الجزء 70 واش طيبتي اليوم سيدتي الفاضلة - الصفحة 100

ريتاج تيارتية · 2014-04-25, 22:12

السلام عليكم صحا عشاكم لبنات
برووووووقة حنا مانحوش الثشرة تاع اللسان كيما قلتي عير تاع البقري تاع الماشية تجي رقيقة

lahna moka · 2014-04-25, 22:13

زهرة حبيبتي صح عشاك مممممم و توبة ما نزيدش نعاود ههههه ندخلها غير يوقا هههههه
سهى تفضلي
https://www.0zz0.com/

lyzzabel · 2014-04-25, 22:15

زهرة عشاك يشهي بصحتك حبيبتي و شكرا على السءوال رانا لاباس و الحمد لله
ام ساجد صح عشاك حبيبتي
بروقة اللسان تاع الغنمي ما نحولهش القشرة بعكس تاع البقري لاااازم تتنحى
ام أمنية روحي للدردشة

سبحان الله و بحمده سبحان الله العظيم

ام ايمان 11 · 2014-04-25, 22:17

اقتباس:

المشاركة الأصلية كتبت بواسطة بريق الامل&

لبنات حابة نسألكم كيطيبي البوزلوف تنحيو هذيك القشرة البيضا تاع اللسان ولا لا
خاطر حنا ما نحيوهاش انحو تاع البقري فقط واذا كانت مضرة طبعانكونو غليناها والي فيها يدخل لباقي اللحم يعني تغلاو مع بعض
تاع لسان البقري صعبة الهضم ولازم انحوها مش متعودين انحو تاع الغنمي

حتى احنا مانحوهاش خاطر راهي رقيقة ما بيها والو كيف ما قلتي

R I A D · 2014-04-25, 22:19

حنا نحو القشرة كامل كي تاع البقري كي تاع الغنمي
كي نغلوه و نحيوه من الماء نحيولو القشرة ا و هي سخونة باش تطير بسهولة

ام نوردين · 2014-04-25, 22:20

مساء الخير على الساهرات الشاطرات وبصحتكم العشاوات
عشايا شخشوخة السيار ودرت شوية مسمنات للقهوة والحمد لله
كل وحدة حطت طابها نقولها بارك الله فيك وتاكلو بالصحة والهنا وحتى الي ماحطتش كي حالتى وهدرت غير الهدرة نقولها يعطيك الصحة

سبحانك اللهم وبحمدك اشهد ان لا اله الا انت واتوب اليك

أم محمد تاج · 2014-04-25, 22:22

حبيباتي ساعدونيييييي راني كاتبة الموضوع الجديد تاع الكوزينة بصح ماحبش يفوتلي يقولي الكلمة الدلالية قصيرة واش ندييييييير وااااااان راح نهبل

بريق الامل& · 2014-04-25, 22:24

يعني مسألة اختيارية تحبي تنحي ولا ما تنحيش لا ضرر ولا ضرارلكن لسان البقري متعارف انحو القشرة

بريق الامل& · 2014-04-25, 22:25

اقتباس:

المشاركة الأصلية كتبت بواسطة أم محمد تاج

حبيباتي ساعدونيييييي راني كاتبة الموضوع الجديد تاع الكوزينة بصح ماحبش يفوتلي يقولي الكلمة الدلالية قصيرة واش ندييييييير وااااااان راح نهبل

موالفة تصرالي بدلي العنوان نقصي منو المهم كنت نحاول هك حتى يفوت

بريق الامل& · 2014-04-25, 22:27

اقتباس:

المشاركة الأصلية كتبت بواسطة r i a d

حنا نحو القشرة كامل كي تاع البقري كي تاع الغنمي
كي نغلوه و نحيوه من الماء نحيولو القشرة ا و هي سخونة باش تطير بسهولة

درت جولة في النت توسوست مع اني مقتنعة لقيت لينا11 تنحو ولقيت الي ما ينحوش حتى في المشرق العربي

أم محمد تاج · 2014-04-25, 22:29

والله عيييييييت خلالالالالاص ماحبش يفوووووووت من الصباح وانا نعدل ونعاود ماحب يقبل حتى عنواااان

بريق الامل& · 2014-04-25, 22:31

ام تاج ديري كوبي وحلي صفحة جديدة وديري كولي وبدلي العنوان

ام ساجد · 2014-04-25, 22:34

ام تاجو عسلامتك واشها عجوزتك

شوفي عادي دايما تصرى اكتبي موضوعك نورمال و وديري copierواخرجي خلاص ومن بعد زيدي ديري موضوع جديد

حاولي تراه خلي ندخلو للكوزينة ما دامنا سهرانين

soha1987 · 2014-04-25, 22:36

لهنة وام رياض مشكورين على الرد
من قبيل معاهم ماحبوش يتحملو غدوة ان شاء الله
تصبحون على خير

nihale89 · 2014-04-25, 22:37

سلااااااااااااام
كنت برا تعشينا وفت عند يما
راهي تسلم عليكم