اطباق لمرضى السكري و الكوليسترول

Roubal · 2014-01-06, 16:47

السلام عليكم و رحمة الله تعالى و بركاته
انا زوجي مرض مؤخرا بالكوليسترول و السكري ، ممكن تفيدوني بوصفات مالحة او حلوة المهم انها جيدة للصحة

ام قسوم · 2014-01-07, 07:55

اختى شفى الله زوجك من كل داء نصيحة

العجائن ماتستعمليهاش فى الليل حاولى تكون السلاطة موجودة دائماوماتستعمليش الشحوم و السمن وماتكثريش الدسوم و السكر و مشتقاتهم وفى المنتدى اطباق هايلة لرجيم السكر والكلسترو ل وتقدرى وحدك تختارى

وانشاء الله الاخوات يفيدوك

Roubal · 2014-01-08, 17:25

شكرا لك يا اختي

مواطنة · 2014-01-08, 20:26

على حساب علمي لازمو يكثر من الخضر و يلتزم بكمية معينة من البطاطا و الجزر و اابيتراف و الخضر لي فيها حلاوة
المهم ف الاطباق المالحة
عندك لاريكو سوتي تقدري تحمري معاها دجاج
طاجين بسباس ابيض بالحم بقري
من داك حريرة بدون لحم
القرعة مفورة و تبليها بزيت الزيتون و ثوم ومعدنوس
الشربة العادية لكن اما بالدجاج او باللحم البقري
كسكس البلوط بالخضر
السلق
الاهم هي الاسماك طبخيها عادي لكن تنقصي في الدسم و تقدري تحطي السمك في كيس الفرن مع شوية زيت زيتون و بصل شرائح و طماطم و توابل و رند و ثوم و تخليهم ينطبخو مثلما متعودة
انا لي نعرفو هو الاتي
العجائن و الارزلازم يتفداها في العشاء غير مرة في الاسبوع و عندو مقدار 6 ملاعق كبار فقط و من الضروري ياكل بكري او يمشي
العصائر خاصة الفراولة و التفاح لان الفراولة تناسب مرضى السكري عكس ما نعتقد
اما ا
لفواكه الاخرى ياخذ مقدار صغير ينحي السخفة فقط
الحلويات
خوذي الوصفة و دري نصف كمية السكر المطلوبة سكر فركتوز يعني اذا 1 كوب انت ديري نصف كوب
يمثر الماء لانو يشبع و يخفض السكرتيزانة الزعتر روعة
انت طيبي كيما موالفة مع مراعاة الاوقات و نقصي الدهن و كي ديري حاجة ليكم خاصة هو تاني ديريلو لي يناسبو
الجبن من داك ياكل تاع الريجيم بدون مواد دهنية نفس الامر بالنسبة للحليب كاين كنديا سيلوات اطلبي لي خالي منا الدسم
هو في الاول جيه صعيبة بصح من بعد يوالف و يولي هو مايقدرش ياكل شي اخر و اذا غش احياتا خليه
يقدر يتبع الريجيم فترة يتعدلو السكري

Roubal · 2014-01-10, 14:05

اشكرك ، اعطيتني افكار جيدة راح اطبقها من اليوم و خاصة من جهة الحلويات

مواطنة · 2014-01-11, 10:39

العفو اختي
ربي يشفي زوجك و جميع مرضى المسلمين

[جزائرية*مسلمة] · 2014-05-27, 23:43

السلام عليكم ورحمة الله و بركاته.
شكراً فقد كنت في حاجة إلى هذه المعلومات.

نور الهدى06 · 2014-05-28, 12:28

عليك بالاطباق الغنية بالخضروات خاصة الخضراء وابتعدي عن العجائن والبطاطا متكتريش طلع السكر

Nadjwa270 · 2014-05-28, 13:57

ربي يشفي زوجك