وعلالالاش يا رجال ؟؟؟؟؟

[sihem30]

ما فهمتش لحد الساعة وعلاش الرجل ما يحبش زوجته ان تقود السيارة ؟؟؟؟؟؟؟ يمال تركب في الباصات و حافلات النقل افضل ليها ؟؟ و افضل سترة ؟؟
يعني هل هذا راجع لجهل الرجل ؟؟ و لا تسلطا منه ؟؟؟ وكيفاش هو يحب يكون مرتاح و يخرج من داروا مرتاح و يولي العشية مرتاح و يقبل على مرتو تحكم التاكسيات و تركب في الباصات او تستنى راجلها باش يجي و يلحقها العشية في الليل باش تفري شغلها حتى هو يخرج مالخدمة ؟؟؟ و يلا كانت حالة طارئة تقعد تستناه ؟؟
مازال مافهمتش هل هذا من الجهل ؟؟؟ ولا عدم الثقة في المرأة ؟؟؟ و باش تقولولي تخافو على نساكم هادي ماكاش منها لوكان تخاف عليها تخليها تسوق السيارة باش تضمن بلي راهي مرتاحة و واحد ما يقلقها ؟؟ الخوف كي تكون راكبة حافلة الي جا و الي راح يقلقها ضف الى هذا الاختلاط او السيارة و المضايقات الي تحس بيهم و عدم الارتياح و الراحة ؟؟
و زيد حاجة ؟ اذا ما تثيقش في مرتك ما تتزوجش بيها . ؟
يلا راكم حابين تكونو كيما السعوديين الي حرموا على المرأة ان تقود السيارة ؟؟ و منعو عليها هاد الشي ؟؟ راكو غالطين على خاطر المرأة السعودية متوفر لها كل شيئ ؟ يعني الي زار السعودية راهو يقدر يجاولب ؟ كل حاجة قدامها ما تشقاش تحوس على حاجتها بعيد المستشفى قدامها ... المارشي قدامها .... المدارس و الجامعات و و و .. قدامها .... كلش قدامها ؟؟ غير و يلا اهلها برك بعاد عليها هاديك الله غالب ؟؟ و زيد راني ضد منع المرأة انها ما تسوقش السيارة ..
قنعووووني برك يلا قدرتوو ...

[ليلى خانم]

السلام عليكم
صح في الحقيقة عندك الحق فيما يخص الركوب في الحافلات والاختلاط بصح المراة الجزائرية بالخصوص اذا قادت سيارة تولي غولة تحس رحها عوضت كامل النقص تاعها بتلك السيارة

[MIWAKE]

انا لست ضد قيادة المراة للسيارة لكن هناك ظاهرة لاتعجبني و هي ان تقوم المراة خاصة المتزوجة بجمع صديقاتها و ذهاب في نزهة يوم كامل و اهمال شؤون البيت و الابناء حيث بعد عودة الابناء من المدرسة لايجدون الام في بيت لانها راهي تحوس مع صديقاتها وهدة ظاهرة منشرة كثيرا في الجزائر العاصمة
السيارة لها ايجابيات لكن نحن نميل للسلبيات اكثر شكرا

[الواثق]

انا ضد قيادة المرأة للسيارة ....................وتقولين جهل ؟؟؟.............بل اقول لكي انت تجهلين معنى قيادة السيارة وتجهلين حيثيات السيارة ؟؟؟........

قبل قيادة السيارة وغيرها علينا ان نرجع اولا ان خروج المرأة من بيتها الا للضرورة فلسنا هنا في زمن يكثر فيه الامان وتكثر فيه الثقات وروحي للشارع يحكيلك ......................ودائما اقولها ان الله يستر ..........فوالله لو كان الله يفضح لفر المرء من اخيه واخته وامه وابيه .....................ويا اختي الكريمة المرأة كالجوهرة المكنونة وهي محل انظار الكثير ومحل طمع الكثير ...................فكيف تكون حال هذه الجوهرة وهي في السيارة وفرضا توقفت فيها في مكان خال او حتى داخل المدينة ؟؟؟؟..............الا تكون في ايدي كل ذئب او مريض قلب وما أكثرهم ؟؟؟........................وكيف بها تقوم باصلاح فوالله نحن الرجال نعجز احيانا حتى في تغيير عجلة .............................زوجتي في البيت وخايف عليها حتان تكون في سفر او طريق لا ادري ما يحل بها ؟؟؟

تقولين لي ان الكثيرات يسقن السيارات ويتبجحن بهذا ............فهذا لانهن اردنا ذلك فاصبح المحضور في الماضي مباح لهم ...........كما ان الله يسترهن .........فلةوكانت زوجتي تقود السيارة لمدة 20 سنة وحدث لها حادث بعد هذه المدة فرضا تعطلت سيارتها في طريق خالية ولنفرض انها ماتت خوفا دون ان يلمسها احد فمن هذه الليلة تعود للبيت وأعرف انها ستقول لن اسوق السيارة مرة اخرى

انا لا اقول ان للمرأة اختلاطها مع الرجال في الحافلات وسيارات الاجرة افضل ............بل اقول مكوثها في البيت افضل وتترك هذه الامور للرجل فان اضطرت فالاولى ان تخرج بمحرم ..............هذا كله مع لباس شرعي ومحتشم

اما قضية ثقة واننا لانثق في المرأة فهذا كلام لايقنع احدا .....................فنحن تعدينا حدود الله ولم نثق في الله ودليل ذلك لم نتقيد بشرعه فكيف تثقين في البشر ونحن لم نثق في خالقنا وهو يعلم كل شيء .................الله عزوجل يامرنا بستر النساء والحفاظ عليهن فاتركها واقول لله ياربي راني داير فيها الثقة ؟؟؟؟.........زوجة الرسول صلى الله عليه وسلم ولم تسلم من القذف بالزنا والعياذ بالله ..................حتى نتكلم على نسائنا ؟؟؟.................زوجات الرسول صلى الله عليه وسلم امرن بالبقرار في البيت والتزام الجلباب وان لايخضعن في القول ...........................فنقول ان رسول الله صلى الله عليه وسلم لم يثق فيهم ؟؟؟؟؟

اخطونا من هذا الكلام .............يلعنها هاذي الدراهم والمادة التي نجرو وراها وكاننا في دنيا مادة ونسينا اننا في دنيا اختبار للفوز بالجنان او مصيرنا العذاب في النار ...................الانتورع ابدا من اجل ديننا ؟؟؟.....................خروج المرأة وعملها ووووو............. ...........................والله المستعان

[مريم الصابرة]

السلام عليكم الصراحة انا ضد الفكرة لكن كاين امور الله غالب مثلا في حالتي مريضة بزاف وما نقدرش للحافلات لو عندي دراهم نشري سيارة عندي رخصة سياقة عندها بزاف وان ضد الفكرة نتاع مرة تسوق لكن زمان درتو لما كنت نقرا ولكن مازال ما سفتش بيه لو عندي دراهم نشري سيارة لانو مريضة ونحتاجها نتنقل بيها لكن لو كتب ربي زوجي عندو ما نسوقش اكيد شكرا

[السي محمد]

ما تخدم

ما تخرج

ما تركب الباص

ماتركب طاكسي

ما تسوق سيارة



كي تحب تخرج تخرج معايا أنا زوجها

و نروحو وين تحب هي..... إذا عندي الوقت

ووين نحب انا .........إذا الوقت قصير

انتهى .


و المشكل هذا سببه ( الطحين)

من الذين اعطو الحرية لزوجاتهم و بناتهم في الدخول و الخروج و السفر

[staifia]

خليكم واقعيين شوي ......
القيادة من جهة مليحة ومن جهة مش مليحة ...
الوحدة كي تكون مثلا خدامة وتكون عندها سيارة وين راه المشكل تكون في سيارتها محترمة ولا تتمرمد في الحافلات و المحطات .. واحد يدز فيها و لوخر يقعد قدامها ...؟.؟
ومن جهة ضرك رجعوا البنات يتباهاو ويا سبحان الله تتعمد تتوقف قدام جماعة تاع رجال حتى تلفت الانظار هادي صح مش مليحة
وربي يهدينا ,,,,,

[BAROUD]

اول شيء اهديه لزوجتي ان شاء الله

سيارة رباعية الدفع

[آلاء النايلية]

في رايي مدام خلاها أصلا تخرج عادي يخليها تقود السيارة والا عدم تركها لقيادة السيارة يعود اسمه غيرة و أنانية....

[soso sirin]

انا وحدا من الناس ضد فكرة انو المراة تسوق الطونوبيل الا في الحالات الخاصة و هذا ماشي معنتها انو ماديرش البارمي اذا قادرة ديرو لانو الدنيا هاذي مكانش الي يعرف واش راح يصرا غدوة و اذا هو قدر يعلمها هو تسوق لانو الواحد كي يتعلم اي حاجة راهي فايدة ليه.المشكل كي تولي المراة تسوق الطونوبيل و هي في الطريق بلاك يصرالها مشكل تحبسلها كيفاش رايحة دير الاولى تعيط لراجل يا اما خوها و لا راجلها و شوفي الهدرة الي تديها على راسها .زيديلها اختي والله كاين شي رجال التربية في جهة و هوما في جهة تفوت عليهم مراة في الطونوبيل يولو في الهدرة العيانة و بلاك توصل حتا للسب و مانهدروش على كي يلعبها عليها و يولي يجيني فيها في الطريق و بلاك من الهبال تصرا اكسيدون و نولو في حاجة وخدخرى .و كاين شي نسا كي تولي تسوق بعديلها كامل من الطريق تولي ناسية روحها بلي مراة تكون مريحة تبانلها الخرجة تولي تخرج و تزيد تبعد .و الله السوقة انا ماجينيش تاع مراة مي تاني الراجل لازم يقيمها ماشي كي تولي تقولو خرجني و لا باغية نروح للبلاصة الفلانية حتى يكرها في الخرجة و مرات هو يقلها ايا نخرجو بلا هي مادوموندي معنتها شوية منها و شوية منو .و اذا كانت خدامة يوصلها و يجيبها باه يريحها من الميزيرية تاع النقل و مايقلهاش ماعنديش الوقت لانو تم هي اذا دوموندات باه دير البارمي عندها الصح . والله المراة كي تريح قدام خوها و لا راجلها و هو يسوق الا مليح تاع الصح سوغتو لوحدا كيما انا عندي فوبيا من الطرقان و زاد نبغي نتفرج كي نولي نتمشى في الطريق نبغي نتبرونشا مع كلشي

[karimblida]

شحال مليحة.......كي نتكا من لهيه و مرتي تسوق بيا ب دوزيام مع العشوة في الربيع .....حااااااالة

[jackin]

اخطونا من هذا الكلام .............
يلعنها هاذي الدراهم والمادة
التي نجرو وراها وكاننا في دنيا مادة
ونسينا اننا في دنيا اختبار
للفوز بالجنان
او مصيرنا العذاب في النار ...................
الانتورع ابدا من اجل ديننا ؟؟؟
.....................خروج المرأة وعملها
ووووو............. ...........................والله المستعان

[sarl02]

لست ضد فكرة قيادة المراة للسيارة ..لكن بشروط وفي حدود ....يعني ماشي تنفحلها تنوض الطوموبيل واتقولك راني رايحة اندير شوبينغ وانجي وباذن الله سوف اعلمها بنفسي السياقة.

[youzarsife]

المشاركة الأصلية كتبت بواسطة السي محمد

ما تخدم

ما تخرج

ما تركب الباص

ماتركب طاكسي

ما تسوق سيارة



كي تحب تخرج تخرج معايا أنا زوجها

و نروحو وين تحب هي..... إذا عندي الوقت

ووين نحب انا .........إذا الوقت قصير

انتهى .


و المشكل هذا سببه ( الطحين)

من الذين اعطو الحرية لزوجاتهم و بناتهم في الدخول و الخروج و السفر

.........................

[الزبرجد]

المشاركة الأصلية كتبت بواسطة sihem30

ما فهمتش لحد الساعة وعلاش الرجل ما يحبش زوجته ان تقود السيارة ؟؟؟؟؟؟؟ يمال تركب في الباصات و حافلات النقل افضل ليها ؟؟ و افضل سترة ؟؟
يعني هل هذا راجع لجهل الرجل ؟؟ و لا تسلطا منه ؟؟؟ وكيفاش هو يحب يكون مرتاح و يخرج من داروا مرتاح و يولي العشية مرتاح و يقبل على مرتو تحكم التاكسيات و تركب في الباصات او تستنى راجلها باش يجي و يلحقها العشية في الليل باش تفري شغلها حتى هو يخرج مالخدمة ؟؟؟ و يلا كانت حالة طارئة تقعد تستناه ؟؟
مازال مافهمتش هل هذا من الجهل ؟؟؟ ولا عدم الثقة في المرأة ؟؟؟ و باش تقولولي تخافو على نساكم هادي ماكاش منها لوكان تخاف عليها تخليها تسوق السيارة باش تضمن بلي راهي مرتاحة و واحد ما يقلقها ؟؟ الخوف كي تكون راكبة حافلة الي جا و الي راح يقلقها ضف الى هذا الاختلاط او السيارة و المضايقات الي تحس بيهم و عدم الارتياح و الراحة ؟؟
و زيد حاجة ؟ اذا ما تثيقش في مرتك ما تتزوجش بيها . ؟
يلا راكم حابين تكونو كيما السعوديين الي حرموا على المرأة ان تقود السيارة ؟؟ و منعو عليها هاد الشي ؟؟ راكو غالطين على خاطر المرأة السعودية متوفر لها كل شيئ ؟ يعني الي زار السعودية راهو يقدر يجاولب ؟ كل حاجة قدامها ما تشقاش تحوس على حاجتها بعيد المستشفى قدامها ... المارشي قدامها .... المدارس و الجامعات و و و .. قدامها .... كلش قدامها ؟؟ غير و يلا اهلها برك بعاد عليها هاديك الله غالب ؟؟ و زيد راني ضد منع المرأة انها ما تسوقش السيارة ..
قنعووووني برك يلا قدرتوو ...

لو سألتني زوجتي هذا السؤال سأقول :

السيارة فيها بنزين و زيوت و الواح فرامل و عجلات ووووو الكثير من المصاريف

لذلك الأحمرة أفضل ....و لها كامل الحرية في اختيار لون و جنس الحمار و حتى ليزوبسيو

اللهم اني صائم