الجزء 72 من واش طيبتي اليوم????

[awladi]

ام رحمة و اياد لاشكر على واجب رانى هنا حتى تتعلمي مكاش مشكل شكرا على الدعوة و لكي بالمثل
ام اناس راه تفضحيني :d:d:dبصحتك المسفوف ريحتي شوية
ريهام واش درارت فيا حلوياتك وكلامك الي ينقط عسل راني ملنبانش قدامككم التشاراك حابة انديرو بصح بدون حشو التشومير يخرج مليح شهاني يالحبيبة صحة عشاك و الله يسلم هذوك اليدين والفم الي ينقط عسل
افروديت ارشي a من ذورك ربي يهنيك يالفحلة

سلاااااااااااااااااااااااااام يا غاليات
تسلمووووووووووووووووولي والله عينيكم الي ملاح
لهنة هههههههههههههههه لا شفت قاطو ام اماني منراطيش موضيعها حبيبتي معرفتش الكاوكاو لونو خرجلي اصفر خخخخخ
حنان يعطاك الصحة التارتولات هايلين يعطاك الصحة ومن درك نقولك سعدو امين بيك
اولادي عشاك هاااااااااااااااااايل نموت في الروز امممم
ام ايناس صاحبة الاطباق الراقية بصحتك المسفوف حنونة
رياحين بصحتكم قلب اللوزمازالني غير انا ههههه
ام ياسين بصحتكم التريدة شفتي التوقيت المفاجئ لصلاة الظهر مفهمتش كامل وعلاه بدلوه خخخخ
ام رحمة عشاك هااااااااااااااااااااااايل لمستك خااااصة امممممم
ام ايمان بانتظار المقروذ وان شاء الله يخرجلك والله الي داروه بطريقة الشيف ام اماني شكروه راني نستناك غدوة ههههه
ليزا وريهام ودائمة الحمد وام رياض وام يسرى ونوال ونور ايناس وباتيلا منوووووووووووووووورات

منال كي تعودي هنا راني نمدلك طريقتي من عيوني حبوبة

استغفر الله واتوب اليه

[ادرارية]

على حساب الشوفة راها صابتنا عوينة كل وحدة وهمها قولو خلالالالالالالالالالالالالالالالالالالالالالالاص ما نعرفوش نطيبو


ام نور الدين وين راها ما بنتش من نهار لي قالت راهي في ضيقة يارب فرج همومها يارب

[ادرارية]

المشاركة الأصلية كتبت بواسطة yasmalak

ادرارية العجينة درت تاع الهاام راني معتمدتها و الكريم موسليين ساهلة ديري كريم باتيسيير و تزيديلها الزبدة
انا درت 1/2 لتر حليب مع كاس و نص سكر و كاس مايزينة و حبة بيض و شوية فاني خلطي بارد في بارد حطيه فوق النار حتى تعقد اومباعد طفي و زيدي مغرف كبيرة زبدة و خليها تبرد ملييييييييح كي تبرد حطي 100 زبدة فالبيتران مع شوية من الكريم باتيسييير و خلطييي ملييييييييييييح حتى تولي الزبدة ما تبانش اومباد زيدي الكريم باتيسيير اللي بقات و الفاني و خلطي مليح ملييييييييح انا ما نديرش فاني ندير فلان فاني يعطيها بنة هاااااااااااااايلة

ليزااا نورمال ديريهم و كوليهم نتي و ما تعطيلوووش هههههههههه راني نحرض فيك ههههه علاه ما تديريييش فريزي والا تان ما يحبوووش ههه و كيما قلتيها والله راهي في خاطري نتلاقى بريهااامو و راهي هي قالتهااا كاش خطرة تلقاني طبيت عليها هههههه ياك رييييهام؟؟؟

ام ياسيييييين بصحتكم الترييييدة و المادلااااان

ام ريااااض مرسييي حبيبتيييي و كي قلتي ما ندخلش بزاااف سما راكي تقولينا بلي راح نتوحشوك ياااك

شكرا راه في خاطري غدوا ان شاء الله انديرها

[ryhem 16]

حبيبتي أم اناس صنعة يديك تهدر عليك يا أصيلة ماشي كلامي يا لحبيبة ما شاء الله عليك
حنونتي awladi واش تحطي يهبل و تسلمي حبيبتي و نحي السخفة عليك و ديري وا ش تحبي ما تتقيديش بالمكونات و ابدعي صحتين حنونة
أخواتي رياحين و أدراري بصحتكم القلب اللوز

وردتي الحلوة حنان نحبس الخدمة ما تخميش و راني موافقة يا وجه القمر لمنور ربي يسهل

استغفرك اللهم و أتوب اليك

[soha1987]

واش راكم ياعسولات
اسمعو انا ماحبيتوش تشوفوني واقيلا ماعجبكمش خخخخخخخخخخخخخخخخخخخخخخخخخخخخخخخخخ
بصحتكم واش طيبتو
رياحين شكرا حنونة راني قلت لخويا راح يشريهولي قالي غالي المهم راح نشريه
واش من دقيق درتي بيه قلب اللوز حنونة مين شريتيه ؟
ريهام ياحبوبة ربي يحفظك
دائمة الحمد راني نلبز كل مرة كيفاه البخايس عقابي خخخخخخخخخ

[عبير ريمة]

المشاركة الأصلية كتبت بواسطة yasmalak

هاني جبتلكم باشت تتقهواو كي تدخلو هههه



المقروط للي تحب المعسل
و المخبز اللي تحب المسكر



و المسمن للي تحب التقليدي و تحياااا التقليدي هههههههه

اختي yasmalak ممكن تعطينا طريقتك في اعداد المسمن راهو ما شاء الله يشهي يعطيك الصحة

[lyzzabel]

صح عشاكم لبنااااات
حنان الله يسلمك حبيبتي والله حشمتيني بشهادتك ربي يخليك يا دلوعة ،، صح ما عنديش مواضيع بزاف بصح كاين وصفات تاوعي راهم في وصفات الحراير الا تبغي تحوسي عليهم
سهى انا قلتلكم لوكان نصيب قاااااع نشوفكم و نتلاقى بيكم موااااح
ادرارية صح عشاك و بصحتك قلب اللوز سايي دينا الحرفة ههههه
ام انوستي العزيزة و داءمة الحمد الحنينة و ام رياض الغالية بصحتكم المسفوف انا غدوة انشالله الا كتب ربي نديره للفطور بصح بالزبيب و السكر و اللبن مممممم
حقا نسيت نقوللكم بلي نخلة راها مسلمة عليكم بزااااف و كاش نهار تشارك معانا راهي برك ما عندهاش الوقت ربي يكمللها بالخير انشالله
رهومتي الغالية واه تلاقيت مع بشورة فدزاير مين رحت فالعطلة تاع الربيع و كيفاش صرات كنت فالفندق و كونيكتيت و قلت للبنات بلي راني في فندق ibis جات بشورة قالتلي ماكانش منها راني نسكن غير حدااااه لازم نتشاوفو ،، في هذاك النهار ما ساعفناش الحظ بصح الغدوة من ذاك الصباح درنا المستحيل و تلاقينا قلتلها ارواحي عندي للفندق ،، جات حبيبة قلبي و انا استنيتها في la réception و خليت البزاوز مع باباهم فالغرفة كانو مازال ما ناضوش ديت معايا غي حبيبي منصف و ريحنا انا وياها وحكينا و دخلنا للكوزينة و قرعجنا و قلنا لهم بلي رانا مع بعض ههههه ،،،،، هاذي هي
ام هدولة نسيت نقولك حلوياتك راااااءعة الله يعطيك الصحة حبيبتي
ام اياد و رحمة بصحتك العشا انا ما خرجوليش الصور
الا قدرت من بعد انشالله نولي ،،، باااااي

[ادرارية]

والله ليزابل ديناها ديناها والله ضحكتيني

عندي صحبتي كي طيب حاجة هايلة كاين واحد الناس مايحبوش يسالوا على حاجة كي ياكلوها تجيهم بيزار سالوها = ياك عجينة نورمال = تقوليهم واه pate نورمال دوك دايما نقولوها

[lyzzabel]

هههه ادرارية تسمى تقوللهم هاكا زعما بلي مايشقاش تزيدو تفهمو هههه
اولادي بصحتك العشا والله يا حبيبتي قاع لي تنتكل نعمة من عند ربي سبحانه الحمد لله على نعمه
ام انوستي هذاك الكلام يخرج وحده من قلبي مام انا منبعد مين نراجع الرد تاعي باش نصحح كاش اخطاء نلقى روحي كتبت كلام مشي موالفة نقوله في حياتي اليومية هههههه فهمتي
صبرينة صح عشاك حبيبتي مواااااح
حبيباتي تصبحن على الف خير و الى الغد انشاء الله جل و على

سبحان الله و بحمده سبحان الله العظيم
سبحان الله عدد ما كان و عدد ما يكون و عدد الحركات و السكون

[R I A D]

السلام عليكم و رحمة الله و بركاته

صباحكم بالخير و الهناء حبيباتي
صباحكم صحة و عافية

اني داعية فامّنوا

= يا ربي فرّح كل حزين

= و يا ربي فرّج على كل مغموم

= و يا ربي ارزق كل فقير

= و يا ربي اشفي كل مريض

= ويا ربي زوّج كل العزاب

= و يا ربي سهّل زواج كل المخطوبين

= و يا ربي الي عندو مشروع ربي كمّله و نجّحو فيه

= و يا ربي نجّح اولادنا في الدراسة وفي كل مجالات الحياة و فرّحنا بيهم امين

= ويا ربي سخّر لنا ازواجنا و ذريّاتنا

= و يا ربي ارزق كلّ من يريد الذرية الصالحة "نكره كلمة محرومة"

= ويا ربي ردّ كلّ غريب لارضه و لاهله

= و يا ربي اجمعنا مع بعض في الجنّة كما جمعنا في الدنيا


امـيــــــــــــــــــــــــــــــــــــــــــــــ ـــــــــــــــــــــــــــــــــن


اليوم ان شاء الله نخرجو نقضيو الريفيتايمون
و الخضر و ندورو شوية
و الغداء ان شاء الله بطاطا تاع صبرينة و اسكالوب و سلاد
و الحمد لله رب العالمين

سلااااااامي لكن و الى المساء ان شاء الله

[lyzzabel]

صباح الانواااار و الخيرات على خلة الأحباب و نهاركم سعيد انشالله
حبيبتي رياض صباحك اسعد و قضيان الهنا انشالله و بارك الله فيك على الدعاء الرائع
اللهم أمين

الحمد لله الذي احيانا بعد ما اماتنا و اليه النشور
لا اله الا الله وحده لا شريك له له الملك وله الحمد يحيي و يميت و هو حي لا يموت بيده الخير و هو على كل شيء قدير
سبحان الله و الحمد لله و لا اله الا الله و الله اكبر

[natacabell]

صباح النور رياض و شكرا لكي على الدعاء و آمين من فمك ل ربي سبحانو ليزا bonjour راكي صبحتي
ام رياض انا قضيت سمانة لي فاتت نسنا راجلي يخلص و نقضي قضيان الشهر و الحمد لله
فطوري اليوم شربة و شلاظة ويدا مادرش فيا الحال٠

[lyzzabel]

اليوم انشالله عندي الأشغال الشاقة و فطورنا بإذن الله سفة
اتهلاو فرواحكم و كل ما نقدر نجي نطل :d:d:d

اللهم صل و سلم و بارك على سيدنا محمد و على ال سيدنا محمد كما صَلَّيْتَ و سلمت و بَارَكْتَ على سيدنا ابراهيم و على ال سيدنا ابراهيم في العالمين انك حميد مجيد

[om kamilia]

[center]صباحكن اسعد يا حلويات,شكرا لكن على الردود ,البارح صورت العشا و ما حطيتهمش
[/center]
[center] صباح النور عليكم كامل ان شاء الله تجوزو نهار معمر بالخير و الهنا[/center]