الجزء 78 من واش طيبتي اليوم سموا بسم الله

[fadoula fcb]

راني ننتظر في كوزينتك بفراغ الصبر ام اية اسلام كل يوم نوري لماما تحضراتك ونحيلها عليكم حنا رانا مع خدام في كوزينة مزال مكملتش

[طالبة الجامعة]

المشاركة الأصلية كتبت بواسطة ام سهام 02

اتفضلي روضة
500غ زبدة طرية + كاس سكر ناعم + 1/4 كاس زيت + 1/2 كاس ميزينة + 1/2 كيس خميرة حلوة + ملح + فانيلا
و نلم بالفرينة حتى نتحصل على عجينة طرية .انقطعها دوائر . نطيبها 15 دقيقة لازم يبقى لونها ابيض كتبرد نلصق كل 2 بكريمة الزبدة .نتركها ترتلح يوم كامل ثم نغطسها في معجون خفيف و نرمدها في النواة كوكو مخلوطة بالكاكاو .

شكرا ام سهام على الوصفة نجربها ونردلك لخبر بصح قوليلي هذ الكمية شحال دير من حبة

[طالبة الجامعة]

المشاركة الأصلية كتبت بواسطة روضة 88

حطولي حطولي وصفة قاطو القطيفة بلاك ندير لاهلي في العيد

منكذبش عليكم في العيد الصغير نخاف من القاطوات نخاف من قاطو القلاصاج على خاطر نخاف ييبس

و نخاف من قاطو الشيكولا لا يذوب و الله راني في دوامة .

سلام عليكم روضة راح نمدلك وصفة تاع القلاصاج جربيها او ماتندميش على ضمانتي
700 غ سكر رطب
بياض بيضة
2 ملاعق اكل ماء الزهر
2ملاعق ماء + ملون
2 ملاعق اكل عصير الليمون
وبعد لمها ضيفيلها ملعقة زيت (وهذا اللي يخليها طرية مة 15 يوم او اكثر)
هي مضمونة واكيدة ياروضة88

[yasmalak]

مرسييي روضة تعيشي ختيتي
و القلاصاج ديري تاع ام رامي كلمة روعة قليلة فيييييييه قدمااا يقعد ما ييبسش
كيلة زيت و كيلة حليب و كيلة ماء زهر و كيلة قارص و لمي بالسكر قلاصي مغربلل و بيانسيير خلطي بمغرف ماشي بباتور

[أم إناس]

صح عشاكم اخواتي. وَبَارِكْ الله فيكم على الدعاء والله يحفضكم
درت بيتزا والحمدولله
حنان القاطو روووعه فحله حنان حنونه







اللهم لا اله الا انت سبحانك ان كنت من الضالمين
سبحان الله والحمدولله ولا اله الا الله والله كبر

[مرام 1987]

اممممممم أم إناس البيتزا تهوووووووس بصحتكم
أم رياض على سلامتك عاش من شاف ردودك منورة الكوزينة بطلتك
أم ماجد لالا روزا ما صغيرة ما والو بركاي من التشراط هههههههه ربي يهنيكالبقية صح عشاواتكم شفت كلشي وجعت ههههههه
النت هبلتني وليت نهدر وحدي
أستغفر الله أستغفر الله أستغفر الله

[مرام 1987]

نسيت عشايا فلفل مقلي والحمد لله
لا إله إلا الله محمدا رسول الله

[طالبة الجامعة]

عشانا puree ان شاء الله

[R I A D]

ام اناس البيتزا ممممم تشهييييي تسلمي

ماري الله يسلمك و ينوّرك و الكوزينة منورة بيك
و بصحتك الفلفل حبيبتي

استغفر الله العظيم و اتوب اليه

[طالبة الجامعة]

أم إناس بصحتك راهي البيتزا تشهي.

[charolize]

يعطيك الصحة ام رياض الغالية صحة عشاك
( بسم الله الذي لا يضر مع اسمه شئ في الأرض ولا في السماء وهو السميع العليم

[الأمنيات]

السلام عليكم
مازال ما دجرت عشايا
يعطيكم الصحة على طيابكم وحلوياتكم

[charolize]

لله يبارك ام اناس على بيتزا ريحة تنطق
اللهم يارب اشفى مرضنا كلهم

[ام سهام 02]

المشاركة الأصلية كتبت بواسطة طالبة الجامعة

شكرا ام سهام على الوصفة نجربها ونردلك لخبر بصح قوليلي هذ الكمية شحال دير من حبة

العفو عزيزتي هذه الحلوة زاكية بالطابع الكبير جاتني 50حبة .

[alison dilaurentis]

//

سسسلآم........

أختي ام ريمة وصفتي تشبه لوصفة الاخت ام سهام تاع القاطو الا تحبي نحطهالك....؟؟؟؟