الجزء 67 من واش طيبتي اليوم مرحبا - الصفحة 45

*بيتي مملكتي* · 2014-04-07, 14:42

ليلوشة طيابك يشهي حنونة بصحتكم

المبتدئة يعطيك الصحة خرجلك هايل حنونة

natacabell · 2014-04-07, 14:44

مساءكم سعيد و يعطيكم الصحة طيابات و حلويات الله يبارك
هاذا فطوري درت شوربة و قليت بطاطا و جو دو بنان و ربيو رحمتو ٠ جبتلكم شوربة كي كنت نقلي فيها و كي طابت نسيت نصور جبتلكم ملقدرة هههههه اسمحولي كي يجو ولادي نبدا غير نجري باش يعاودو يولوا لمسيد ربي يوفقهم
درت عجينة باش ندير بيها لاتارت و حكمني واحد لعجز٠٠٠٠

نخله. · 2014-04-07, 14:45

للي ماشي من العلمه وتروح تحرز روحها من سلعة لا شين بسومة الاصلي كاين حوانت باينين يبيعو بأمانه سقسو قبل ماتروحو ولا ادو معاكم للي يعرف

faryal zahira · 2014-04-07, 14:47

اقتباس:

المشاركة الأصلية كتبت بواسطة ghorba

غربة حلوياتك رائعة يعطيك الصحة

بريق الامل& · 2014-04-07, 14:48

اقتباس:

المشاركة الأصلية كتبت بواسطة lilouchaf

السلام عليكم ومبروك الكوزينة الجديدة
اسمحيلي الاخت بريق الامل الي جيت متاخرة لكن الظروف
هادا باروكي

بسبوسة ليدي

موس البرتقال ام محمد تاج

نشكر ام رحاب الغالية الي سقسات علبيا وكدلك وردتنا الحلوة ليزا شكر حبيباتي

يبارك فيك معليش منين ما جا الخير ينفع هاتي هاتي كلشي بالطبع يعطيك الصحة

اقتباس:

المشاركة الأصلية كتبت بواسطة المبتدئة

مساء الخير
بروقة العزيزة كوزينة مربوحة عليك وعلينا لمت كامل الاحباب خصت غير لهومة واكيد ام كوثر وام رامي لي راهم غايبين ربي يرجعهم بخير
جبتلكم لامونة هاداوين كملتها تقاسمو هادي ودوك نزيدلكم ماتخافوش راني كثرت ههههههه

ممممممممممممممممممم روعة روعة يعطيك الصحة غير كثري رانا قاع تلمينا بسلامتنا وزيد الذراري ومع الدخول المدرسي انغنغوهم ههههههههههههههههه
ام ماجد خصتني وحدة كما هذيك راهي في خاطري شفتها غير صباح تتباع بصح ما قريتش شحال

نخله. · 2014-04-07, 14:48

نتقبل بصحتك الشووووربه والجو

انا ثاني ما نلحقش نصور اصلا ما نلحقش نقعد على الطابله معاهم هوما ياكلو ونا نحط وكي نكمل نوكل بنتي واااااااااااااع

فكرتيني في السموثي تع البنان راني مجدتلو صوالح بصح الميكسور مخبي وتفنينت باش نجبدو يا درا يصلح بالبرا بلونجوه؟؟؟

عطرالذهب · 2014-04-07, 14:49

نخلة الملسوقة هي الديول بالتونسية
تخلطي صدر دجاج مسلوق مفتت مع 2بيضات مسلوقين مفتتين مع ربطة معدنوس مقطع مع حفنة زيتون اخضر مقطع مع 4 بيضات نيين مع 4 قطع فورماج خلطيهم مع شوي ملح وفلفل اسود حطي الديول 4 في المول جنب بعض وواحدة في الوسط ادهني بيناتهم وحطي فوقهم الخليط وغطيهم ببقية الديول وغطيهم بحبة ديول من فوق ادهنيهم وحطيه يطيب في الفرن حتى يحمار من تحت ومن فوق
خليه يبرد شوي وقطعيه
هذا هو طاجين الملسوقة

ام نوردين · 2014-04-07, 14:50

بصحتك نتقبل الغدا واش من تارت رايحة تخدمى

*بيتي مملكتي* · 2014-04-07, 14:50

اقتباس:

المشاركة الأصلية كتبت بواسطة natacabell

مساءكم سعيد و يعطيكم الصحة طيابات و حلويات الله يبارك
هاذا فطوري درت شوربة و قليت بطاطا و جو دو بنان و ربيو رحمتو 0 جبتلكم شوربة كي كنت نقلي فيها و كي طابت نسيت نصور جبتلكم ملقدرة هههههه اسمحولي كي يجو ولادي نبدا غير نجري باش يعاودو يولوا لمسيد ربي يوفقهم
درت عجينة باش ندير بيها لاتارت و حكمني واحد لعجز0000

بصحتكم لفطور نوال حبوبة يشهي حنونة

اقتباس:

المشاركة الأصلية كتبت بواسطة نخله.

للي ماشي من العلمه وتروح تحرز روحها من سلعة لا شين بسومة الاصلي كاين حوانت باينين يبيعو بأمانه سقسو قبل ماتروحو ولا ادو معاكم للي يعرف

نخله حنونة عندك الحق على بالك في نفس الماركة تلقاي 4 كل وحدة وين مخدومة هوما تقريبا كامل نتاع لاشين بصح كاين برومي شوا و دوزيام شوا لاخاطر الأصلي ماعادش كاين كامل ولاو يخدمو سوليسونس كيما يقولو يعني باعتماد من المصنع الأصلي

وشيه لازم تهزي وحد النومرو نتاع الريفيرونس لاخاطر كل حاجة عندها ريفيرونس مختلف عالوخرا و تسومي

بريق الامل& · 2014-04-07, 14:50

اقتباس:

المشاركة الأصلية كتبت بواسطة نخله.

ليلوشتنا الغاليه توحشناك وتحيرنا عليك؟؟؟؟؟؟؟؟؟؟؟؟؟؟؟؟؟ظ

وش هاذ المسلوقه؟؟؟ هي البسطيله؟؟؟

ههههههههههههه الملسوقة بالتونسي والبسطيلة بالمروكي ضحكتيني من قلبي تلفناهالك

بريق الامل& · 2014-04-07, 14:52

اقتباس:

المشاركة الأصلية كتبت بواسطة natacabell

مساءكم سعيد و يعطيكم الصحة طيابات و حلويات الله يبارك
هاذا فطوري درت شوربة و قليت بطاطا و جو دو بنان و ربيو رحمتو ٠ جبتلكم شوربة كي كنت نقلي فيها و كي طابت نسيت نصور جبتلكم ملقدرة هههههه اسمحولي كي يجو ولادي نبدا غير نجري باش يعاودو يولوا لمسيد ربي يوفقهم
درت عجينة باش ندير بيها لاتارت و حكمني واحد لعجز٠٠٠٠

يعطيك الصحة هذا ما ينفع مع الذراري صوري من القدرة للاحتياط خخخخخخخخخخ

ريتاج تيارتية · 2014-04-07, 14:57

السلام عليكم لبنات اليوم جا في خاطري الكعبوش خدمتو وجبتلكم حقكم

natacabell · 2014-04-07, 14:57

اقتباس:

المشاركة الأصلية كتبت بواسطة ام نوردين

بصحتك نتقبل الغدا واش من تارت رايحة تخدمى

راح ندير تارتولات الليمون و تارتولات الشوكولا و عندي خبزة لامونة بقاتلي من البارح و الحمد لله

إلهام07 · 2014-04-07, 15:00

مساء الخير

عرضتني أم ماجد للغداء لقيتو عدس
المهم ، انا شفت فوق الصابلي مكتوبة غير ماجد majed الجلفة والأخيرة مافهمتهاش يخصو 2 حروف
والله يا أم ماجد نشوف في صور غداك ونقول في قلبي يعطيك الهناء إن شاء الله وربي يطرحلك البركة في صحتك
راني حاسة بالمرأة العاملة اللي تنوض على الخمسة والله مستاقين غفية زي العباد

اللي مانيش مصجقاتو وجود ام إياد احمد امين معانا " ياخواتي أزغرت "
ليكي وحشة ياغالية

حتى بروقة اللي توحشتها بزاااااااااااااااف راهي رجعت واقيلا كنتو تحوسوني نروح باش جيو

والله فرحانة بيكم وبلمتكم ربي يهنيكم يارب
طلعتولي المورال ربي يجمعنا تحت ظله يوم القيامة حبيباتي نحبكم وطيابكم ماشاء الله تحياتي ليكم

نخله. · 2014-04-07, 15:02

وش هاذي لامونه ؟؟؟ هي برينسيس كيما نقولولها حنا؟؟؟يعني بريوش محشي بكريمه؟؟؟