زوجي ضربني

[سهى 88]

حنونتي قطعتيلي قلبي
شوفي على كل حال لوكان جا عرسك مازال بعيد والله نقولك ماتديه اللي يضرب مرة يضر ب1000
لكن بما ان عرسك قريب اقراي القران وصلي وقوليلو هادي اول واخر مرة تضربني فيها وخليه يعاهدك باه مايزيدش يقيسك
وربي يهنيك ختي

[سهى 88]

حنونتي قطعتيلي قلبي
شوفي على كل حال لوكان جا عرسك مازال بعيد والله نقولك ماتديه اللي يضرب مرة يضر ب1000
لكن بما ان عرسك قريب اقراي القران وصلي وقوليلو هادي اول واخر مرة تضربني فيها وخليه يعاهدك باه مايزيدش يقيسك
وربي يهنيك ختي

[samira135]

قال لي " انصرفي " حينها قلت له لا أستطيع العودة الى البيت هكذا لو يراني أبي سيقيم الدنيا و حاولت أن أشرح له أني لم أقصد إهانته حينما قلت ما قلت لكنه أصر أنه على حق و أنني لا أحترمه ثم قال بالحرف الواحد " إن الساقطات ( أكرمكم الله) يحترمون أزواجهم أفضل منك " صرخت فيه قائلة " أتقارنني بهن ؟؟؟؟؟ " قال " بل هن أفضل منك

ضربك ومزلتي تشرحيلو؟؟؟ لا وخايفة يشوفك باباك بهذيك الصورة !!!!

لو منك مانرجعش ليه مهما يدير

تأكدي انو راح يضربك مرة و اثنين و عشرة بعد الزواج مالا افسخي العقد خير من يدمرلك حياتك

[الواثق]

الامر لايقاس بكلمات كتبتيها لنا ............فاكيد للمشكل اطراف ...........وانت ادرى بحالك وبحال زوجك..................ويسر الله امركما وفتح بينكما بالخير................والله المستعان

[samira135]

المشاركة الأصلية كتبت بواسطة الواثق

الامر لايقاس بكلمات كتبتيها لنا ............فاكيد للمشكل اطراف ...........وانت ادرى بحالك وبحال زوجك..................ويسر الله امركما وفتح بينكما بالخير................والله المستعان

وحتى واذا كان هناك اطراف ماعندوش الحق يضربها بهذي الوحشية

سبحان الله مش هاك تتحل الامور

[الواثق]

المشاركة الأصلية كتبت بواسطة samira135

وحتى واذا كان هناك اطراف ماعندوش الحق يضربها بهذي الوحشية

سبحان الله مش هاك تتحل الامور

قد يكود وقد لايكون لا ادري ..........انا هدرت النساء مانديرش عليها اصلا لانها وصلتنا في كثير من الاحيان للعيب .......ولست اطعن في قول صاحبة الموضوع..............لكن ماعيشته يتركني اتريث كثيرا في اسقاط بعض الامور .............والله اعلم

[رَكان]

المشاركة الأصلية كتبت بواسطة عبد الرحيم

ماذا عسانا نقول في مثل هذه المواقف الصعبة ؟؟؟....الزفاف بعد أيام قليلة ويصدر من زوجك هذا التصرف الأهوج...إذا كانت له الجرأة والوقاحة كي يضربك ويشتمك ويقارنك بالفاسقات وأنت في بيت أبيك فكيف سيكون الأمر عندما تصبحين في بيته؟هذه إهانة لك ولكل ولكل عائلتك .. أرى أن تخبري والدك وأهلك بما فعله معك هذا الأحمق حتى يتصرفوا معه التصرف المناسب.
أهلك هم أقرب الناس إليك وهم أدرى بمصلحتك منا.

إضافة لما قاله عبد الرحيم ..
دعيني أنبهك لأمر بالغ الخطورة ..
قومي بتأجيل موعد الزواج ..لفترة تكفي لدراسة ما حدث مع والديك ..قبل أن تقع الفأس في الرأس..البارحة كنت في المستشفى التقيت صدفة مع صديق يحمل في يده شهادة طبية ..تثبت عجزا ...
مالحكاية سألته ..
أجابني بأن ابنة اخته تعرضت للضرب المبرح خلف جروحا بالغة بواسطة عصا من طرف زوجها ..
فكري بالأمر جيدا يا صاحبة المشكلة ..

[نور هدى 2014]

السلام عليكم
..مارايك ان تاخري زواجك قليلا وحاولي تفهميه او تجربيه في ردة الفعل انتاعوا ...لانو مش ساهلة الوحدة تتزوج من واحد ومباعد تقعد تعاني...شوفي غير مصلحتك متشوفيش الامور من الناحية العاطفية
ارجوك اختي تريثي تريثي هذا راه زواج ومصيرك وعمرك وتبانلي هاذوم ماهمش نتاع لعب

[نارينا]

واووووووو انت ذاهبة للكونت دي ساد شخصيا,,,,,هذا رجل سادي بكل ما للكلمة من معنى ,,,,الله يكون في عونك ان كنت ستواصلين المسيرة,,,,انا تمعنت في كيفية ضربه لك والله مثل الساديين في افلام الرعب المقرفة ,,,المهم لا تبرري بوجود نساء ماكرات في محيطه لانك انت اصلا لم تهينيه ولو بالكلام وفوق كل هذا خاطرت ونزلت من البيت لاحتواء المشكل وكان هذا الجزاء ,,,,يعني هذا بالكلمة ومايتقاسش والا يقوم الدنيا عليك

[مواطنة]

اختي من وجهة نظري هو اخطأ و الظاهر انو مايعرفش يتعامل مع زوجة المستقبل باحترام و نسي ان لك اولياء امر مزالك تحت وصايتهم
لذلك انصحك ان تِجلي العرس حتى لو كان ذلك سيكلفك لكن حياتك بسعادة لا تقدر بثمن
كيما ضربك هو بدون ما يحاول يفهم معنى كلامك انت وقفي الزواج مؤقتا بحجة انك متعبة باش تمدي لنفسك المزيد من الوقت للتفكير و زيدي سقسي عليه مليح و من جهة اخرى باش هو يراجع نفسو و يقلل من الجبروت ديالو و الفهامة الزايدة و اذا حبو مواليك يفهمو سبب تغييرك لوقت الزفاف فهميهم بلي لازمكم تزيدو تسقسو عليه مليح بدون ما تحكي هذي لحكاية تاع الضرب فهميهم بلي ماراكيش عندك ثقة كبيرة في اخلاقو و حبذا لو الوالد يتكلمو معاه في داركم بلي انت بنتو و عليه احترامك و كيما تعب عليك مادابيه يشوفك عندو معززة مكرمة هكذا زوجك يفهم بلي ماراكيش وحدك
و حاجة اخرى هذا عنف القانون يعاقب عليه لذلك اذا حصل لا قدر الله هذا العنف لا تبكي بل هدديه مباشرة انك ستتخذين اجراء ضده ان اعاد الكرة مجرد تهديد لكن اذا بدات المعيشة هكذا كيفاش يبنى البيت
استخيري الله تعالى و ديري بالك تلتهاي بتحضيرات العرس و تنساي الاهم و كلام الناس مايفيدكش

[جويرية الإيمان]

أكبر غلطة درتيها أنك ما قلتيش لباباك على حكاية الضرب

لازم تقولي لباباك على الأقل يعطيلو زوج كلمات باش ما يزيدش يعاودها معاك

و كيما قالت الأخت سابقا الراجل إذا ضرب مرة و لأتفه سبب رايح يمشي الضرب على إيدو .

كرامتك أهم من كل شيئ .

كاين بنات يبطلو في ليلة العرس .

أنا نعرف وحدة معرفة شخصية بطلت و الحنة (يعني بعد ما دارولها الحنة أهل العريس )في إيدها لما اكتشفت أنو خطيبها كان متزوج من قبل

و مقالهاش و الآن راهي متزوجة بإبن خالتي عندها شهريين.

أنا ماقتلكش بطلي بصح لازم تقولي لباباك .

و هاذي هي الأعراس ديما تصرا فيها المشاكل.

[رَكان]

المشاركة الأصلية كتبت بواسطة مواطنة

و اذا حبو مواليك يفهمو سبب تغييرك لوقت الزفاف فهميهم بلي لازمكم تزيدو تسقسو عليه مليح بدون ما تحكي هذي لحكاية تاع الضرب فهميهم بلي ماراكيش عندك ثقة كبيرة في اخلاقو

الله يهديك يا مواطنة كيف تطلبين منها إخفاء ما حدث عن والديها ؟
متى نتخلص من هذه المواقف السلبية التي تمعن في صناعة مزيد من ضحايا القهر والظلم في مجتمعنا ؟
إنه الصمت والتكتم ..على ما يجري قنُرَسِّم للحثرة والقهر ..ونطيل عمرهما ..بربك هل تتوقعين أن يستجيب والداها لطلبها بالتأجيل دون معرفة ما حدث ؟
سيكون ردهما بأنهما قد سألا بما يكفي .وأنه ا مبرر للتاجيل ...
بارك الله فيك أختي ولست أشكك أبدا في نيتك الحسنة تجاه صاحبة المشكلة ..