جماعة العلوومْ غدوة رآس مـآلكـم..~2008-2013

نعمة القدوس · 2014-06-03, 19:28

سبحان الله عقبة
صراتلي نفس الحكاية ههههه وفنفس الرقم ياعجابة هههههه

انا تولهت قبل الوقت
بالصح تقدر تتخيل كي تبانلك ورقة ناقصة
وليت نفرفش ونحوس ههههه

المهم
مايصرا وااالووو باذن الله
بالتوفيق
مع العلم أنا درت الموضوع الاول

نعمة القدوس · 2014-06-03, 20:53

اقتباس:

المشاركة الأصلية كتبت بواسطة سآجدْ للهْ

انا هرجت نحسب سرقونـي وليت نشوف في العساسين دوبل شفت لي قدامي لي ورايا دخت كيفاش تسرقت في السما مع اني نلاحظ كل صغيرة وكبيرة مستحيل ما نفيقش عليها تشوكيت
ومنبعد شفت الاجابة لقيتها نورمال
قالولي الحراس فاصي وعاود رقم
قلتلهم ما نفاصيش هاذيك لبلاصة ما نقيسهاش
ممكن يخممو ويقولو زادهملو وبلغيهم..؟؟
ايا كتبت في الصفحة 6 ملاحظة في اخر الورقة....[الاستنتاج في الصفحة 8 ]
ااتمنى ما يعتبروهاش اشارة برك ونربح هذيك الساعة

اه مانظنش يحطوها غش
راهم اساتذة ماهمش لهاد الدرجة مشكاكين
حنا مرة تاع العربية قالتلنا حدث اني لقيت في الاوراق التلميذ يكتب يكتب يكتب وفي نص الهدرة يكتب اسمو هههههههه

بالصح والله غير ضحكتني هههه فكرتني في روحي انا تااني هههههه

ربي يجيب الخير

إسمي محمد · 2014-06-03, 23:04

راحت الفايدة وراح راس المال سهلوانا رياضيات رهجنا بالعلوم ياعالم كيفاش تكون الفيزياءإن شاء الله خير

إسمي محمد · 2014-06-04, 13:37

الفيزياء بإذن الله راح تكون في المتناول إحساسي قوي من هذه الجهة المهم الواحد يعرف يخير الموضوع