الجزء 72 من واش طيبتي اليوم???? - الصفحة 8

R I A D · 2014-04-30, 18:33

اقتباس:

المشاركة الأصلية كتبت بواسطة ساندي 28

مساء الخير بنات من فضلكم ساعدونى 250 مل شحال ترفد من كاس ولا بالملعقه محتاجتها ضرورى

المعروف انه كاس قازوز كبير شوية يهز 250 غ

اقتباس:

المشاركة الأصلية كتبت بواسطة lyzzabel

بصحتكم امنياتي عندك الصح عشا خفيف انا شيخي جاب الصباح اللحم و قالي ديريه فالعشا حقا و غادي نزيد معاه القرناع سلاطة هههه
ساندي الله يحفظك حبيبتي
نروح ندير العشا هذاك ما ندير
حبيبتي ام رياض ما بانتش مالصباح

استغفر الله العظيم الذي لا اله إلا هو الحي القيوم و أتوب اليه

اني جيت يا عزيزتي ليزتي و بصحتك اللحم و القرنااااع

اقتباس:

المشاركة الأصلية كتبت بواسطة أم ياسين الزهراء

تيتينا واووووووووووووو الفكرة ممتازة يعطيك الصحة

رياض قتلتيني بالنيقرو امممممممممممممممممممممم

مسلسلي بدا مع السلامة

درت الرخساس ومنبعد نقلي صدر الجاج مع الفريت والحمد لله

الله يسلمك عزيزتي ام يا سين هذا من ذوقك و بصحتك الرخسيس و القليان ...هذا ما يحبو الاولاد هذا الجيل ... واش من مسلسل راكي تتبعي؟؟
انا عندي سنين ما تبعتش مسلسل...

بنات المعلم لقى فرينة بخوموسيون جابلي منها 10 كيلو ...
كي طليت عليها لقيتها تاع القمح كحلة و فيها النخااالة
غربلتها و خبيتها في بيدون كبير"سطل"
بصح ما لقيت ما ندير بها تسمى كل شيء يخرج كحل واعععععععععع.....

استغفر الله العظيم و اتوب اليه

رياحين الجزائر · 2014-04-30, 18:40

شكرا لكل من دعت لندى وراني متواصلة معاكم ليوم الثلاثاء ان شاء الله وراني المستجدات من المستشفى راني نبعثها مع توتة

om kamilia · 2014-04-30, 18:42

[سلام عليكم حابة نشارك معاكم بصح مازال j'ai pas encors réparé l'apareil photos

نحييكم الكل كما راكم تخدمو في هذا المنتدى , وصفاتكم هايلي الاخت رياحين ان شاء الله بنتك تكون بالف خير ,جربت نهار زادت بنتي العام اللي فات jours5 دارولها عملية , اشاء الله كاين اطباء كفؤ
ام تاجو , ليزابيل ,الهام ,ام اماني ,الامنيات, اولادي ,دائمة الحمد , ام كوثر, نيفرتت و جميع الاخوات نشكركم بزاف خذيت بنصائحكم و طيبت انا و اختي في فاتحة احتي و جات الماكلة بنينة .
ام رامي ام ساجد ام سامي الوهرانية مراكوش تبانو ان شاء الله تكونو بالف خير راني نسنى في وصفاتكم
غربة ام نهال ما شاء الله على طيابكم زيدو ذوقونا من ماكلتكم.
لهنه ربي يهنيك وتولي لينا.
فلة فود, لينا11 ام رحاب ,سار.ة السعيدة بربها ,,بروقة شكرا...ن شاطرات الله يبارك

fadila34 · 2014-04-30, 18:53

يعطيكم الصحة وجزكم الله خير على هذه المجهدات انا دائما معكم ونحب نحط واش طيبت ولاكن معنديش باش نصور ربى وفقكم انا من محبى الكوزينة

انتصار فاطنة · 2014-04-30, 19:06

الف مبروك افتتاح الكوززينة ونقول لرياحين الله يشفي بنتك ويشفي ماري ولينا 11 ويشفيني ونمشي على رجليا ونشارك معاكم قولو امين

بريق الامل& · 2014-04-30, 19:09

تشبه للزلابية ههههههههههه اشكال عشوائية

بصح انا نحب زلابية بوفاريك شكون تعرف تخدمها ؟؟؟؟؟؟؟؟؟؟؟؟؟؟

دائمة الحمد · 2014-04-30, 19:13

مساء الخيرات والبركات
الف الف مبروك الكوزينة عزيزتي اولادي بالربح والهناء والصحة والعافية للجميع
ان شاءالله يارب تكون صفحة جديدة في حياة رياحين الغالية ربي يشفي ندى وييسر ليها في العملية ويشفيها شفاء تاما لا سقم بعده
غدايا كان لوبيا عشايا نعمل مقلي برك مع كسرة رخسيس والف حمد لله

دائمة الحمد · 2014-04-30, 19:16

بروقة بصحتك الزلابية تطبيق سريع هي تشبه للزلابية لكن قوليلنا كيفاش ذوقها

بريق الامل& · 2014-04-30, 19:25

اقتباس:

المشاركة الأصلية كتبت بواسطة دائمة الحمد

بروقة بصحتك الزلابية تطبيق سريع هي تشبه للزلابية لكن قوليلنا كيفاش ذوقها

مش كما تاع برى من عائلتها وفارغة وتتقرمش يعني مليحة مش معجنة وعجبت اختي والصراحة مانيش من هواة الزلابية بصح حبيت نتعلمها
تشبه لزلابية المشرق

R I A D · 2014-04-30, 19:30

بالسيييف خلصت المراجعة الله يبارك انتوما تجرو ...و انا موراكم
وراكم و راكم و الزمن طويييييل
ام اناس الله يبارك التاغت تهبببل و بطوال العمر للشاب ان شاء الله
سكوربيون يعطيك الصحه التاغت تهبل
ام اناس الروز يهبببل انا تاني نديرو هكا بصح بالجاج يهببل يهببل
ام ياسين بصحتك البيتزا ...خير ممن تاع برا ما علابلكش باش مخدومة
ليلو مممم كلو على بعضو حلو... تسلمي
الهام بصحتكم الغداء هاااايل راهم مقلشينكووووووم
ناتاسا الله يبارك كل شيء يهببل تسلمي
زهرة حنونة عاش من شافك و بصحتك الحلويات و صحة عشاك غاليتي
ليزا بصحتك واش حطيتي حنونة و العصييير باين هااايل
و يعطيك الصحة كي عجبك طاجين الزيتون و كي سالتي عني موااااااااااااااااااااااااااااااااااااح على قولة عزيزتي ام اناس
اليوم صبحت مع البيت تاع ولدي"اكي تعرفي لي زادو" المراهقين يرميو برك... فرزتها و هبطت القش الي في الخزانة تريييتو و بدلت بلاصة الخزانة و عاودت طبقت قاع القش رجعتو و رميت شوية في الماشينة و بدلتلو الدراوات.. و ما جيت نكمل جا وقت الغدا ديرت الغداء و غسلت الماعن كملت على سا 14 و 30 صليت و قيلت ديراكت.....

اللهم بك امسينا و بك اصبحنا و بك نحيا و بك نموت و اليك المصير

راجية غفران ربها · 2014-04-30, 19:38

ادرارية · 2014-04-30, 19:48

سلالالالالالالالالالالام لكل المعلمات والاساتذة والعاملات والامهات العاملات في بيوتهن عيد سعيد وبصحتنا نهاية الاسبوع الممدد ومبرووووك الكوزينة الجديدة

الى حبيبتي واختي وامي دائمة الحمد وبرووقة وريا ض وام اناس ومنالوزهرة وناتسا وسكوربيون وليليو وافروديت راني ما قتنعتش باسمك الجديد وليزا وكل الملتحقات

عشايا طاطا مسرقة وسلطة البيتراف ادا كان من ىالرزق

راجية غفران ربها · 2014-04-30, 19:57

راجية غفران ربها · 2014-04-30, 20:02

lyzzabel · 2014-04-30, 20:04

سلاااام حبيباتي يا غاليات
ام رياض أهلا برجوعك و بصحته ولدك التخمال والله غيرتيني انا ولادي مازالو صغار و قااااع النهار وانا نلم و هوما لي تجي في يديهم يرموها وااااااي غادي نهبل يعطيك ألف صحة حبيبتي ،، حقا انا الفرينة تاع النخالة مين نغربلها ندير بيها الخبز تاع الكوشة يجي فوووور بزااااف بنته حلوة و بنييينة خطرات نديرها وحدها و خطرات نخلط معاها الفرينة العادية جربيها و رديلي الخبر انا كانت عندي العام لي فات تاني جابلي 10 كيلو درت فيها رايي كنت كل يوم نعجن و زيد مليحة بزاااااف للكولون
صبريييينة على سلامتك توحشتك يالزينة و بصحتك الفطور و القهوة