهيئة عمرانية
اذا اردت الاستفسار عن اي امر اخر فانا في الخدمة

أخلاقي أساس حياتي1 · 2012-07-23, 12:30

انا معك في نفس التخصص لكن وجهت الى ولايه بسكرة علما انني من تيسمسيلت

بوقرة الزعيم · 2012-07-23, 13:35

السلام عليكم انا ثاني وجهوني تسيير التقنيات الحضرية في المسيلة
متخافيش يا الاخت والله غير روعة والقراية فيها ساهلة
عندي صاحبي جاب معدل 10 دخل فيها العام اللي فات طلع ب12
رائعة وهايلة ولمزيد من المعلومات راني هنا

أخلاقي أساس حياتي1 · 2012-07-23, 16:29

اقتباس:

المشاركة الأصلية كتبت بواسطة بوقرة الزعيم

السلام عليكم انا ثاني وجهوني تسيير التقنيات الحضرية في المسيلة
متخافيش يا الاخت والله غير روعة والقراية فيها ساهلة
عندي صاحبي جاب معدل 10 دخل فيها العام اللي فات طلع ب12
رائعة وهايلة ولمزيد من المعلومات راني هنا

لكن يا أخي ممكن تقولنا اذاا فيها مستقبل واش نقدرو نخدمو فيها
و انا وجهوني لبسكرة ........نقدر نتحول لللمسيله؟

بيلسان الجنة · 2012-07-24, 09:41

شكرا على مروركم
بصح واش نقراو في العام الاول يعني واشنوا هوما ليموديل فيها وادا كانوا مركزين على الفرنسية لخاطر انا شوية فابل فيها واش نخرجوا نخدموا فيها

بوقرة الزعيم · 2012-07-24, 12:58

اقتباس:

المشاركة الأصلية كتبت بواسطة أخلاقي أساس حياتي1

لكن يا أخي ممكن تقولنا اذاا فيها مستقبل واش نقدرو نخدمو فيها
و انا وجهوني لبسكرة ........نقدر نتحول لللمسيله؟

ايه نورمالمو تقدري تحولي لكن ممكن تلقاي غير صعوبة قليلة باه تديري الاقامة بصح ناس المسيلة ناس ملاح يمدولك الاقامة شوفي وجربي حظك

بوقرة الزعيم · 2012-07-24, 13:03

اقتباس:

المشاركة الأصلية كتبت بواسطة بيلسان الجنة

شكرا على مروركم
بصح واش نقراو في العام الاول يعني واشنوا هوما ليموديل فيها وادا كانوا مركزين على الفرنسية لخاطر انا شوية فابل فيها واش نخرجوا نخدموا فيها

يا اختي متتقلقيش على ليموديل على خاطر ساهلين
عندنا لكل يطلعو العام وثاني متخافيش من الفرنسية على خاطر ساهلة
اما في التخرج تخرجي مهندسة نتاع مدينة يعني في تسيير المدن والطرقات

بيلسان الجنة · 2012-07-24, 15:56

شكرا خويا والله غير هديتني مي وقيل راني حابة ندير ترونسفار للتخصص تغذية وعلوم غذائية في شلف نشالله ربي يسهلها عليا وعلى كل من حاب يدير ترونسفار

بيلسان الجنة · 2012-07-24, 16:39

السلام عليكم ياجماعة جبتلكم نبذة على معهد تسيير التقنيات الحضرية لقيتها في بعض المنتديات نشالله تعجبكم
بقلم : KEDDAM NOREDDINE
يعد معهد التسيير و التقنيات الحضرية Gtu من أحدث المعاهد و أهمها في الجامعات الجزائرية ، حيث تخرجت أول دفعة منه سنة 1994 من جامعة المسيلة ، و يعد هذا المعهد الوحيد على المستوى الإفريقي ، ويؤطر مهندسين عمرانيين على المدايين القصير و الطويل ، فالقصير لا تزيد مدة الدراسة فيه عن ثلاث سنوات ، أما الطويل فمدة الدراسة فيه هي خمس سنوات .
و يتعلق التكوين بهذا المعهد بدراسة المدن بكل أنواعها القيمة و الحديثة و الإسلامية و الأوروبية .......إلخ ، فالمدن الأوروبية تختلف عن غيرها من المدن في الطراز و كيفية الإنشاء و التصميم للواجهات العمرانية ، وكذا تصميم الساحات الخضراء و الشوارع التي تسهل عملية الإنتقال و الحركة بين الكتل العمرانية و المرافق التنوعة ، فالبناء العمراني يعتمد أساسا على كيفية التوفير و التنسيق للمنشآت وفقا للمتطلبات و الإمكانات البرشرية و المادية المتوفرة و التي تحدد طبيعة و كيفية التكوين للمدينة العمرانية .
وكذالك بالنسبة للمدن الإسلامية و التي تعد من أهم المدن عبر التاريخ البشري ، نظرا لما تهتم به من حفاظ للدين والمكتسبات و القيم التي تميز الغرد المسلم ، فالمدينة الإسلامية هي ترجمة لما يحث عليه الدين الإسلامي ، والعادات المتوارثة ، إذ أن المدينة الإسلامية بحكم اهتمامها بعامل الأخلاق و الإهتمام للمرأة المسلمة ، فهو يقسم البنايات و يخطط بناءها وفقا لما لا يتعارض و كرامتها العريقة ، عراقة هذا الدين الحنيف و ما يدعوا إليه من ضرورة للإهتمام بالمرأة و الدعوة إلى صونها من كل عوامل التيه و الإنحراف .
إضافة إلى أماكن تواجد المسجد و كيفية بنائه المتميزة ، و التي تعتبر واجهة أساسية للمدينة الإسلامية من حيث الشكل ، وعاملا أساسيا في توثيق العلاقات بين أفراد المجتمع الإسلامي من ناحية ثانية .
إن المدينة بكونها مجالا حيويا يحافظ على تواجد الإنسان و استمراريته ، كان بالضرورة الإهتمام بها من حيث كيفيات التخطيط والهيكلة و البناء و التسيير لمواردها المختلفة ، ولذالك وجب الإهتمام بالتكوين الجاد و التقني للمهندسين في هذا الميدان ، وذالك بتوفير المعاهد التقنية المهتمة بهذه العملية ، إذ أن المجتمع الحضري بكونه مجتمعا حديثا و متميزا ، لا يتم نماؤه إلا في خضم شبكة متطورة و متصلة ببعضها البعض بوسائل حضرية ملائمة للمدينة الحضارية الحديثة و المنشودة ، مع الحفاظ على القديم من المكتسبات التي تعتبر عاملا شاهدا على حضارتنا الإسلامية المتميزة .

تقبلوا مروري

بيلسان الجنة · 2012-07-25, 15:53

ياجماعة وين راكم

أخلاقي أساس حياتي1 · 2012-08-11, 22:03

السلام عليكم
أختي بيلسان الجنة ممكن نعرف كي رحتي سجلتي كيفاه حسيتي الحاله ثما في المسيله
و شحال المسافه من تيارت للمسيله و شحال ديتو وقت باش وصلتو

بيلسان الجنة · 2012-08-12, 16:27

اقتباس:

المشاركة الأصلية كتبت بواسطة أخلاقي أساس حياتي1

السلام عليكم
أختي بيلسان الجنة ممكن نعرف كي رحتي سجلتي كيفاه حسيتي الحاله ثما في المسيله
و شحال المسافه من تيارت للمسيله و شحال ديتو وقت باش وصلتو

وعليكم السلام كي رحت لتم في الجامعة حاجة نورمال كأي جامعة من الجامعات مي في طريق عييت خاطة في رجعة لخاطر كي كنت رايحة قلعة على ساعة 2وصلنا على ستة وعشرين دقيقة هادي بلا مانحبسوا قاع مي في رجعة كي ولينا عييييت حتى ماقدرتش لخاطر مسيلة بعيدة على تيارت بالبزاف مع لسخانة وصيام علابالك ختي والله غير جفيت وقلعنا من مسيلة على 11وصلنا لتيارت على 3ونص علابالك مع داك لعيا والله مافطرة وشكرا
قوليلي نتي من وين