جلسات مع orthophoniste لمساعدة ابنك على التكلم

[samaazarkaa]

الله يشافيهم ان شاء الله

[mereyoucef]

اختي ام رجا كي قلتي كلمة صعيب تفكرت واش جوزت صدقيني كلمة صعيب قليلة و راني حاسة بيك لكن ماتنسايش بلي وليدك مازال صغير وقادرة تشفيه انتي صدقيني انا كنت نركزلو في الماكلة غير على الحوت السردين هادي الماكولات كنت نعطيلو المكسرات لاخاطر قريت بلي هي دير الدكاء للاطفال كي نقولك بلي سمحت في الدنيا كلها باش نخدم معاه و الان فقط باش وليت نمشي للاهل ونحضر المناسبات و الحمد لله الان ترتب و يتكلم و يفهم ومام يناقش و يغالب ويقولي ماما انتي ماتفهميش فقط اخدمي معاه و طولي بالك و ديري زعما راكي تلعبي باش يهتم بالعاب انتاع سوفل وعن تجربة ماكانش كيما الصلاة في جوف الليل و الدعاء ربي يسهل

[oum radja]

يعطيك الصحة اختي ربي يعيني عليه على خاطر مسؤولياتي كبيرة
ان شاء الله ربي يستجيب لدعائي ويسهل عليا الامر

[nourfa]

شكرا على الموصوع

[حمـ السلام ـمة]

جزاك الله كل خير غاليتي

[mereyoucef]

حبيبتي ام رجا طمنيني على وليدك حتى لو تبعتيلي على الخاص انا مانقدرش نبعثلك ربي يكون معاك و صح رمضانك

[ga3da asila]

المشاركة الأصلية كتبت بواسطة oum radja

السلام عليكم
راهم بداو يبانو لي عندهم هاذالمشكل مع ولادهم واذا راكم تلاحظو معايا انهم كل ولاد يعني ماكانش هاذ الظاهرة عند البنات؟؟
المهم انا لي راه شاغلي بالي هو قلة التركيز يعني كي يكون مشغول بحاجة مثلا يتفرج و لا يشوف في حاجة يبغي ياكلها و لا يرفدها ما ينتبهش مهما عيطت ومهما ناديت انا هذا لي راه مقلقني

والاورتوفونيست قالتلي مانقدر ندير والو حتى نشوف
p e a تاعه رايحين نديروه هاذ الايام ان شاء الله
وقالتلي علميه le soufle يعني يطفي شمعة او ينفخ بالونة وشريت له هاذيك اللعبة لي فيها الصابون باش يدير فقاعات وراني غير معاه بالصح صعيب الحال شوية
ادعولي ربي يشافيلي ولدي ويكون سليم

يا اختي والله نفس المشكل عدم النطق و قلة التركيز حتى انا لاحظت بلي غير الاولاد الي عندهم المشكل كيفاش الله اعلم

[oum radja]

المشاركة الأصلية كتبت بواسطة mereyoucef

حبيبتي ام رجا طمنيني على وليدك حتى لو تبعتيلي على الخاص انا مانقدرش نبعثلك ربي يكون معاك و صح رمضانك

شكرا اختي على السؤال
ابني مارانيش نديه عند الاورتوفونيست على خاطر قالتلي حتى تجيبي الpea
ومازال ما درناهش لقيت عند كلينيك في وهران بالصح حتى من بعد رمضان
وبغيت نقول انو راه بدا يتحسن شوية كي حبست عليه طيور الجنة وراني نعطيه مربى وعصير الكابويا
وحبست عليه كل حاجة فيها مواد حافظة
والتمارين راني غير معاه مازال ماكاين حتى استجابة الله يعطيني الصبر برك

[ga3da asila]

الاخت ام رجاء pea هدا تاعش بغيت نستفسر انا وليدي درتلو eeg و سكانير

[minay.timida]

slm khti ana 3ndi sahbti khotha wrajl khotha ortophoniste whiya tekhdem m3ahoum ******** ta3houm markaz imtiyaz oued el athmenia edokhli lih balak ysa3douk w rahou yjibouh gana koul smana flindex yjib nasaih nchalah testfadi w ychfih

[oum radja]

المشاركة الأصلية كتبت بواسطة ga3da asila

الاخت ام رجاء pea هدا تاعش بغيت نستفسر انا وليدي درتلو eeg و سكانير

والله ما علابالي اختي

في البرية لي عطاهالي الطبيب المختص يعنيorl
كاتب p e a
service neurophysiologie
وكي حوسنا قالو ماكانش في كل بلاصة كاين واحد في البليدة و لقينا تاني في وهران هاذا اقرب لي

[& هبة الرحمن &]

السلام عليكم ورحمة الله وبركاته
رمضان كريم رزقنا الله حسن صيامه وقيامه
اردت المساعدة ولو بشيء يسير test p e a
etude des potentiels auditifs evoquees
اختبار دراسة الاثار المحتملة للامكانات السمعية يتم فيه تسجيل النشاط الكهربائي لمسارات العصب السمعي في الادن والمخ . (حاولت ترجمتها الى العربية ان شاء الله اكون وفقت )

[& هبة الرحمن &]

انا كذلك ابني كان في عمره ثلاث سنوات ولم يكن ينطق جملة واحدة كل كلامه عبارة عن كلمات قليلة جدااا مثلا يناديني ماما وحتى ابوه يقوله ماما هههه يقولي حبة لكل شيء اراده يعني لا يتكلم كل شيء بالاشارة عرضته على طبيب الاطفا ل سالني ان كان يفهم اذاما اشرت له بشيء ما مثلا اعطني لعبتك اين هي سيارتك ادا امرته بشيء هل ينفذ ........... الاساس هو انه يفهم مادا تقولي له اذا كان كذلك فلا خوف عليه ،
تابعت عند orthophoniste في الخارج قالت لي ربما لانك لا تكلميه كثيرا لذلك هو لم يكون رصيد لغوي ، بدأت باحضار صور بها كلمات وتساله في كل مرة ماهذا قالت لي عليك بالتحدث معه في اي وقت وقت الاكل وقت اللعب وقت النوم وقت الاستحمام ......... حتى وانت تطبخين سمي له كل الاشياء حوله حتى يزيد رصيده اللغوي عليه مخالطة الاطفال في سنه نصحتني بوضعه في garderie لانه يتعلم مع اقرانه اكثر من الكبار ، و التقليل من التلفاز لانه يبقى يستقبل دون ان يشغل مخه ، عنده الان ثمان سنوات الحمد لله حمدا كثيرا يتكلم عادي جداااااا
اتمنى ان تكون تجربتي افادتكم
صحا فطوركم

[oum radja]

يعطيك الصحة اختي و شكرا على الافادة

[حـــــــــــــــــوِيتَة]

ربي يحفظك اختي
نوصي اختي تجربها مع وليدها لدرجة انها تزعف وتقول لاش ما يهدرش ماهوش صغير
نجرب واش قلتي وزيدي اي شي ينفعنا