الجزء 73lن واش طيبتي اليوم كوزينة النجاحات - الصفحة 93

soha1987 · 2014-06-28, 14:22

يالهوي راني شريت ليكتور جديد وكي درت لا كارت ميموار فيه وراح ندخل للميكور مابان والا وكي رديتها للبورتابل مالقيتش الصور كلاهم واااااع شكون تعرف تقولي صورة الصالون وتاني لاغوب كانو فالبورتابل كونت راح نهزهم قسم الدردشة وااااااااااااااع راحولي اعطيوني الحل

" وزني ذهب " · 2014-06-28, 14:26

السلام عليكم ورحمة الله وبركاته

صح غداكم

هذا غدانا كبدة مشوية وفريت وسلطة ودجاج محمر في الكوكوت بطريقة ليزابال ضيفي اليوم لي روح

وهذا لحم وكبدة وفيونداش ودجاج ماصورتوش لرمضان ان شاء الله
" زعمة في رمضان ماناش ناكلو ربي يهدينا ويغفر لنا ويتقبل منا "

حنا غير في زوج نجيب غير كيلو من كل نوع يحكم لي سمانة وكي يخلاص نزيدو نشريو

اللهم بلغنا رمضان

omomnia15 · 2014-06-28, 14:29

صح فطوركم هذا وين كملت البكبوكة وغسلت عرام تع مواعن وبنتي سيقت اف الشغل كامل ميشلاصش ودرت الكرشة 6 حبات عصبان المادنة واش يجيك منهم ههههههه نموتو عليه لا بغا في الصحرا ولعشية ولا غدوة نعمرو وندي وحدة لشيخي وحدة لماما والباقي نفطرو بيه اذا كتب ربي
سها وماري بلا مزية رانى هنا باش نعاونو بعضانا

omomnia15 · 2014-06-28, 14:31

ام سهام بصحتك واشفطرتي
ام رفيدة بصحتو الضيف الكرم تاعك وبصحتكم واش وجتي

مريم* · 2014-06-28, 14:35

رمضان كريم تصومو بالصحة والهنا يا رب

lyzzabel · 2014-06-28, 14:56

صح فطوركم حبيباتي
كيما قلتلكم درت الطعام بالدجاج و الجاجة بعد ما طابت نص طياب عطرتها و دخلتها للفرن و خليت منها شوية للعشا كاشما ندير بيها غراتان بإذن الله و الحمد لله على نعمه حمدا كثيرا طيبا مباركا فيه
هذا الصحن تاع حمايا يعني اخ زوجي ن ع ما يبغيش الكورجات و لخرين تاعي و تاع عجوزتي و شيخي

حبيبات قلبي ربي يخليكم و نشكر كل وحدة اهتمت لحبوبي منصف و بارك الله فيكن على النصائح و جعلها الله في ميزان حسناتكن

سارة الف مبرووووك طهارة ولدك ربي يشفيه شفاءا عاجلا يارب و العقوبا لنهار تفرحي بزواجه اميييين

ام سهام بصحتكم الشكشوكة و السلاطة مممم راهي تشهي

ام رفيدة يعطيك الصحة على إكرام الضيف ربي يتقبل و شكراااا على الثقة حبيبتي

ام أمنية بصحتكم البكبوكة و العصبان وااااااع ما نبغيهمششششش و ربي يخليلك بنياتك ،، ما جاوبتينيش على سؤالي تاع الصباح

ام ملك بصحتك الكسرة و اللبن و بصحتكم الطعام و الجاج مسبقاااا ،، و بصحتها الكوزينة la teinture ههههههه

ام ياسو منصف راه يسيله الدم مالجرح تاع الطهارة و راني خايفة عليه يقولي الطبيب عاوديله les points ،، و يسال عليك الخير يا الغالية

سبحان الله و الحمد لله و لا اله الا الله و الله اكبر و لا حول ولا قوة الا بالله

حبي لأمي · 2014-06-28, 14:58

السلام عليكم
رمضان كريم وكل عام وانتوما بالف خير
ومبروك للناجحين في البيام والعقوبة لاصحاب الباك

حبي لأمي · 2014-06-28, 15:00

الاخت ليزابال مبروك على منصف ان شاء الله تشوفيه عريس وربي يشفيه

soha1987 · 2014-06-28, 15:09

لبنات ايا للصالون راني حطيت شوية صور اجروووووووووووو ايزابال ليدي وكيا والباقي

ام سهام 02 · 2014-06-28, 15:23

ليزا الله الله علي ذاك الطعام مممممم راه يشهييييييييييييييي طبقي المفضل تسلم يداك .
ومنصف كفاش راه اليوم??

عازفة الناي · 2014-06-28, 15:26

ليزا بصحتكم الطعام يشهي و ربي يشفي منصف
ام رفيدا بصحتكم الغداء صحن الكبدة راني كليتو ههههههههههههههههههههه

عازفة الناي · 2014-06-28, 15:30

حبيباتي ادخلوا للصفحة هذي حطيت فيها الاطباق تاع العرضة ان شاء الله تعجبكم هههههههههههههه
والله النت هبلتني
https://www.djelfa.info/vb/showthread.php?t=1618439

أم ملك · 2014-06-28, 15:49

سبحان الله و الحمد لله و لا اله الا الله و الله اكبر و لا حول ولا قوة الا بالله
بصحتكم الطعام اﻷخت ليزا يشهي هايل الله يبارك راكي فحلة و نص
الله يشفي منصف وتشوفيه عريس

أم ياسين الزهراء · 2014-06-28, 16:09

ليزابيل مبروك وربي يشافيه حنونة هكى صرات لوليدي ديريلو الدواء الاحمر وعسيه ماتخافيش

ايمان عجينة الهام مليحة بصح نقصي في الخميرة باش ماتوليش مطلوع هههههههههههههههههه

ام سهام 02 · 2014-06-28, 16:25