ان شاء الله تدو 20.00 المعدل فالببباااك المهم ما تبخلوش عليا او جااااااااوبوني

~~ حَمْزَة ~~ · 2014-03-13, 17:11

1 انا طالب 1 ثانوي علمي او راني حاير واش ندير ف 2

2 انا اعشق الرياضيات يعني لوكان نقعد نقراها نهار كومبلي ما نعياش او الفيزيك تاني

بصح العلوم تجيني سامطة

او المشكل استادة الرياضيات قالتلي ماعندكش مستوى رياضي علما اني ندي فوق 12 عندها او نشارك لدرجة عقلك مايتسورهاش

او هاديك الخطرة صليت صلات الاستخارة او سبحان الله امي غدوا منداك وراتلي فديو مؤثر ومضمونه ان لا اتخلى ابدا عن حلمي
وهذه اشارة من الله سبحانه و تعالى على عدم التخلي من الشيىء الذي احب

لكن الاستاذة شوفو واش قالتلي يا حمزة لوكان تطلع رياضي تسابوطي المستقبل تاعك او قالتلي كاين ناس كانو يدو 19 فالمات بصح كيطلعو ماتلم ولاو يدو 6 او كيروحت سقسيت لقيت بلي كلامها صحيح 100 بال 100

فهل اسمع لقلبي و الاشارة التي ارسلها الله لي ام استمع لاستادتي علما ان لها خبرة في التعليم

نقاط الفصل الاول هي كالاتي

ف1 ف2 اختبار

رياضيات 12.5 16 13.5

فيزياء 16 14.5 16.25

علوم 13.25 13.5 12

كل واحد يقرا المو ضوع او يعطيني اجابة مقنعة جدا ربي يفتح اعليييييه بواب الخير

~~ حَمْزَة ~~ · 2014-03-13, 17:29

الردووووووووووود

Slimane GHezal · 2014-03-13, 17:31

أخي من جهتي أنصحك بشعبة العلوم التجريبية في السنة الثانية ثانوي .. مجرد نصيحة

●• نسمةة النجآح •● · 2014-03-13, 17:42

السلآمم عليكمم ...

أولآ يا أخي هــذا القرار أكيد من أصعب القرارات وأنا واجهت نفس المشكلةة في السنةة الأولى وصليت صلآة الاستخارة أيضــآلأنني كنت أحب الرياضيات مثلك لكنني أخشاها ...مع العلم أن نقاطي كانت مابين 12 و 18 ,,
وهاهو القدر أخذني إلى شعبةة العلوم التجريبية ...رغمم أن حبي للرياضيات مازال قائما ..
وكما تعلم الرياضيات في العلوم التجريبيةة حاضرة دومــآ ولا يستغنى عنها ...
بل إن برنامجها صعب أيضا حتى أنه لا يبتعد عن برنامج شعبةة الرياضيات كثيرااا ..
وأنا أعاني معهه فنقاطي أصبحت من كارثيةة ...

و أخي إعلمم أن القرار يرجع لك في نهايةة المطاف ولا يمكن لغيرك أن يقرر مكانك ...
إذا وجدت أن بإمكانك المضي قدما والعمل بدون تعب في السنوات القادمةة فاختر ما تميل إليهه ...
لكن توخى الحذر في اختيار قرارك لأنهه سيقرر مصيرك والسنوات الثانيةة والثالثةة ليست أسهل من الأولى ..
أنا أعطيتك رأيي كطالبةة شعبةة علوم تجريبيةة لذلك عليك الاطلآع على رأيي الطرفين ...
وعذرا على الإطالةة ..

في أمان الله .. بالتوفيق ..

fifi94 · 2014-03-13, 18:45

انا رأيي دير علوم تجريبية فيها كل شي وهي شعبة تجمع بين كل الشعب الاخرى
ولي فيها الخير ربي يجيبهالك
بالتوفيق

السراج المنير · 2014-03-13, 18:57

انا كون جيت في بلاصتك مانديرش عليهم وندير رغبتي دير المستحيل باه تحقق حلمك واجتهد دير دروس خصوصية والله غير تصيب روحك 100% كيما انا كنت حابة علوم وقالولي ديري تسير واقتصاد والله ماسمعتلهم ودرت علوم رغبتي الله غالب ودرك الحمد لله العلوم راني فور فيها

usb206 · 2014-03-13, 19:18

لماذا لا تحقق رغبتك بطريقة اخرى ؟
شعبة تقني رياضي هي وسط بين الرياضيات و العلوم التجريبية
انت لا تحبذ العلوم الطبيعية و هذه الشعبة ليس فيها هذه المادة بل فيها مادة التكنولوجيا
و هي من المواد التي يحقق فيها الطلبة معدلات عليا الا من لم يرغب في ذلك
و لك ان تسأل عن المستقبل في الجامعة و التخصصات
و هي 4 تخصصات
هندسة كهربائية
هندسة ميكانيكية
هندسة طرائق
هندسة مدنية

samies · 2014-03-13, 19:28

يا اخي نصيحة من عندي دير علوم تجريبية لانها افضل لك مام راك رايح تصيب فيها الرياضيات و الفيزيك ما تخافش + العلوم تقدر تقراها نورمال انا ثان كنت كيفك و نصحني الاستاذ تاع الرياضيات بالعلوم التجريبية ودرت على رايو والحمد لله مانيش نادم
والله اعلم

زَيْنَب ♥●٠·˙ · 2014-03-13, 20:24

انا ثان كنت كيف كنت حابة ندير رياضيات خاتش نخدم فيها و نحبها و نعشق فيها كيما راك تقول
بصح قتنعت بالعلوم تجريبية
خاتش تقدر تجيب فيها معدل كثر ملي دير ماتلام
صح ندمت كي ما درتش رياصيات لكن الحمد لله
راني صايبة روحي
لذاك ننصح إذا كان مستواك متوسط على الأقل قالعلوم دير علوم تجريبية تخرج عليك خير