مغامرااااااااااتي مع تعلم الطبخ...حابة نتعلم منك..شكراااا

[*ام رامي*]

هههههههههههههههههههههه قتلتيني بالضحك
المرة الجاية تصلح لك الكسرة معليش ما تبكيش
انا مازلت نقلبها هي والمطلوع بالفرشيطة نخاف نتحرق
وساعات كي نجي نقلبها تتقلب وتروح تجري تطيح في الارض
يعطيك الصحة راكي فحلة وشوية وشوية توصلي للقمة
واصلي

[/زهرة عصفور الجنة/]

يعطيك الصحة أنصحك مرة أخرى لما تطيبي ديري حاجة بحاجة مثلا كنت قادرة تنتظري نضوج الدجاج باش تروحي للكسرة باش تنجحي مرة أخرى

[قوية بايماني]

اختي يعطيك الصحة وردي بالك طيحي المورال لروحك
شوفي نصيحة باش متتقسملكش الكسرة متكبريهاش بزاف ديريها دوايرة صغيرة تتقلبلك بلخف
والغراتان ديريلو اليمينيوم وكي يطيب نحي الاليمينيوم وخليه يتحمر
نزيدلك غراتان لذيذ وسهل واقتصادي يحمرلك وجهك مع راجلك الراجل يحب المرا الي تصنعلو حاجة من والو
3حبات بطاطا سكرفجيهم وقليهم في ملعقة زبدة 3دقائق
3حبات جزر سكرفجيهم*رابيهم* وقليهم تان في ملعقة زبدة دقائق
وحكمي كاس حليب 4 حبات بيض وشوووووووووووية خميرة الحلوة باش تضمني يطيبلك بلخف ملح فلفل اسود وخلطي الخليط مليح وظيفي عليه البطاطا والجزر الي قليتيهم الا عندك جبن مثلثات دري ودخليها للفور حتى تنشف ويطيب والله هااااااايل اختي جربيه ومتندميش

[mimi jiji]

اجمل موضوع اعجبني
المهم انا اليوم كنت وحدي فالدار درت الكسرة مى واش نقولك واحد الكسرة وحدة خشييييينة وحدة رقييييييييييييييقة حطيتها
فالطاجين وقاعدة نشوف في صباح الخير ياعرب والله تشوفي هذيك الكسرة كحلة ماتعرفيهاش المهم ماعليش محاولة جيد ودرت شوربة فريك صافا مليحة بصح لحد الان ماضقتهاش مانعرف علاه
يعطيك الصحة اختي وبرك الله فيك وشوي بشوي تتعلمي
نسيت نقولك انا نقلب الكسرة بالمنشفة نخاف نتحرق هههه

[قطيطوشة]

راكي فحلة اختي مالغري تغلطي بصح راكي تحاولي ولي يغلط هو لي يتعلم
ولي يفشل يبقا ديما مايعرف والو
واصلي اختي وربي يوفقك و في انتظار الدرس الجاي هههه ان شاء الله

[/زهرة عصفور الجنة/]

مرة أخرى كي طيبو ما تلهاوش بالتلفاز

[mimi jiji]

المشاركة الأصلية كتبت بواسطة منى2004

مرة أخرى كي طيبو ما تلهاوش بالتلفاز

راكي تمعني عليا ههههههههههههههه

[/زهرة عصفور الجنة/]

الأخت سنوم ثان حرقت الديول كي كانت تتفرج

[مسعودي خولة]

ههههههههههههههههههههه والله يا اختي جبتيلنا الضحك من كوزينتك بالصح يعطيك الصحة والله شاطرة تاع الصح كون انا نتفنين باه نطيب حاجة نصيحة بالنسبة للكسرة صغريهم كيما قالتلك اختنا قوية بايماني وكي تلوحيها ونقلبيها ما تحطيش عليها حتى حاجة حتى طيب ومنبعد حطي كاش حاجة ثقيلة با تحمارلك من كل جيهة والكسرة مانفدغيهاش باه ماتتلوطش وجيك مليح
حبيبتي سنوم راني نستنى في الدرس الثالث ههههههههههههههههه

[mimi jiji]

المشاركة الأصلية كتبت بواسطة منى2004

الأخت سنوم ثان حرقت الديول كي كانت تتفرج

هههههههههههه رانا كامل كيفكيف مدينا الزف تاع التلفزيون هههه

[kadikirou]

معليش هاذي التالية gratin راه يشبه mais الكسرة ربي يخلف تقول عليك دايرة كسرة تاع شخشوخة هاد الرابط ممكن يساعدك
https://www.djelfa.info/vb/showthread.php?t=592465 و ماتخميش رانا كل ساعة تصلح و ساعة لا واصلي و ماتفشليش

[faizarbh]

راكي جايبتها ما تخميش و رانا كامل نغلطوا انا تاني ساعات ندير حاجة و ما تصلحش يقولي بابا راكي تتعلمينا فينا باش كي تولي بدارك تولي تعرفي كل شيء قالي و احنا درتينا للتجربة هههههههههه و ماما مالقري ندير حاجة مليحة بصح تقولي ما زلتي ما تعرفي اديري والو هههههههههه مالقري نعرف بصح ما تحبش تبينلي باش ما نتفنينش و ندير القلب و نوريلها اللي انا نعرف نخدم و بابا مسكين دايما يشكر فيا الحاجة اللي نديرها يقول لكامل الناس عليها ههههههههههههه ماما تقولو راك تحللها في العينين دوك ما تولي ادير والو و اتقول خلاص راني شاطرة و نعرف كل شيء بصح فاتو عليا بزاف مراحل كنت نبهدل بالماكلة لكن الحمدلله تعلمت و دوكا راني قليل وين نخسر الحاجة

[*سماح 94*]

المشاركة الأصلية كتبت بواسطة faizarbh

راكي جايبتها ما تخميش و رانا كامل نغلطوا انا تاني ساعات ندير حاجة و ما تصلحش يقولي بابا راكي تتعلمينا فينا باش كي تولي بدارك تولي تعرفي كل شيء قالي و احنا درتينا للتجربة هههههههههه و ماما مالقري ندير حاجة مليحة بصح تقولي ما زلتي ما تعرفي اديري والو هههههههههه مالقري نعرف بصح ما تحبش تبينلي باش ما نتفنينش و ندير القلب و نوريلها اللي انا نعرف نخدم و بابا مسكين دايما يشكر فيا الحاجة اللي نديرها يقول لكامل الناس عليها ههههههههههههه ماما تقولو راك تحللها في العينين دوك ما تولي ادير والو و اتقول خلاص راني شاطرة و نعرف كل شيء بصح فاتو عليا بزاف مراحل كنت نبهدل بالماكلة لكن الحمدلله تعلمت و دوكا راني قليل وين نخسر الحاجة

ههههههههههه سياسة ماما نفس سيلسة ماماك
معليش الانتقاد البناء خير من الشكير بلا فايدة هههه

[souma.f]

يا اختي يعطيك الصحة على روحك العالية المراة الفحلة هي اللي يكون قلبها حار تخدم و تعاود حتى تصلحلها الحاجة اللي تديرها
و باين بلي راح تكوني سيدة بيت ممتازة ان شاء الله
حبيت نقولك أنا كي بديت نتعلم ندير الكسرة ماما تقولي بللي يديك بماء بارد و قلبي الكسرة باه ماتتحرقيش و ضرك والفت نقلبها بيدي ولا بالموس راهي قضية وقت برك و تتعلمي يا الفحلة

[سنوم 33]

المشاركة الأصلية كتبت بواسطة *ام رامي*

هههههههههههههههههههههه قتلتيني بالضحك
المرة الجاية تصلح لك الكسرة معليش ما تبكيش
انا مازلت نقلبها هي والمطلوع بالفرشيطة نخاف نتحرق
وساعات كي نجي نقلبها تتقلب وتروح تجري تطيح في الارض
يعطيك الصحة راكي فحلة وشوية وشوية توصلي للقمة
واصلي

شكراااااااااااااااا...راك طلعتيلي المورااااااااال