الجزء 67 من واش طيبتي اليوم مرحبا - الصفحة 37

oum ibrahim · 2014-04-07, 09:34

صباح الورد على الوردات الشاطرات كاااااااااااااااااامل وحدة وحدة
هذا عشايا البارح لاكيش بالدجاج و السلق

و هاذو حلويات كنت خدمتهم في العطلة
قلوب الشوكولا زين و همة لام اسلام

صابلي النيسلي للرائعة ام اماني و التزيين حرفت فيه شوية

بقلاوة لابات افيلو كذلك للرائعة ام اماني خلاص اعتمدتها سهلة و بسيطة في دقيقة تكمل

و لله الحمد

oum ibrahim · 2014-04-07, 09:38

ام محمد واش حكاية السخفة على القاتو ؟؟؟؟لايكون ..............؟؟؟؟هههه بصحتك يا لالة ماتنسايش تذوقينا معاك
انا سخفت على تارتولات بالفراز بلاك نديرهم اليوم و الغدا مازال يدور حرت واش ندير
ام اياد صباحك عسل يعطيك الصحة على البسطيلة رووووووعة ان شاء الله نجربها في اقرب فرصة

نسائم الصباح · 2014-04-07, 09:39

السلام عليكم .وصبحكم عسل

بسم الله ماشاء الله وش هده الأطباق لي الطلع السكر والضغط وتهرب لاطاي .

يسعد أزواجكم بيكم .أم إبراهيم قتلتيني بحلوياتك .الله يبارك .ريحين ينطقوا .علابيها منحبش نذخل .راني نخرج مريضة هههههههههههههههههه

أم إياد أم كوثر وقيلة عنابية سقسيها

oum ibrahim · 2014-04-07, 09:43

هههههههه يعطيك الربح يا نسومة انا تاني مانحبش ندخل نخرج ميتة بالسخفة ههههه
عطورة هاذيك العجينة انا تاني معتمدتها تهبل تهبل خفيفة ريشة نخدم بيها كلشي كرواسون و بتي بان و بريوش حلو و مالح و ساندويتش يعطيها الصحة نينا

نسائم الصباح · 2014-04-07, 09:44

اقتباس:

المشاركة الأصلية كتبت بواسطة أم ماجد

يا بنات بركاو من الدودودو ههههههه ونعتولنا واش طيبتوا
المهم هذا عشانا اول امس والبارح

وا الصابلي تاع ريهام ربي يبارك فيها اللي اداه ماجد معاه

الفحلة فيكم تقولي واش كتبت نجيبلها هدية معايا كي نعود راجعة من العمل على الواحدة ههههههههههه

واليوم نضت على الخامسة صباحا حضرت دروس تلاميذي ووجدت غدايا البسيط راهو حاضر وجاهز عدس وسلاطة بيض وكسرة سخونة تغلي من الطاجين حذاري تسرقوا اكل بنياتي والشيخ هههههههههه تلقاوه جاهز تسخفوا ههههههههههههه
المهم حبيت نعت للهنا ولعرايس الجدد وخاصة العاملات بان المهمة ماهيش سهلة لازم تتعودوا على النهوض مبكرا

وهذا فطوري بعدما انهيت مهمتي بنجاح والحمد لله وعانني ربي

هيا ديروا القلب ونوضوا لاشغالكم لا نبدا نعاير هههههههههههههههههههههههه
نروح الان نبخر الدار ونعطرها تتنحى ريحة الاكل قبل ماننطلق للعمل الخارجي مع مشية الصباح الرائعة واللي تدوم نصف ساعة تقريبا وخاصة في وسط الشارع والاواني ووووووووووو يا سلام ههههههههه نسخفكم

الله يبارك ياحرة لاحراير .كل مرة نحبك أكثر وأكثر .عمرية بمعنى الكلمة .هذه الحرة الجزائرية الأصيلة .أنا كنت نضن أنهم إنقرضوا

بصح أعطيتوني أمل بأن الحرة الجزائرية لاتنقرض .أزرعي هذا الشيئ في بناتك .حفظهم الله

oum ibrahim · 2014-04-07, 09:48

ساندي اظهر و بان عليك الامان توحشنااااااااااااااااااااااك وينك غاليتي

نخله. · 2014-04-07, 09:51

صباح النوووووووووووووووور

ام ماجد راكي حشمتيني وليت نعرق هاذ الايامات راني نوض روطار 7 وزيد كسووووووووووكوووله
زيدي ديريلنا القلب ومره على مره فكرينا الله يسترك

نخله. · 2014-04-07, 09:52

روضه مادامهم مش موالفين بيها ديريها وكيما جات قوليلهم هاذي هي تجي هاك ههههههههههه

oum ibrahim · 2014-04-07, 09:53

صباحك ورد عروستنا الحلوة ماتزيديش تقولي هكذا ماكثرتي ماوالو رانا هنا باه نستفادو من بعضانا
لاكيش جربت عجينة فلة لكن جاتني شوية خشينة موالفة نديرها بعجينة عادية نتاع البيتزا و نرققها تجي روووووووعة و كاين تاني وصفة حطتها الهام مافيهاش الخميرة راهي في وصفات الحراير و كاين الي يديرها بعجينة البريزي لكن انا مانحبهاش تجيني ميدمة بزاف
بالنسبة للصابلي استعملت نيسلي عادي مش طايب ما يبانش كي ينشف يبقى يلمع و بنتو عادي

نخله. · 2014-04-07, 09:56

مازالني نخمم وش ندير غدا واقيل محاجب الفرينه؟؟؟ وجدت عجينه للديول راهي ترتاح باه لعشيه كاش ما نلبز بيها للعشا؟؟اذا جاو ملاح بوراك الدجاج واذا ما عجبونيش تفلبها بسطيله ههههههههه

نسائم الصباح · 2014-04-07, 09:56

برقوقتي لعزيزة وشراكي هذه غيبة توحشتك ..هذا وين شفة بلي نت لي فتحة الغرفة

بالبركة إن شاء الله .وبما أنك أنت صاحبة الغرفة نشركك بغدايا البسيط

oum ibrahim · 2014-04-07, 10:02

روضة كاين تارت الشوكولا نتاع نوال رووووعة انا جربتها راهي في وصفات الحراير تقدري ديريها تارتولات فردية امممممممممم

بصيرة2 · 2014-04-07, 10:06

حبيت نسقسيكم راني عييت ندخل المدونة نتاع ام رامي مع اني كنت ندخلها عادي الى سراتلها تقولي واش هو الحل وشكرا

بريق الامل& · 2014-04-07, 10:13

صباح الخير يا حراير الجلفة
نسومتي شميت ريحتك دخلت نجري ليك وحشة يا طيوبة فوتي للصالون نجمعو مليح

اقتباس:

المشاركة الأصلية كتبت بواسطة نسائم الصباح

السلام عليكم .وصبحكم عسل

بسم الله ماشاء الله وش هده الأطباق لي الطلع السكر والضغط وتهرب لاطاي .

يسعد أزواجكم بيكم .أم إبراهيم قتلتيني بحلوياتك .الله يبارك .ريحين ينطقوا .علابيها منحبش نذخل .راني نخرج مريضة هههههههههههههههههه

أم إياد أم كوثر وقيلة عنابية سقسيها

اقتباس:

المشاركة الأصلية كتبت بواسطة نسائم الصباح

برقوقتي لعزيزة وشراكي هذه غيبة توحشتك ..هذا وين شفة بلي نت لي فتحة الغرفة

بالبركة إن شاء الله .وبما أنك أنت صاحبة الغرفة نشركك بغدايا البسيط

مرحبا بلي جا وجاب نموت على طيابك ساهل و انيق كما مولاتو

ساندي 28 · 2014-04-07, 10:13

صباح الخيرات حبيباتى توحشتكم كامل الغاليه ام ابراهيم مووووواح حنونه .بروقه فرحت بكوزينتك راهي منورة مثل مولاتها ام ماجد لهومه ام اياد ام تاج ام انس ام كوثر توحشتككككككككم بزاف بزاف
يعطيكم الصحه كامل يا الحراير
بعد طول غياب جبت معايا حاجه حلوة باش ربي يحلى اياماتنا ان شاء الله