الجزء 78 من واش طيبتي اليوم سموا بسم الله - الصفحة 77

omomnia15 · 2014-06-18, 10:20

احنا ثاني من عوايدنا نديروه في شعبان نسموها التشعبينية بلاك نديرو والله يستر

2014-06-18, 10:22

ما شاااااااااااااااااااااااااااااء الله سهام تطبيق على السريييييع يسلموووووووووو
ام امنية ربي يخليك ويسهلك الحمل يااااااااااااااارب وقبلت المقايضة امممممممممم على العنب يا سعدكم ههههه
ام رياض ربي يوفق وليدك في امتحانو ياااااااااااااااااااارب والله ما علبالي معذرة يا غالية باذن الله يكون من المتفوقين ياااااارب

اللهم بلغنا رمضان

titina · 2014-06-18, 10:22

صباح الخير لبنات
ماعنديش ياسر ملي جيت من المدرسة
راح ندير بيتزا للغدا ان شاء الله
كنت وجدت عجينة البيتزا وصلصتها قبل مانروح
نزيد شوية ونطيبها

بالصح راني حاصلة في العشا واش نديرو ^^
حبيت نخرج لعشية ونكون متهنية على العشا !!!

اقتباس:

المشاركة الأصلية كتبت بواسطة yasmalak

روضة العجينة ندير كيما موالفة 750 فرينة ب 350 زبدة و زيت وخل و ملح مي الطريقة راني معتامدة تاع الهام بارسكو سااااااااااااااااااااهلة و ما تعييش كيما اليوم درت زوج كيلو ههه و فوق هدا ناجحة بزااااااااف

بسمة الرمااال تعييييشييي ختيتي على المجاملة و مرحبا بيييك هنااا يادرااا واش درتي عشاا اليوم ههه

يعطيك الصحة على العجينة المورقة
ممكن تقولينا شحال درتي زيت وخل ؟

awladi · 2014-06-18, 10:25

ام ماجد يعطيها الصحة روزا والبغريرراه يشهي
ام سهام اممممممممممممممممم الفاكهة الي نحبها اممممممممممممممم جاك روعة

بصحتكم كامل واش حطيتو واش راكم تلبزو الفطور مانديرش عقوبة للولاد الميناج الي درتو راح خسارة
حاجة ماتقعد معاهم نفطرهم دلاع وخلاص
رياض ربي ينجح ولدك وهذاك البريوش تاع البارح لام اماني بريوش بدون بيض و زبدة

حزر فزر واش راني ندير

ام سهام 02 · 2014-06-18, 10:41

و هذا راح نديرو معجون

ام احمد وصال · 2014-06-18, 10:43

صباح الخير عليكم واش راكم ماشاء الله كلشي يشهي جيت فقط نطل نحوس على الاخت سهومة ج ادا دخلت قلها راني نحتاجها ربي يخليكم

ام سهام 02 · 2014-06-18, 10:44

اقتباس:

المشاركة الأصلية كتبت بواسطة awladi

ام ماجد يعطيها الصحة روزا والبغرير

راه يشهي
ام سهام اممممممممممممممممم الفاكهة الي نحبها اممممممممممممممم جاك روعة

بصحتكم كامل واش حطيتو واش راكم تلبزو الفطور مانديرش عقوبة للولاد الميناج الي درتو راح خسارة
حاجة ماتقعد معاهم نفطرهم دلاع وخلاص
رياض ربي ينجح ولدك وهذاك البريوش تاع البارح لام اماني بريوش بدون بيض و زبدة

حزر فزر واش راني ندير

على حساب حب الطيبة راه يبان خبز يا الشاطرة و الله اعلم .

ام سهام 02 · 2014-06-18, 11:30

المعجون وجد

سهومةج · 2014-06-18, 11:56

أماني السلام راني هنا كاش ما تحتاجي

*عاشقة الجنة* · 2014-06-18, 11:59

اقتباس:

المشاركة الأصلية كتبت بواسطة ام سهام 02

مرقة الكسكس البيضا لعاشقة الجنة :
الدجاج + 2 حبات بصل مرابيين + زيت + ملح + فلفل اسود + قسبر غبرة + زنجبير + عود قرفة
ديري كامل يتقلاو لمدة من 10 الى 15 دقيقة ثم ضفي الحمص و الخضر (جزر + كوسة + لفت + بطاطا ) زيدي قلي شوية و ضفي حبة طماطم و غصن كرافس للبنة و مرقي حتى تتغطى الخضرة . كيطيب الدجاج و الخضر انزعي حبة الطماطم و غصن الكرافس
ملاحظة : كي ديري المرقة باللحم خلي اللحم يطيب نص الطياب باه تزيديلوا الخضر . كاين الي يدير غير الجزر و الكوسة بصح انا نحب ندير كامل الخضر .
سمحيلي اذا طولت عليك راني غير مع الضياف .

شكرا شكرا اختي ربي يحفظك و يعطيك ما تتمناي ان شاء الله

ماما عجبتها طريقتك بزاااااف و راهي تسلم عليك

سهومةج · 2014-06-18, 12:04

اماني السلام ادا دخلتي و ما لقيتينيش يعني راجلي راه روح كي يخرج برك نكوناكتي لعشية بعد الخمسة دايما راني معاكم
غدايا بربوشة باللحم هبلني راجلي هبلني بيها كل يومين نديرها انا ناكل اللحم بالكسرة و فقط

أم محمد تاج · 2014-06-18, 12:12

حبيباتي كتبت وصفة المعجووون يالغاليات وطارت راح التريسيتي هذا وين رجع مالا نتغدى درت بيتزا ونرجع نحطلكم يالغاليات
ام ماجد ماشاء الله على روزيتا الله يبارك ويزيد خرجت لامها فحلة الفحلات وسخفت على لغرايف غدوة نشالله نديرهم بالمعجووون الجديد يم يمي
بصحتكم غداواتكم

أم هنيدة · 2014-06-18, 12:23

السلام عليكم ورحمة الله وبركاته

أولا أهنئ جميع الأخوات لي نجحوا اولادهم وربي يوفقهم في حياتهم العلمية المقبلة.
ويعطيكم الصحة كامل على الاطباق الرائعة والله استفدنا منكن ربي يبارك فيكن ويجعلها في ميزان حسناتكن.
وأخواتنا الغايبات ان شاء الله ترجعونا بخير وعلى خير
وهذا عشانا البارح وتطبيق لبطاطا بالكرام فراش لاختي الهام الله يجزيها كل خير كانت البنة هايلة وخفيفة

ام سهام 02 · 2014-06-18, 12:26

اقتباس:

المشاركة الأصلية كتبت بواسطة *عاشقة الجنة*

شكرا شكرا اختي ربي يحفظك و يعطيك ما تتمناي ان شاء الله

ماما عجبتها طريقتك بزاااااف و راهي تسلم عليك

فرحتني بزااااااااااف كعجبت ماماك حنونتي ربي يخاليها لك ويطول في عمرها ويوفقك في دراستك يا رب .
سلامي الحااااااااار اليها

*عاشقة الجنة* · 2014-06-18, 12:29

صباح النواااااار على الحلوات
مشاء الله على طياباتكم رووووووووعة

وااااع غيرتوني بمهرجان المشماش احنا عندنا غير التفاح و الجوز
اما المشماش مكاااااااااانش
كي شفتكم حكمت بابا قتلو دبر راسك بغيت مشماش ضرك بعد
ايا عيط لصاحبو لبارح من نقاوس ... مي قالو خلص

وانا حابة نخدم عصير.......معليش نزيد نصبر حتى نلقاه ههههههههه

غدانا كسرة درتها انا و سباقيتي داراتو ماما

و هذو بعض الصور
شخشوخة الرخساس دارتها ماما وتعلمتها منها
اقتصادية بزااااف بزااااااف خاصة اذا معندكش لحم في البيت
تقدري اديريها غير بطرف شحمة تجي بنينة تهبل

وهذي طمينة تاني هي داراتها هك يحبو بابا ياكلو بالمغرف

وطبقت بقلاوة أم أنس لكن جاتني ناشفة بزاااااف وقد ما سقيتها بالعسل
قعدت ناشفة مفهمتش علاه مي ذوقها يهبل عجبتهم

خبيتها ف الثلاجة

والعجينة اللي بقات درتها قريوش اول مرة نعملو
جا يذوب ف الفم و مورق

وهذو حلويات تخرج صاحب خويا
على بالهم نحب نصور ملا جابهملي للدار

و أنا منفوتش l'ocasion باه نحطهم هنا طبعا

بنات راني غير عقاب الحاجة الصعيبة كيما الكسرة والشخاشخ هههه

لأنو ممكن ممكن بعد رمضان يجي سي السيد يخطب ان شاء الله
alors لازم نتعلم كل شي c non نتبهدل

دعواتكم لي يا غاليات ربي يسهلها ويقبل بابا
لأني والله تعبت صح

اسفة جداااااااا اذا خرجت عن موضوع المطبخ معليش هذي اول مرة
انا مش موالفة ندردش بزااف ف الكوزينة
ولهنة راحت مع بشماقها هههههه