أهلا بمريم الصابرة بيننا من جديد

[مريم الصابرة]

المشاركة الأصلية كتبت بواسطة مسلم سني

السلام عليكم
أهلا بالأخ الغالي الطيب أخي عبد القادر
وبارك الله فيك على المرور
وأريد أن أخبرك أمرا





قبلت بالوردة الحمراء الجميلة التي أهديني إياها
كيف لا أقبلها من شخص بمثل أخلاقك وأعجبتني مناداتك لي
يا فتى
دمت أخا لي في الله
ودمت ناصحا طيبا
شكرا لمرورك
لكن أخي عبد القادر الأخت مريم وصلت من تركيا جائعة
أين الشكولاطة ألم تحضر شيئا
أنا قوقل لم أستطع التنقل إليه فالنت كارثة
احترماتي لك ايها الطيب

السلام عليكم اخي
هههههه وشكون قالك جيت جيعانة اواه واقيل كنت معايا فالطيارة
شوف مدونا فالطيارة كليت هذي كانت هنا عندكم الساعة 1 ونصف ومن بعد انا رقدت ايا ختك مريم ناضت على صوت المضيف يتكلم سمعت كلمة إيطاليا ما إيطاليا وشفت التابلات فالطيارة يروحلها الإرسال والمضيفة تجبد فالجيليات هذوك قلت يا مريم خلاص الطيارة راهي رايحى طيح لانو شفت اللقطة هذي فالأفلام قلت حاجة من زوج مريم فوق جبل او محروقة او في كرش كاش روكا فإطاليا وواااااااااع قلت الما بارد وليت نرجف عيطت للمضيفة قلتلها واش كاين قتلو والو وهذا بالإنجليزي قتلها شوفي اللقطة هذي نعرفها خبريني احسن ندير حل لعمري قاتلي ما تخافيش برك رانا نحلقو فوق إطاليا هذا برك قتلها إييييييييه نحلقو معليش نحلقو نزحلقو معليش المهم ما نطيحوش الخلعة جوعتني ايا لما وصلت ختك لمطار هواري بومدين وخرجت لقيت امي وإبن اختي اول ما باسني واش جبتيلي ديركت
قتلو اناني كي خوالك انا الخلعة قتلتني كطي جيتكم اما كامل راكم ملاح
ختك مريم راحت للدار وريحت شوي ورحت شربت قهوة ونحكي مع امي واختي لما رحت نرتاح ونحي دوايا من فاليز لقيت روحي جبدت فاليز نتاع مرا اخرى الإسم سعدة مي اللقب تركي قلت واش ضرك هذي سعدة شكون وهذي التركية شكون اواه نهاري كحل الليلة رجعت للمطار وهناك مسلسل درت حرب لابوليس كامل تلمو انا كنت جيعانة والخلعة نتاع الطيارة والتعب وهوما ما دواهاش فيا ما قيمونيش كامل قلت لوكان سرقت وكاش ما هربت كامل يشوفوني لكن جيت نرد فاليز الناس وندي نتاعي ما قيمونيش قلت إمالا نديرلهم فيلم رومبو هاكا ينتبهو ورحت اطلفت صفارة النار الخاوة كامل جاو يجرو قتلهم هاكا مليح عييت نهدر ما قيمتونيش نحتاج فاليزتي ودابزت مع بوليسي انا نهدر وهو يتفرج فالفيديو مع صاحبو وانا واقفو تقول قنطرة قتلو خويا راك خالص تخدم الشعب ماشي فاليوتوب تفرجو في داركم كروشيت معاه فالهدرة قلت معليش نبات فالسيلونة المهم فوت حرب رجعت للدار على 11 وزيادة تعب كبير رقدت بحجابي وخماري من التعب
وين راهي الشيكولا راني جعت كي حكيتلك
شكرا وربي يخليك