الجزء 78 من واش طيبتي اليوم سموا بسم الله - الصفحة 61

دائمة الحمد · 2014-06-16, 20:34

عشاك يهبل ياقو ت يعطيك الصحة سخفتوني في الكسرة وانا ماخبزتش اليوم

*جوهرة الجنة* · 2014-06-16, 20:35

دائمة الحمد · 2014-06-16, 20:36

ربي يشفيك لينا وترجعيلنا سليمة معافاة
العملية عملتها اختي هاذو ليامات على عينيها في اثنين راهي رجعت ماشاء الله تشوف خير من بنتها

دائمة الحمد · 2014-06-16, 20:37

هذي تاعي انا سي السيد دبدبوه الماتشات ماجابش الديسار

selma2013 · 2014-06-16, 20:44

ربي يشفيك لينا وربي يعطيك ويمنبك ويهنيك وتسلم اديك على هذاك النقاش أموت واعرف نقشتيه ازاي ههههه

لينا11 · 2014-06-16, 20:51

اقتباس:

المشاركة الأصلية كتبت بواسطة دائمة الحمد

ربي يشفيك لينا وترجعيلنا سليمة معافاة
العملية عملتها اختي هاذو ليامات على عينيها في اثنين راهي رجعت ماشاء الله تشوف خير من بنتها

ربي يشفيها حنونة ويشفيني معها يارب

ladymillion · 2014-06-16, 21:09

صح عشاكم يازينات يالي راكم دوروا في لكوزينة ولا لي يطلوا من التاقة صح عشاكم ولا صح فطوركم لي راهم صايمين

يعطيكم الصحة على واش طيبتوا وابدعتوا ماشاء الله عليييييييييييييكم

جبت فطوري البسيط / فلون عادي ، عصير الخوخ درتو ، شكشوكة بالجريوات والبصل وعليها البيض الحمد لله

لينا راكي هبلتيني بكعك النقاش الله يبارك الله يبارك عليك وراسك خيتي قولينا كيفاس درتيه افيدينا بالاستوووس ههههه

أم سراج الدين · 2014-06-16, 21:10

اقتباس:

المشاركة الأصلية كتبت بواسطة دائمة الحمد

مساءالخير لبنات وصحة قهوتكم هذا وين كملت انا وبنتي احنا باش نرتاحو وسي السيد جاب صحابو باش يتفرجوا الماتش ماكنتش علابالي بيهم جايين
سجيت ليهم القهوة والعصير وكروكي سارة يكثر خيرو وخيرها وخير الكونجيلاتور من مدة خدمت كمية وخبيتها
عشايا راح نعمل لحم وبطاطا في الكوكوط وفلفل مقلي وسلطة والحمدلله

ام سراج الدين حطي الوصفة تعيشي باين 4444444444444444

بكل سرور عزيزتي
و شكرا على تشجيعك المستمر انتي و كل اخوات لي عجبوهم الاطباق
حتى نتوما الله بارك كل يوم نتعلم منكم حاجة جديدة
رابط البريوش
https://www.djelfa.info/vb/showthread.php?t=1490971

لينا11 · 2014-06-16, 21:12

ليدي حنونة عينيك الي حلوين يشوفو كل شيء حلو
بالنسبة للنقاش تفنين ساعات يخرج حوايج ملاح خخخخ
درتو في مول المعمول خذي لاطراس من بعد عقبت عليه من فوق بالنقاش هذا ماكان عسولة خخخخخ

شفتي اختراعي للكسولات خخخخخخ

selma2013 · 2014-06-16, 21:13

لينا لحنينة ربي يخليك راكي رائعة

ladymillion · 2014-06-16, 21:16

لينا تعجبيني كي تقولي عسولة وعسولات هههههه الله يحلي ايامك ويشافيييييييك لحبيبة اللهم آميييين يارب

الفكرة راااااااااااااائعة والله بالعكس هذا ماشي تفنييين ومن قبيل وانا نتفرج نقول هذا مول مسنن ويخرج اسنان كيما نتاع النقاش ههههههه خليتيني نخمم ونعاود جزاك الله كل خخييييييييير على الفكرة عجبتني ياسر

chez biba · 2014-06-16, 21:17

اقتباس:

المشاركة الأصلية كتبت بواسطة saja safia

باريت تفيدوني حبيباتي راني متبعتكم كل يوم نحب نكون نطيب كيفكم

تقدير ديري مرقة حمراء عادي بالخضر وفي الأخير تضيفي الجلبانة تاعك بويسك راهي طايبة
ولا يدريها قراتان باللحم المرحي والجبن وتجهيز مرق على جنب وتقطعي le gratin تاعك مربعات وتسقيه بالمرقة يجي هايل، وبصحتكم

اقتباس:

المشاركة الأصلية كتبت بواسطة om inas

شريت كمية معتبرة من جبن شيدر هل نقدر نحطو في المجمد

جاوبوني بليز

تقدري تحيطه في المجمد ولكن من المستحسن تشريه جديد على خاطر كي يديكونجلا يتفتت وينقص شوي طعمو، هذا رأيي الخاص وكل واحدة وذوقها

اقتباس:

المشاركة الأصلية كتبت بواسطة دائمة الحمد

لينا جاك يهبل باين 444444444444444444444444
اعطينا لاستيس تعيشي والا لا كان مافيهاش تعب راناعلى بالنا بيك مريضة حطيه موضوع في اقرب وقت
وسامحينا في
واقيلا عملتيه بمول المعمول

انا ثاني شاكة في مول المعمول وعاودتلو بالنقاش، جا هايل ومتحوف يعطيها الصحة

اقتباس:

المشاركة الأصلية كتبت بواسطة لينا11

دائمة وسلمى امنية ان شاء الله نحطو لا لقيت صور خخخخخخ وما عسلتوش حنونة راه ساك ويذوب فالفم
ونهار الخميس ان شاء الله عندي عملية لازار على عيني دعواتكم لي عسولات
سلمى عرفتك تسناي فالنقاش خلف الكواليس خخخخخ
خليلي وقت نرتح ونديرو بالصور

ربي يشفيك اختي لينا، انتهلاي في روحك

أم سراج الدين · 2014-06-16, 21:23

اقتباس:

المشاركة الأصلية كتبت بواسطة لينا11

ليدي حنونة عينيك الي حلوين يشوفو كل شيء حلو
بالنسبة للنقاش تفنين ساعات يخرج حوايج ملاح خخخخ
درتو في مول المعمول خذي لاطراس من بعد عقبت عليه من فوق بالنقاش هذا ماكان عسولة خخخخخ

شفتي اختراعي للكسولات خخخخخخ

اختي لينا النقاش خرج فور فور فور الله بارك

هبلني نن قبيل و انا نتمعن فيه

الوصفة حطيتيها من قبل؟ اذا ايه الرابط من فضلك

لينا11 · 2014-06-16, 21:33

ام سراج عويناتك الملاح حنونة هاني لقيت لكم طريقة يجوكم حبات قد بعضهم وهنيتكم من عقدة النقاش خخخخخخخخ
بالنسبة للوصفة :
درت

03كيلات فرينة
كيلة مارغارين مذوبة وباردة
رشة ملح
04مغارف كبار لحظة
02صفار بيض
04مغارف كبار سكر عادي
شوية من خميرة حلويات
الحشو :
الغرس
مطيبات: قرفة مرحية+جلجلان

نلمها بماء ورد وماء و04مغارف سكر مذكورين فالمقادير

نديروه في مول المعمول

ونعقب عليه من الفوق بالنقاش
سايسيه باش مايفسدش شكلو

ملاحظة مهمة لازم يرتاح على الاقل حوالي ساعة باش يحافظ على شكلو
هذه النتيجة

زوووووووووووووووم

chez biba · 2014-06-16, 21:40

عشانا البارح بيزا

وسلطة الفواكه

بصحتكم لبنات طياباتكم كامل يشهيو والله ما لحقت نشوف كلش
يعطيكم الصحة