الجارية الطبق الرئيسي في رمضان ....
المكونات :
فريك
لحم (( حتى تجيك بنينة ديري الضلوع ))
زيت
حبة بصلة
3 سنات ثوم
حبة طمطام
حبة جزر صغيرة (( اذا كان كبيرة ديري نصف ))
حبة صغير كورجيت (( اذا كانت كبيرة ديري نصف ))
فلفل اسود
قرفة
مسكنجبير
ملح
طماطم مصبرة
كسبر أخضر
الطريقة:
في قدر ديري الزيت و قطع اللحم و رابي البصلة و زيدي كرازي الثومة و رابي حبة الطمطام و زيدي
ثاني رابي الجزر رقيق و الكورجيت ثاني رابيها رقيق و قطعي الكسبر رقيق و زيدي الطماطم المصبرة
حنا نديرو اربع مغارف أكل لانو نحبوها حمراء و من بعد زيدي الفلفل الاسود و شوية قرفة و شوية
مسكنجبير و خلي هاذ المقادير على نار هادية وحد الحمس دقائق او اكثر حتى يتقلاو مليح و يدخلوا
في بعضاهم بعدها لوحي الماء من بعد كي يعود الماء يتقالب يعني يغلي لوحي الفريك بالنسبة
لعايلتنا نديروا مغرف لوش مليانة تجي قدقد و حتى نساعدكم كل مغرف اكل لفرد واحد يعني اربع افراد
ديري اربع مغارف اكل فريك و غطي القدر و خليها ساعة قدقد تلقي للحم طاب و الفريك طاب كي تتأكدي
أنو الفريك طاب ما تغلقيش النار اذا عندك كانون فيه النار قوية حطي القدر فيها و خليه يتقالب اكثر من خمس
دقايق تعرفوا علاه باش ما يجيكش الماء مفصول على الفريك كي تقوي النار في الاخير المكونات
تدخل في بعضاها و تجي المرقة عاقدة و هذي في أي مرقة مش غير الجاريةو بالصحة و الهناء نتمنى
عجبكم الطبق ما تخافوش راني رايحة نصورلكم الجارية تاعي تشوفوها بالصور من بعد ان شاء الله
( تقرير عن مشاركة سيئة )، و الموجودة أسفل كل مشاركة .
2012-06-28, 13:00
العرض العادي
