الجزء90 من واش طيبتي اليوم **مبارك علينا الشهر الفضيل**

[طالبة الجامعة]

السلام عليكم ادعولي باش نتحصل على وظيفة في التعليم

[ilbeldelmondo]

طالبة ان كانت قدراتك تسمح و عند الإرادة في نقل الرسالة فليوفقك الله

[fadoula fcb]

صباح الخير لبنات راني تعبانه قراجمي وعيني صبحت منفخه راني في حاله واااااااااااااااااع

[nawel zed]

صباح الخير عليكم ان شاء الله فوتوا نهار امس على خير
ربي يتقبل ان شاء الله
انا جاني طوييييييييييل زعمة خرجت خدمت رجعت رتحت شوي درت شوي تلباز والواااا ما جات تجي 20h حتى فنييييت هههه زادت عليا la grippe و les engines راسي تحل من العطيس مليت من الدواء كاش ما ندير انصحوني
شفت طياباتكم ربي يبارك يهبلوا و الهااام عاد ما خالاتش فياااا زيد ما سحرتش فاتنا قلبي فسخ عليا هههههههههه
جبتلكم واش طيبت البارح لكن مش كلش تعرفوهم
درنا شوربة فريك +مرقة حلوة+بوراك+سلاطة خيار و طماطم+بطاطا بالكرام فراش تاع لهومة دلاع و جربت قلب اللوز وااااااااااااااااااو نجحت اخيراا
درت سميد متوسط مالقيتش لكن كي نحي الحبات ما يجيونيش كاملين علاااااااااااه؟؟؟؟

ربي يعينكم حبيباتي حنا الخير تاع امس كل كيما راااه ما كليناش شربنا الماء و كلينا دلاع كاش ما نزيدو حاجة برك

[samira illizi]

وصفات رايعة و ربي يعيشلك وليدك و يكبرو ف طاعتو امين يا رب

[ام لقمان02]

صباح الانوار
رمصان مبارك للجميع

اخت ام اسلام اية مبروك الكوزينة وان شاء الله مربوح علي الجميع

[saja safia]

صباح الخير يالبنات
عندي فلان نوارة دوق شوكولا وفراز
حابة نعمل فلان الطبقات، ممكن تعطوني وصفة مليحة
ليهم

[x ام رحاب x]

السلام عليكم ورحمة الله وبركاته
مبروك الكوزينة الي جات مع الشهر الفضيل حبيبتي اسلام اية ويجعلها مباركة عليك وعلينا
وصحة رمضانكم الجميع حبيباتي راني توحشتكم موووووووووووووووووووت والله عالم خروجي من المنتدى كان صعيب عليا بزاف ونسلم عليكم كامل حبيباتي نبدى بالسلام للحبيببة ام رياض الي كل يوم تسقسي عليا نشكرها بزاف ونقوللها انت الاخت الي ماجابتهاليش امي ونسلم على حبوبتي ليزا وانقولك مبروك على امنصف وانشاء الله تشوفيه اعريس انشاء الله وانبارك لدائمة الحمد على اسينات الحمد لله الي سلكلك بنتك ويتربى في عزكم المولود وانسلم على حبيبتي ام يسرى وانقوللكم توحشتكم بزاف ام تاج وام ماجد ونوال وكل الحاضرات ماتزعفوش عليا الي ما ادكرتش اسمها وكل عام وانتم بالف خير وقبل ما ننسى انقولكم انو بنتي جابت الشهادة االتعليم المتوسط ولعقوبة لبنتي الكبرى اجيب الباكالوريا انشاء الله

[أم محمد تاج]

صبااحووووووو ياغاليات ونهاركم مبروووك يارب
روووووووووعة واش حطيتووو الله يبارك ويزيد.
لهاليبووووو اوووو مكسرة الدنيا الله يبارك حنا خبز الدار نديروه غير بالسميد وتاع الفرينة عرفتو غير من المنتدى والتارت المربعة تحفففففففففففففففففة تسلم الايادي
سهى طريقة طي الديول على شكل سمبوسك راهي على ظهر باكي الديووول واذا غابتلك خلالالالاص ديري في اليوتيوب ضرك ينعتولك بالتفصيل الممل
عطووووورة شاركي برك وماتخافيييش وراك رgالة هههههههههههههههه

[أم محمد تاج]

ام رحاااااب حنونتي والله فرحت كي شفتك والله دعينالك كامل والف الف مبروووك لبنتك ولعقوووبة لبنتك الباك يارب

[دائمة الحمد]

صباح الخيرات والبركات ويومكن ملئ بالطاعات والعبادات كل الحاضرات والغايبات وراني فرحت بطلتك ام رحاب ومبروك النجاح لعقوبة للباك حاولي تطلي علينا نحبوك ياسر ومن محاسن الصدف فطوري من عندك اليوم هههههههههههه
انا االبارح راح نموت من رجليا بالسطر رجعلي النفخ ماقدرتش ننوض للصبح غاضتني روحي علابالي بيها السخانة تاع نهار امس كانت السبب
ان شاءالله نهار اليوم يكون احسن ياربي قدرنا على عبادتك كما ينغي لعظمتك وجلالك
فطوري جاري وراح نعمل كفتة بالجلبانة والقرنون محشي على طريقة ام رحاب في الفرن ومرقة حلوة وسلاد بلونكات وسلاطة فاريي وسلاد فروي وماتابع
امس للسهرة عملت بنتي قاطو الطبقات بالكريمة والموز بردناه مليح واسحرنا بيه مع الجي والفلون والبطيخ بارد في بارد
كان ماقدرتش نزيد ندخل صحة فطوركم

[أم محمد تاج]

بصحتكم حنونتي دائمة الحمد والله يشفيك ويعافيك يارب ويقويك والله انت مثال للام الطيبة والمرأة الحديدية الله يخليك لوليداتك يارب

[أم محمد تاج]

فطوري كلش صابح والحمد لله علاش التبذييييييير
مالا نروح نقرا قرآن ومبعد نخيط شوي
سلامي للكل حبيباتي

[lyllia30]

السلام عليكم كالعادة محتارة في فطوور اليوم الثاني يا الله قولولنا وش راح تديروو بش نطيب بكري لأنو سخانتنا لا تطاااق

[x ام رحاب x]

شكرا حبيبتي ام تاجو على الدعوة والله ايخليك حبيبتي
دائمة الحمد حبيبتي والله راني متوحشتكم واحد واحد ربي عالم والله يشافيك من كل مكروه يارب ويخليك حبيبتي لكل من يحبك يارب