ثم ادركت ان لا مستقبل في الجزائر - الصفحة 4

مُﭔﭥسـّمہ دائمًا ツ · 2014-06-06, 16:56

...........

اسأل الله ان يرزقنا الخير اينما كان هنا ولا الخارج
كل الارض هي بلاد الله
اذا لقينا فرصة نخرجوا نخرجوا ان شاء الله الخروج من الوطن ليست جريمة
اذا كان اصلا الوطن الذي تنتمي اليه لا يدعوك لحمل القيم الوطنية

والتغير يجي منا صح ولكن ايضا اذا كان في اتفاق وتوحد في احداث هذا التغير على خاطر راني عايشة في مجتمع والمجتمع ماشي انا برك
وهذا هو التغير الذي حكا عليه الاسلام ماشي واحد يروح ضحية على حساب الاخر

الارض خلقت لجميع خلق الله والوطن هو اينما عوملت فيه كـ إنسان .

: )

نسْمۃ إِرتقـآء · 2014-06-06, 16:57

اقتباس:

المشاركة الأصلية كتبت بواسطة سآجدْ للهْ

الاخت نسمة مزال ما شفتي والو
نتي ترقدي في الليل هوما يباتو يخططولك كيفاش يستحمروك ويستعبدوك وفعلا
روحي آقراي كتاب : بروتوكولات حكماء صهيون pdf
ظرك تكتشفي بلي بداو التخطيط تاعهم في 1800 وفيه حقائق سرية
وزيد نقولك عندهم مهندسين تع اللباس في رايك اللبسة هاذي لي تلبسو فيها في الزهر ؟
زعمة زعمة لامود..ياو مهندس سبيسيال تع لبسة وش بيك راهم يخدمولك في اللبسة بالحسابات ماهوش تمسخير
الماكلة لي تاكلي فيها ما علابالكش حتى واش يلوحولك فيها
لقراية لي يمدوها لعقلك الباطن من الابتدائي
ماهيش في الزهر
ياو وشبيك
ظركا صاي راهي نتائج مخططاتهم راهي تظهر ما بقاتش مخططات
رانا نشوفو في النتائج وحسب...

لم أعرف كيف أوصل لكم ما أود قوله ، نحن نعلم كل شيء نعلم أن عصا الغرب تقودنا حيث شآءت ، تبذل ما بوسعها لتجعلنا تحت خط الجهل و الذل ، و نحن من مهّد لها هذآ بإحباطنا بيأسنا بقبولنا للواقع و عدم تغييره لآ أقول لك أنه قريبا سيتغير الواقع فالواقع مُزري و الجهل مُعشش في أذهان المجتمعات الإسلآميه و العربيه خاصة لكن أن ترضى و أرضى و يرضى بالعار لآ يغير من الأمر شيء ، خلينا نغيير نتحد نتعاون على النهوض !
ألآ تتابع برنامج أحمد الشقيري ألى ترى كيف يجوب العالم من أجل أمته ! هذآ أبسط ما إستطاع فعله....~

نسْمۃ إِرتقـآء · 2014-06-06, 17:01

اقتباس:

المشاركة الأصلية كتبت بواسطة سآجدْ للهْ

اختنا الصغيرة شوفي نحبسو النقاش هنا.
الآن روحي آقراي الكتاب لي مديتهولك يتحلو عينيك شوية صحا ,,
ومنبعد حاولي تكتشفي الحلول وتشخصي المرض قبلا
في كل القطاعات المشلولة والمجتمع الفاسد عموما
وحاولي تعطينا حلول فعلية وعملية وليست تعبيرات مجازية,,إتفقنا ؟
وفي هذا الموضوع انتظرك بعد ان تنهي قراءة الكتب
وربي يوفقك

أختك الصغيره ستقرأ الكتاب على خاطرك =)
أنا لست جاهلة للوآقع الذي أعيش فيه لكني إجابية بتفكيري ~
هدفي من النّقاش ليس النّزاع ، إنما تبادل الآراء

Bissa1977 · 2014-06-06, 17:03

أنتم أيها الشباب احتار في أمركم ، نحن قديما عانينا الأمرّين في تعليمنا وفي توظيفنا وفي مختلف جوانب حياتنا لكن لن نمتعض من وطننا ، الوطن ليس مختصر في أشخاص فشلوا في تسييره أو لم يفشلوا بل الوطن هو هويتنا الإسلامية العربية الأمازيغيةاشعل ولو شمعة خير من أن تلعن الظلام .

leila lolo · 2014-06-06, 17:16

السلام عليكم
انا شفت بعض الردود من الاعضاء وفي رايي الهرب لا يحل شئ لازم مواجهة الواقع والتحدي
يا جماعة البلااد واقفة علينا لازم حنا نبنوهاا ونعلوهاا
صح كاين الفساد بانواعه والشبااب مهمش لكن لازم نحطو اليد في اليد حتى نقضي عليه
وربي يجيب ساعة الخير ويحفظ بلادنا هذا ماكاان

seme · 2014-06-06, 17:18

ana 3andi loccasion beh nroh l fr mais ygololi lkraya f lunv lhih we3ra bzfffff w troh tarj3 b3d 3ans mak dyr wlo f hytkk 3yiiiiiit :'( w lzmk niv forttt bh ta9ray lhih mt9dich 3lihom ....... bfffffffff

mimi_h · 2014-06-06, 17:19

السلام عليكم

سبحان الله انتم مازلتم في بداية الطريق و راكم حابين باش تهربوا

انا ايضا لست متفائلة لما يحذث في البلاد لكن الهروب ليس بالحل ابدا

ثم نعيش في وسط عائلتي و احبابي افضل من الذل في بلاد الغير

لا ادري ان كانت البكالوريا هي لي اثرت فيكم

لكن الوقت ينسي

~عبد السلام~ · 2014-06-06, 17:20

اقتباس:

المشاركة الأصلية كتبت بواسطة سآجدْ للهْ

انا نتبرّا من كل واحد يسب في ربّي
انا نتبرأ من السرارقــة
إني بريء منكم
صح البلاد مليحة هذي ارض ربي
بصح عبادها
غير ربي يجيب الخير برك
وراك تهدري على احفادنا ههههههه
يا ونقولك ظرك تشوفي البلاد كيف ما تولي بعد خمس سنوات
ما تقوليليش ما لا حظتيش المجتمع
كيف ما كنا في الابتدائي....والآن
هناك تغيّر جذري ملحووووووووظ لا ينكره عاقل أبدا
لا يجب ان نعيش في المثالية لازم نروحو للواقع
والواقع راهو يهدر وحدو الشمس ما تتغطاش بالغربال
وما نقولكش انا وانا وانا وانا
الى الآن لم اقدم شيئا للبلاد ؟
لانني لم اتكون كما يجب
نحن الشعب الجزائري استهلاكي اكثر منه إنتاجي
الانتاج 0.00000001 %
واش راح نديرو بالعلم اذا ما نستخدموهش ؟؟؟
مبصح لهيتا عندهم تقراي اليوم وغدوا تطبقي
تقراي اليوم الكهرباء غدوة تخدمي دارة كهربائية
تقراي الكيمياء غدوا تخدمي الاسترات والصوابن والروائح وووو
تقراي الميكانيك تخدمي الطيارات والدبابات والسيارات
وهكذا دواليك
قوليلي برك الجزائر واش فيها
فيها غير التعليم والصحة فرات يبالي فرا ت والحرف سي تو
مكانش اختصاص تقراي فيه وكيما تخرجي تروحي للمجال إسمو صناعة هههههه
آآقــــرا وكدّس
هذا الفساد تم بناؤه في عقووود من الزمن
الاصلاح يلزملك عقوود من الزمن ايضا
هذا بشرط إذا اتحد الكل واراد الصلاح وهذا ضرب من المستحيل
الواقع راهو امر مختلف عن الكلام فرغا
انا الصراحة أريد الذهاب وبشدة الحاجة لي تحكم فيا برك هي نوعية البلاد لي نروحلها فأنا لا أحب بلدان الالحاد ولكن
لو كان لقيت نروح لسنغافورة وما جاورها لسيكون الامر افضل ولكنالذهاب يبدو ضرب من الخيال..المهم
اختي نحنا في آخر الزمان لي قدر يهرب وين يلقــى غايتو ورضى ربي فليفعل...
ألم تكن ارض الله واسعة فتهاجرو فيها
والأمة لن تتوحد حتى يجي المهدي من هناك من بلاد الحرمين ويبايعوه المسلمين ويمشيو تحت رايتو...
----

ونحنا هكا تقدري تقولي ما صرا والو ونحبو نخرجو لانو حسينا بالظلم..
مزااال نستناو.... القادم أعظم...
والحمد لله على كل حال وربي يجب الخيير

الصراحة نكره الحدود هاذي
هذي أرض ربي ولكن نحنا قسمناها وفسدناها

وربي يعاونك
لهيتــا البرا راهو زي خلاف على الهدرة المثالية لي هنا...
الواقع لي يفرض نفسو وليس الاماني

ولله عندك الصح ياحصراه على ايام الابتدائي و البراءة دركا ولا واحد عمرو 5 سنين يسب و يكفر كي السلام عليكم لبلاد رحت فيها خلاص

zikou3 · 2014-06-06, 17:21

اقتباس:

المشاركة الأصلية كتبت بواسطة bissa1977

أنتم أيها الشباب احتار في أمركم ، نحن قديما عانينا الأمرّين في تعليمنا وفي توظيفنا وفي مختلف جوانب حياتنا لكن لن نمتعض من وطننا ، الوطن ليس مختصر في أشخاص فشلوا في تسييره أو لم يفشلوا بل الوطن هو هويتنا الإسلامية العربية الأمازيغيةاشعل ولو شمعة خير من أن تلعن الظلام .

حسنا نصححلك المقولة
قالها كونفشيوس وهي بدل ان تلعن الظلام حاول ان توقد شمعة

وش ندير بالامازيغية ولا العروبة اذا كنت انا متخلف؟

بلادي كوكب الارض

سلام

Bissa1977 · 2014-06-06, 17:22

يا ابنتي من المستحيل التغيير من القمة، التغيير يكون قاعديا ، ولنفترض حكمنا أوباما هل ستصبح الجزائر أمريكا ؟ التغيير يكون في ذهنياتنا سأعطيك مثالا في بلادنا نرى قمامات مكدسة في الشوارع وداخل البيوت أنواع الأفرشة ، هذا بسبب أننا نعيش ماديا القرن 21لكننا ذهنيا نعيش في العصور الحجرية ......

zikou3 · 2014-06-06, 17:24

اقتباس:

المشاركة الأصلية كتبت بواسطة seme

ana 3andi loccasion beh nroh l fr mais ygololi lkraya f lunv lhih we3ra bzfffff w troh tarj3 b3d 3ans mak dyr wlo f hytkk 3yiiiiiit :'( w lzmk niv forttt bh ta9ray lhih mt9dich 3lihom ....... Bfffffffff

وش تقعدي ديري في دزاير؟؟

معليش يجي نهار وتندمي على قرارك

نسْمۃ إِرتقـآء · 2014-06-06, 17:24

اقتباس:

المشاركة الأصلية كتبت بواسطة leila lolo

السلام عليكم
انا شفت بعض الردود من الاعضاء وفي رايي الهرب لا يحل شئ لازم مواجهة الواقع والتحدي
يا جماعة البلااد واقفة علينا لازم حنا نبنوهاا ونعلوهاا
صح كاين الفساد بانواعه والشبااب مهمش لكن لازم نحطو اليد في اليد حتى نقضي عليه
وربي يجيب ساعة الخير ويحفظ بلادنا هذا ماكاان

فعلآ أختي ، صدقـتِ

هذآ مــا كنت أرمي إليــه منذ بدآية النّقاش~

shy'n · 2014-06-06, 17:26

انا هتد السمانة نديبوزي الدوسي للباسبور العادي و البيومتري

نروح اتسول في شوارع البلدان الاخرى احسن من الجزائر

Tulipe95 · 2014-06-06, 17:28

اقتباس:

المشاركة الأصلية كتبت بواسطة bissa1977

يا ابنتي من المستحيل التغيير من القمة، التغيير يكون قاعديا ، ولنفترض حكمنا أوباما هل ستصبح الجزائر أمريكا ؟ التغيير يكون في ذهنياتنا سأعطيك مثالا في بلادنا نرى قمامات مكدسة في الشوارع وداخل البيوت أنواع الأفرشة ، هذا بسبب أننا نعيش ماديا القرن 21لكننا ذهنيا نعيش في العصور الحجرية ......

ما ذا ستغير في 36 مليون شخص كل واحد همو في كرشو .. وخلي برك .. الفساد السرقة .. التزوير . كل واحد يقول تخطي راسي .. كل واحد يفتي كما تعجبو .. ما هذا ..التغيير يكون في كل شيء لكن كيف ؟؟ ذلك يتطلب الدهر كله ... .

نسْمۃ إِرتقـآء · 2014-06-06, 17:29

اقتباس:

المشاركة الأصلية كتبت بواسطة shy'n

انا هتد السمانة نديبوزي الدوسي للباسبور العادي و البيومتري

نروح اتسول في شوارع البلدان الاخرى احسن من الجزائر

الله الله أختي =)