أبي يرفض شراء سيارة لي

[مشكلتي]

المشكل الذي يتعب نفسيتي أني أريد شراء سيارة أحتاجها في عملي و كوني أدرس فس الجامعة أيضا
لكن بابا موش حابني نشريها يقولي مزالكي صغيرة و انا عمري 25 سنة ؟
قولولي كيفاش فهمو بلي الطفلة نتاع البارح راهي كبرت و عملي و جامعتي بينهم مسافة معتبرة

دي فو يقولي نرمالمون طفلة ماتسوقش طموبيل دبرو عليا

[« أبْجَدِيَّاتْ »]

السَّلاَم عَليكُم وَ رحمةُ الله ،
أختي بَابَاك مُمكن رَاه خَايف عليك تديري سيَّارة و توليِّ تغترّي ببعض البنَات الليِّ عندهم سيَّارات و يستغلُّوهَا في أشيَاء أخرىَ غَيرَ الذَّهاب إلىَ العَمل و الدِّراسَة . معليشْ عاودِي اقتَرحي عَليه و قُوليلُو المسَافَة بعِيدَة وأنا مَا نحّبش مثلاً نختلِط معَ النَّاس في الحافِلة ، خاصَّةً الرِّجَال و الشَّبَابْ ، و ولِّيت نخَاف نحكَم تَاكسي نتيجَةً للمُضَايقاتْ . فإذَا خلاَّك تشري سيَّارة أوعدِيه أنَّك رح تستَعمليهَا غير كي تحتَاجيهَا باش تروحي للخدمَة أو الجَامِعَة . أمَّا إذا هدرتي معَاه و رفض مرَّة أخرىَ ، مَاعندك مَا تدِيري ، طِيعِي بابَاك ومَا تزعفيشْ منُّو و ديري في بالك ديمَا أنُّو راه حابلك الخير . ربيِّ يوفقك في عملِك و دراسَتِك انْ شاءالله .

[lola-lola]

خودي راي باباك......شوفي حتى تولي عمرك 60 سنة باباك ديما يشوفك صغيرة ويخاف عليك بزااااف خودي رضايتو رضا الوالدين هو الصح

[ام ايمان16]

والدك اكيد خايف عليك وانتي زيدي حاولي معاه واشرحيلو مليح الاسباب لي خلاتك تحوسي تشري سيارة ...واذا وافق انك تشري سيارة اللهم بارك ماوفقكش هذا والدك وهو اكيد يعرف احسن منك

[نور اليقين جيداء]

حاولي معاه و بابك يعرف خير منك
و حاولي تكسبي رضاه خير من كل شيئ

[Crazy lazy Girl]

ههه انا بابا قالتلو ختي اشريلي طوموبيل ماحبش مالا عادت كل يوم تنوضو في الصباح يديها ويجيبها بحجة انو قرايتها بعيدة مع الاخير استسلم و شرالها في ضرف سمانة

[koupkoup]

خخخخخخخخخخ ولماش خدمو الكوس
ختي او عفوا استاذة جابلي ربي هدا ماشي مشكل عويص يحتاج الى خبراء و مفكرين
إن شاء الله يشريهالك وادا مشراهاش اتكلي على روحك ياك راكي خدامة والله يعونك

[الواثق]

المشكلة ليست في الصغر او الكبر ..................فانت كبيرة ففكري جيدا في حيثيات ان مرأة تسوق سيارة وتسافر بها .........................والله اعلم

[Z.mberak]

السلام وعليكم

كانت مشكلتي في زمان ...........ولكن ( باين باباك يحبك و يخاف عليك) وخظوي راي والديك أحسن لك

[صُبح الأندلس]

صراحة لا أراها مشكلة لأن السيارة ليست من الضروريات مع توفر وسائل النقل

[مناد بوفلجة]

لازمك تفهمي papa بلي راكي تعرفي تسوقي السيارة

لازمك تطيعي أبيك

و تدي دعوة الخير

مشات و جات

هو
أبيك

و يبقى

أبيك

ديما هو لكبير

و أنتي الصغيرة

[أم محمد و آيه]

شوفي ديري كيفي ههه

ساعفيه و خلاص كي يشوفك لازتلو وتحبيه وديري على كلامو وحاجة للي يطلبها تقضيها

هو بروحو يجيبلك المفتاح .....

الله يسهلك

[nina.16]

اختي يمكن خاف عليك
انا عندي 18 ستة شراولي سيارة
واليوم ماشاء الله نروح للجامعه فيها
لكن انا السيارة كانت وسيلة ضرورية لان المدرسة العليا حيث ادرس لا تتوفر على حافلات نقل الطلبة

[faty05]

عادي
يعود يوصلك هو و تتهناي
و لا اخدمي نتي عليها وشريها بسواردك

[قابضة على الجمر]

احمدو ربي كي عندكم صوارد تشريو سيارة