أروع تارتولات بالفواكه والكرام باتيسيار من مطبخي نزولا عند رغبتكن

[ام رجاء 09]

هايلة لكن من الافضل لوكان حطيتينا كريمة الخاصة لي نتي ديريها في المنزل والمعتمدة

[حورية زوجي]

الله يبارك يهبلو بصح هذي الكريم كيفاه نخدمها بيديا الله يجازيك خير ردي الان من فضلك

[oum malek]

بارك الله فيك

[mechmecha]

يعطيك الصحة اختي

[future maman]

يعطيك الصحة

حبيت نستفسر برك على الكريم باتيسيار تشريها غبرة واجدة ؟؟؟ وتجي كيما الي نخدموها وحدنا بالمايزينة ؟؟؟؟

[تينا ماريا]

بارك الله فيك

[عروبة وطن]

شكررررررررررررا ياغلية على الوصفات الرائعة ، انربي يرزقك الذرية الصالحة في القريب العاجل بوركت

[youya :)]

امم تبان بنينة لازم نجربها

[ام صابرين]

ربي يحفظك يالفحلة شكرا لك وربي يدوم الافراح الجميع

[idron0]

يعطيك الصحة

[طالبة الجامعة]

المشاركة الأصلية كتبت بواسطة ninafret

حبيباتي اخواتي مساء الفل والورد والياسمين رانا في فصل الصيف مع المناسبات والنجاحات ربي يخلي ايامكم كلها افراح
علابالي كلنا نعملو لي تارتولات ماهيش حاجة جديدة لكن صدقوني العجينة اللي نقدمهالكم اليوم هي اروع عجينة عملتها لحد الآن جات بين البريزي والصابلي كانت عملتها نيرمين هنو اللي تقدم ولا بالاحلام عندها مدة وهي في الاجندة نتاعي كنت متخوفة لكن جربتها والنتيجة مانحكيلكمش والله روعة بدون مبالغة تصلح للفاتحات والنجاحات ولا لشهر رمضان في السهرة مع عصير نتمنى تجربوها وراح تعجبكم وماتنساونيش بدعواتكم

المقادير
500غ فرينة مغربلة+ علبة زبدة لابال نتاع 250غ تكون باردة+قرصة ملح +4 ملاعق كبيرة سكر عادي +شوية فاني بودرة تقريبا ملعقة صغيرة +2صفار بيض+4ملاعق كبار زيت عادي +مغرف صغيرة خميرة الحلوى+4 ملاعق ماء بارد ولا حليب بارد

اولا تخرجي الزبدة الباردة وتقطعيها مربعات وتحطيها فوق الفرينة وقرصة الملح و 4 ملاعق سكر عادي


وتدلكي باصابعك من غير ماتعجني يعني كلي راكي تقصي في الزبدة مع الفرينة وهدا هو السر كي تتداخل مليح مليح وتتخلط كل الزبدة مع الفرينة تتحصلي على حبيبات رملية شوية خشينة زيدي صفار البيض والفاني والخميرة والزيت والالحليب او الماء




لمي الكل راح يتلملك بسهولة لكن حذاري تعجني لمي برك تتحصلي على عجية ملساء وطرية كيما في الصورة




استعمليها مباشرة ماتخليهاش ترتاح لانها فيها البيض والخميرة كيما الصابلي
ادهني لي مول الصغار نتاع لي تارتولات من الاحسن تستعملي اللي قاعدتهم متحركة حتى مايتكسرولكش
اعملي كويرات من العجينة وحلي كل كويرة في المول



رققي مليح القاعدة وخلي الجوانب شوية خشينة حتى ماتتفتتش






انقبي مليح القاعدة بالفرشيطة




وكي تكمليهم كامل وتنقبيهم مليح دخليهم لفرن ساخن على 180درجة من فوق وتحت وفي نصف مدة الطهو كي تبدا تطلق في ريحة التطياب وتصفار غيرشوية خرجيها واضغطي شوية على القاعدة من غير ماتكسريها باصبعك لانها فيها الخميرة وراح تتنتفخ وعاودي رجعيها حتى تاخد اللون الدهبي كيما الصورة ماتخليهاش بيضاء طيبيها مليح



خليها تبرد خلاص من بعد نحيها من ليمول واما تحشيها مباشرة ولا خبيها في بورت مونجي ودخليها الثلاجة ولا غرفة باردة حتى تجي تستعمليها








انا شريت كرام باتيسيار الواجدة بذوق الفاني وبذوق الموز خدمت كل علبة مع نصف لتر حليب و3 ملاعق كبار سكر عادي فوق النار حتى ثقالت خليتها تبرد وعاودت حليتها بالباتور واستعملتها



زينيها بفواكه حسب الموسم وادهني وجهها بلاجولي ولا الناباجا ولا معجون مشماش مخفف حتى ماتتاكسدش











ملاحظة: هاذ الكمية تخرجلك حوالي 34 حبة من ليتارتولات ولا ليباركات حجم صغير
انا عملت نصف الكمية خرجتلي 17 حبة والمميز ان العجينة حتى كي باتت في الثلاجة بالحشو بقات مقرمشة وماهيش مندية من الوسط لانو بقاتلي حبات في الغد زدت تقهويت بيهم

حبيباتي نتمنى تجربوها راني نستنا رايكم وتطبيقاتكم وماتنساونيش بدعواتكم

جربتها خرجت تهبل

[ahmed.zako]

يعطيك الصحة

[*سالي*]

haaaaaaaaaaaayla

[fifi tery]

شكراااااااااااا جزيييييلا لك

[سمسومة 05]

رائعة جربتها وخرجت تهبل شكرا على الوصفة