لماذا كل هذا الحب و الإحترام للرئيس عبد العزيز بوتفليقة

[aminesadi]

المشاركة الأصلية كتبت بواسطة عُضو مُحترم

ههههه يغيضني ولد بلادي كي نلقاه يخمم هكذا

يكذبو عليه و يصدّق الكذبة

قال سكنات قال

يعطيك فيها من جيبو

بناها من رزق باباه و اعطاها للشعب؟؟؟

ياو هذا حقكم يا ناس افهموا

حتى واحد ماداير فيكم مزية



و قاللك العشرية السوداء

العشرية السوادء اخرجك منها نفس الذين ادخلوك فيها

الجنرالات اولاد فرنسا

بعدما حققوا كل اهدافهم

و جعلوا الشعب يخاف من ظله

اما بوتفليقة خُضرة فوق طعام

ولا يملك من الامر شيئا

ولا تغُرك الخطابات و الكلمات الرنانة

هو بذاتو قالها طاب جناني


فيقو يا ولاد بلادي


فيقو الجزاير راها تمشي للهاوية


بفضل برنامج فخامته

==================

لصاحب الموضوع


لا تتكلم نيابة على الشعب الجزائري يرحم والديك

تكلم عن نفسك فقط

فانت لا تُمثلني و لا تُمثل الشعب الجزائري جميعا

و لا بوتفليقة نفسه يحق له تمثيلي لانه في نظري فاقد للشرعية

==========

و لا داعي لتزوير التاريخ

--------------------------------------------------------------------
حرام عليك تقول هذا الهدرة
رضا الناس غاية لا تدرك
نتوما قاع يحكمكم ابو بكر الصديق ولا عمر بن الخطاب رضي الله عنهما تهدرو فيه
ياو مكانش بنادم بدون سلبيات
الرسول وما ادراك ما الرسول عليه الصلاة والسلام كان له معارضين
والرئيس تاعنا دار حوايج ملاح
نقولهم هو دار فائض في ميزانية الدولة يقولولي علاه دارها من جيبو ياك دارها من دراهم البترول والشعب
وانا نقولكم علاه كيككان بومدين وزروال مكانش البترول علاش الميزانية عرفت انتعاش غير في عهدة بوتفليقة
بوتفليقة راهم دايرين بيه ولاد الحرام هوما مشوهين السمعة والصورة تاعه امام الشعب ومع ذلك الشعب الجزائري يحبه
ومن لا يحبه فهو ناكر للخير ليس إلا وربي راه حافظه والله يطول في عمره