بارك الله فيك عالموضوع
المقارنة لم نسلم منها كي كنا صغار وحتى واحنا كبار
كي كنا صغار تلقاي الام بنت الجيران دارت وعملت ونجحت وقرات وشاطرة وقافزة ووووو
وكي كبرت مزال امي ربي يحفظها هههه تديرلي في المقارنة راهي فلانة ولدت وماتقوليهاش قع ولدت ولات لاطاي نتاعها هايلة ؟؟؟؟؟ وفلانة راجلها شرالها ودارلها دار هايلة وووووو
و هذي عينة صغيرة برك
انا دايما نقوللها ياماما كل واحد ربي كيفاش خلقو وواش مدلو واللي عطاهلي ربي قانعة بيه والحمدلله في كلشي المهم الصحة لانها اذا راحت خلاص مابقى للاسان والو
وانا علاش مكتوب علي نكون كيما الناس ولا نولي كيفهم ؟؟
كل واحد وعقليته وكل واحد كيفاش ربي كتبلو يعيش ويدير في حياتو
والله احيانا الاباء يحطمو ولادهم بلا مايفيقو بالمقارنة اللي تضر كثر ماتنفع ونبقاو ندعيولهم بالخير وربي يحفظهم
لكن نبقاو نقولو الحمدلله على كل حال
فتحتيلي موضوع يااختي ليليا لوكان نقعد نحكي مانكملش ههههههه
الله يشفيك ويخفف عليك يارب
( تقرير عن مشاركة سيئة )، و الموجودة أسفل كل مشاركة .
2014-04-28, 17:38
العرض الشجري