بوقالات

[أحلام]

مر من هنا كل ليلة ولك مني أحلى بوقالات
همتكم معانا اللي عندو يزيدلنا

بسم الله بديت وعلى النبي صليت
نويت عليك يا فلان وليد فلانة نربط وننوي
(أربط وأنوي)

1- ماني قادر نخمم ماني قادر نبوح، اليد مقيدة والقلب مجروح, عاوني يا مرجع الروح.

2- وجهي مرسوم عليه بسمة والقلب فيه ألف كية وكية، نخسر عليك غير كلمة لا باس ونغلب العديان بالنية.

3-واش من هدرة تريحني؟ واش من حيلة تنفعني معاك فنان تعرف كي تجرحني وتتماطل كي نطلب دواك.

4-راني مقنوط وضاقت عليا الأحوال وتبدلت الدنيا، غير البارح كنا لاباس، ضحكت ليا الدنيا المشرارة اللي جامي ادير مزية.

أنتظروا المزيد غدا ان شاء الله....

[شذى القرآن]

1- ماني قادر نخمم ماني قادر نبوح، اليد مقيدة والقلب مجروح, عاوني يا مرجع الروح
نويتها عليك احلام يا ملاك

[djazyaa]

يعطيك الصحة نويت رقم ثلاثة و نزيدك منعندى
1.يدى فى يد خوياو يد خويا بالحنة اليوم سعدو و غدوا انا نتهنى
2.قلبى مهموم ما لقيت لمن نحكيه حكيتو للبنات عايرونى بيه
3.وحق راكب الناقة و حب التسبيح لى يفارق حبيبه كل عظم منو يصيح
4.لالا يا من والى يا عرجون الدوالى سبع ايام و سبع ليالى ما دقت نعمة و ما تحلالى ما عرفت
الا من عشقى و يلا من هبالى
5.هبطت للشط نجرى جات الموجة فى حجرى قالت لى اصبرى حتى يطلع النهار و يفرج ربى
6.طلبت الله صبت النجوم دايرين بسيدى رسول الله صلى الله عليه و سلم كل نجمة تقول الغالب هو الله حد ما يدى غير ما عطاه الله

[aniss_kattou]

مع اني لا اعرف كلمة بوقالات بصح حاب نشارك يعني نلعب و الا انصمط ههههههههههههه

[أحلام]

الله يسلمك أمينة
واعرة هذ البوقالة هههههههههههههههه
يعطيك الصحة جازية الله يخليك
أنيس اللعبة ساهلة
عليك برك قبل ما تقرأ البوقالة تعقد شيئ من ملابسك وتنويها على شخص معين
وتقرأ الفال...

[MOH]

1- ماني قادر نخمم ماني قادر نبوح، اليد مقيدة والقلب مجروح, عاوني يا مرجع الروح.
هذي صح , مشكورة يا لاخت احلام

[أحلام]

ويعطيك الصحة على المرور

[أحلام]

5- تحبني ولا ماتحبنيش والله أنا مايهمنيش، معاك العمر، معاك الروح اللي بيها انعيش
وليت عندي سلطان ومالك من الملوك...

6- لالا راك غالط في العنوان أنا من بنات النبي العربي غالي الشان لو كان تقطع ليا سبع بحور بالذهب والجاه ترجع بخيبتك مهزوم وعطشان...

7-اذا وصفوا زينك ما يكملوش واذا ذكروا فعايلك ايطولوا، اذا بنتي يهناو وما ينغبنوش واذا غبتي عليهم يتهولو...

8-صبرت بزاف وربي ما فيه غير الخير، عاقل وحنين وتحب المليحة للغير،اذا ربي عطاك العدو ما عندو ما يدير...

انتظر تعليقاتكم(على من نويتوا واذا خرجت... على الأقل اذا خرجت) وانتظروا المزيد ان شاء الله

[djazyaa]

نويت رقم ثمانية شكرا لك و صح فطورك

[أحلام]

الله يسلمك وانت زادة

9-ما تركع ما اطيح ما تخليهمش يشوفوك مهزوم وديلهم الدالة وردلهم الكية، اذا استشفاو الدنيا دوارة والموعد معلوم، غير الجبال اللي ما يتلاقاو

10-وردة معطرة بين الورود ربي خلقها والملايكة شهود، حشامة وبنت ناس وتخاف المعبود يا رب اجعلها ليا

11-أنا راني عيت وبزاف عليا، الغربة رشاتني واللي والفتو بعيد عليا وشحال جرحتيني بأوهامك يا دنيا.

12- راني نشم في ريحة الحباب شغل بخور مكة شغل عنبر شغل مسك، يا رب سقملي سعدي وافتحلي ديك السكة

13- يا اللي قاعدة في الرياص والقرقر حداك في الليل نتفكرك وفي النهار نترجاك قلبي حصل عندك وروحي تتمناك.

14-يا لالاتي فاطمة يا لالاتي فطوم نشد في البحر وفي السماء سلوم وعليك لالاتي ندخل بلاد الروم...

[أحلام]

15-انت بحر أنا حوتة فيك، انت جنان أنا وردة فيك، انت تحبني وأنا نموت عليك

16-لو كان جا السعد ينغرس بالعود نغرس مئة عود وعود في وطية وحدة يا سقام السعد سقملي سعدي قاع الناس بحبيبها وغير أنا غريبة وحدي...

17-الحوت في البحر عوام تلقاه في لعبو شاطر وطير الحد حوام في السماء يسعد سعد القداو وبيه يسعد الخاطر...

18-أنا وردة في الكأس ما عندي حاجة في كلام الناس.

[أحلام]

على ما يبدو الموضوع لا يهم أحد.

[MOH]

راني هنا هذي الي قاضتك قوليلي بركي وانا علاه راني قاعد هنا قباه نزهوا رواحنا
ونويت رقم
10: الي ما خلاش
وردة معطرة بين الورود ربي خلقها والملايكة شهود، حشامة وبنت ناس وتخاف المعبود يا رب اجعلها ليا ahlem_angel
تجيبي قجديد يا

[أحلام]

يعطيك الصحة محمد
الله يخليك

[MOH]

و يخليك لينا