اشتريت عسلا حرا لكن للأسف ....ادخلي و اعطيني الحل

راجية غفران ربها · 2013-01-15, 22:09

السلام عليك و رحمة الله و بركاته

حبيباتي حبيت نسقسيكم على العسل الحر

عندي بلارة شريتها و بشق لنفس و انا نحوس على لعسل لحر و أخيرا وجدته

حطيتو فوق البوطاجي بعد يومين....

هجم عليه جمع غفير من

من

من

نعم النمل

و الطامةا لكبرى أن الأولاد عافوه و ما بغاوش يشربو العسل

كيف العمل يا لغاليات و راني شريتو باهض الثمن أفيدوني ما الحل ؟؟؟؟؟؟؟؟؟؟؟؟؟

ام رويدة · 2013-01-15, 22:32

وهل تركتيه من دون غطاء.....كيف للنمل ان يصل اليه والعلبة مغلوقة...
اعطيه احدا من اقربائك لان النمل ليس بنجس.

موج و صخر · 2013-01-16, 08:59

النمل يلقى الحلاوة وين ما تكون...
لو البلارة مغطية و النمل قاسها غير من برى ، خليها مغلقة و اغسليها مليح
و لو البلارة باتت مفتوحة و النمل دخلها ...انزعي الطبقة الفوقانية كاملة
و خبيه بعيد عن اعين وليداتك حتى ينسوه و من بعد اجبديه ووكليهم
و اذا خفتي من استعماله في الاكل استعمليه ماسك لوجهك فهو جد مفيد

كريمة عضو جديد · 2013-01-16, 13:20

النمل ليس بمشكلة ولن يتغير ذوق العسل عليك بتصفيته فقط في مصفاة القهوة او في غربال فقط

إلهام07 · 2013-01-16, 13:27

ممكن توهميهم أنك شريتي عسل واحد آخر ، أو ديريلهم أكلة كانت ديرهالنا ماما كي كنا صغار ( بكري كانو يسميوها مخ الشيخ :d ) :
تسخني العسل مليييح و تحطي في صحن قطع من الزبدة نتاع البقر و تصبي العسل سخون فوقها ( الزبدة ما تكونش باردة بزاف باش جي طرية و تذوب ) و تاكليها بالمطلوع يامممممممممم بنينة تهببببل
هذه أكلة نتاع بكري ( نتاع جدودنا )

راجية غفران ربها · 2013-01-16, 17:05

يعطيكم الصحة يا الغاليات على لمرور و الاهتمامم كل واحدة باسمها

الغريب في االأمر ماعنديش النمال في الشتاء و الأغرب ان البلارة محكمة الغلق بساشية ملييييح و كي نجي نحلها بالسيف باه تنحل مافهمت والو

نقدر نسخنو على النار و نصفيه و مايصرالو والو؟؟؟؟؟؟؟؟

كريمة عضو جديد · 2013-01-16, 23:05

يا اختي متسخنيهش ما عليك غير انك تصفيه فقط

إلهام07 · 2013-01-17, 10:10

ممكن تسخنيه و ما يصرالو والو إذا كان حر 100 بالمائة و لكن ماتسخنيهش بزاف.

بنت غليزان · 2013-01-17, 10:40

لا أختي ماتسخنيه ماوالو انا ابي بائع عسل حر و مرات تصرالو كيما هاك مالقري يكون غالق البلارات مليح وداير ساشي الا انو يدخل
الحل ساهل ماهل صفيه في مصفاة حليب و انتهى الامر

راجية غفران ربها · 2013-01-29, 21:23

الله يخليك بنت غيليزان على الافادة

wafaalgerie24 · 2013-01-30, 15:27

ماتسخنيهش كون تسخنيه والنمال فيه يولي عليه طعم النمال الميت

راجية غفران ربها · 2013-02-04, 19:49

يعني صح يولي فيه الطعم نتاعو؟؟؟؟؟؟؟؟؟؟؟؟؟

راجية غفران ربها · 2014-04-16, 13:13

السلام عليكم للرفع

amina bourennane · 2014-04-16, 17:39

يا اختي الغالية انا ابي بائع عسل شوفي ما تسخنيهش مي صفيه كيما قالولك الاخوات نورمال هادي تصرا مي انتي صفيه و كيما قاتلك الهام خبيه على ولادك حتى ينساوه و من بعد اجبيهولهم

راجية غفران ربها · 2014-04-18, 21:45

تعيشي حنونة