الجزء 72 من واش طيبتي اليوم????

[بري النوي]

اكلات روعة
ابدعتن

[أم ياسين الزهراء]

صباح الانوار

رياض صبحت على الادعية ربي يتقبل واللهم امين عندي ريك رجاء ليك ولكل الحبيبات كيتدعو ماتقولوش ان شاء الله نحيها من الدعاء

غدايا شربة فريك ومطلوع والحمد لله

[Oum yousra]

صباح الخير يا أحلى رفقة.

[islam1aya]

صباح الخير حبيباتي
اختي اولادي دخلنا لك بالربح
ومبروك المطبخ الجديد
بصحتكم الطيابات
ونبارك لكل العاملات بمناسبة يوم العمال وحتى العاملات في بيوتهن والساهرات على تربية اولادهن
كنت في بيت اهلي والامس جيت

ام ماجد اليوم رايحة ندير العصير ونصورلك المراحل

[selma2013]

صباح الخير يا وجوه الخير وين غابو لحراير انشاء الله خير والفناكم كي تغيبو نخافو عليكم .

[ام هدولة]

المشاركة الأصلية كتبت بواسطة awladi

ام هدولة اممممممممممممم القاظو تاف الفلون من فضلك الوصفة
ليزابل اممممممممممممممم شخشوخة نموت باه نكلها و السيد ماحبش اجيبلي السميد
ام يسرا تاع فرنسا اممممممممممم طيباتك روعة
رياض ربي يجيبلك الشفاء عينينان كامل راهم يوجعو انا ثاني خففت الدخول

اليك الوصفة اولادي
250 غ مارغارين_ علبة فلان فاني_ نصف باكي خميرة نوارة_ فاني _فرينة
تخدمي المارغارين بيدك مليح اضيفي الفلان و الفاني ثم الخميرة والفرينة تدريجيا حتان تتلم العجينة مالازمش تيبس برك تحكم روحها ثم تعملي حربوش وتقصي مقروظات ولما يطيبو تلوحيهم مباشرة في السكر قلاصي لازم يتغطاو مليييح
تقدري تضيفي للعجينة ملون مثلا اخضر وتزيدي فيها ايضا اروم تاع بيستاش يجي الذوق هاايل

[ناهدوران]

صباح الخير راني ريحة انا واولاد ي
يا سطيف يا باتنة

[أم ماجد]

ام اسلام راني ننتظر حنونة
والف شكر لك
لبنات رحت لدارنا عجبتهم الزلابية المقرمشة ولقيت روضة جربت لاكرام والنيقرو
مدايرة غرايف للغدا لاصدقاء الشيخ طلبوه بدلنا السيارة

[سرور2]

الى الاخت ام ابراهيم ارجو ان تعطيني طريقة صنع الملجات الي تصنعيها بالبيت وشكرا

[lyzzabel]

صباح النوووور للملتحقاااات
ام ماجد الف مبروك السيارة الجديدة و تركبو فيها بالصحة و السلامة و بصحتكم البغرير و بصحتك العطلة في داركم انشالله خليتيهم قاع لاباس و يعطيها الصحة روضة
ام يس صباح النور بصحتك مالشوربة و المطلوع ممممم بصح ما فهمتش علاش ما نقولوش ان شاء الله بعد الدعاء ما اقتنعتش لان كل امر بيد الله سبحانه و بمشيئته ان شاء فعل و ان لم يشأ لم يفعل انتظر التبريييييير
ام هدولة شكرا على الوصفة تبان هايلة انشالله نجربها
سلمى بارك الله فيك مام انا راني نقول الكوزينة اليوم صبحت فارغة
ام اسلام كلنا ننتظر العصييييير ههههه بالتوفيق حبيبتي
ام كاميليا صباح الورد انشالله بنتك ريحت شوية حبيبتي
بري النوى بارك الله فيك شاركينا اكلاتك حبيبتي
ام يسرى صباحك أحلى يا غالية
ناهدوران تروحو و ترجعو بالسلامة حبيبتي و بصحتكم التحويسة مسبقاااا

استغفر الله العظيم الذي لا اله الا هو الحي القيوم و أتوب اليه

[حنين99]

صباح الخير والنور و السعادة لجميع فحلات هذا المنتدى انا عضوه جديدة كنت نتبع من بعيد وقررت نسجل باه نشكر كم لان لا يشكر الله من لايشكر الناس . تعلمت منكم الكثير ربي يجازكم كل خير و يجعلها في ميزان حسناتكم

[lahna moka]

حبيباتي صباحكم مبارك سعيد
شكراااا لكل من شجعني على قاطو نص بنص طلعتولي لمورال و الله ربي يحفظكم و يخليكم ليا
أم رياض غاليتي ضحكتيني ههههههههه دارنا في جبل ههههه و البحر بعيد عليا بزااااف ههههه بصح صح المناظر خلابة الطبيعة تاعنا رووووعة كاش نهار نصورها و نوريهالكم
أم ماجد بالبركة عليكم السيارة الجديدة فرحتلكم
حنين مرحبا بك معنا حبيبتي نتمنالك اقامة طيبة في كوزينتنا الحلوة و نورينا بأطباقك و حلوياتك
ليزابيل حلوتي الجميلة ربي يعينك على الاشغال مواااااااح
أم الهضاب ربي يشافيك يا رب عاجلا غير آجل
غذانا خفيف ظريف, قالي خويا خليل ربي يدومها ضيق وقت باش نولو ناكلو غير الخفيف ععععععع زعفت كي قالي كيما هاك ههههه

[~اسيل ريحانتي~]

صباح الخيرات على احلى شلة
ليزا حبيبتي عندها الحق ام ياسو وهاوليك الدليل

لا تقل ((إن شاء الله))في الدعاء إلا في موضعين!
فائدة حديثية:
لا تقل ((إن شاء الله ))عندما تدعو لنفسك !أو لأحد!...إلا في موضعين:
أبو هريرة رفعه: «إذا دعا أحدكم فلا يقل:
اللهم اغفر لي إن شئت، اللهم ارحمني إن شئت،
ولكن ليعزم المسألة، فإن الله لا مكره له»متفق عليه!
والموضعان المُسْتثْنَيَان هما:
(1)ذهب الظمأ وابتلت العروق وثبت الأجر إن شآء الله تعالى،
(2)حديث عيادة المريض : لا بأس طهور إن شآء الله .

[~اسيل ريحانتي~]

غذايا سفة بالزبيب والبيض فايض واللبن
اول مرة نديره في الغذا موافلة غير في لعشا :d:d
لبنات بصحتكم غذاكم
والحمد لله على النعمة

[zahra30]

صباح الخيييير وان شاء الله تكونو كامل بخيييير ارشيييف ياحباباتي 27 ص شكون اللي يقراهالي هههههه
امبعد نراجع شوية ونرجعلكم
غدانا كسرة قليان سلاطة طعام انتاع الحليب وحوووت هذا كامل الاختلاف في الاذواق ههههه افرزو في عقولكم ههههه
وتحلية اليوم زعمة جربت تشيز كيك انتاع ايمانووو بالفرولة امبعد نحط الصور وصح غداكم كامل بااااي
ام ماجد بالصحة والهناء السيارة تتهناو بيها يااارب لازم الباروووووك