الجزء61 من واش طيبتي اليوم مرحبا بيكم - الصفحة 95

ادرارية · 2014-03-02, 18:43

قولولي شكون هادي ام ضياء اللي دارت مدونة فيها بعض وصفاتكم من المنتدى

lahna moka · 2014-03-02, 18:44

حبيبتي أم الهضاب الخبز ممم روووعة مقرمش شوية من برا و طري من الداخل و ما ياخذش الزيت يعني ماشي مزيت لاخاترش بلخف يطيب غير ترمي القرصة و ترشي عليها الزيت باش تتنفخ بلخف اقلبيها و ثواني نحيها و مذاقو ما نقدرش نوصفلك ممممممم
راني حابة نبيّع على حاجة :دارنا من كثرة ما عجبهم ولاّو ياكلوه مع القهوة هههههههه قلتلهم لوكان يسمعو بيكم الهنودا جاكي شان ما يسلككمش ههههههههه

oum ibrahim · 2014-03-02, 18:54

يعطيكم الصحة يا الفحلات تبارك الله عليكم
امنيات عيد سعيد للامورة و التورتة راااااااااااااااااائعة يسلمو
عشايا جلبانة باللحم و القرنون مع سلاطة و مطلوع و لله الحمد

دائمة الحمد · 2014-03-02, 19:02

مساء الخير عزيزاتي بصحتكم واش تغديتو و واش تقهويتو

ام الهضاب · 2014-03-02, 19:05

يعطيك الربح لهنة ههههه تلقاي لهنودة ثاني راهم يشربو بيه لحليب ياخي يدڤزو برك ههههه حتى انا تخيلتو فوقو شوي عسل اممممممم

بشرى2008 · 2014-03-02, 19:06

رهو المورال هابط نهار كامل أو أنا صايمة على 6.41 درت قاطعة صغيرة صغيرة في فمي وبلعتها راني ريحة ننتحر

ام الهضاب · 2014-03-02, 19:07

أهلا دائمة الحمد واش تعشيتو

ادرارية · 2014-03-02, 19:08

دائمة الحمد على سلامتك صح قهوتك انا درت كيكة الاناناس

أم ماجد · 2014-03-02, 19:10

اقتباس:

المشاركة الأصلية كتبت بواسطة بشرى2008

رهو المورال هابط نهار كامل أو أنا صايمة على 6.41 درت قاطعة صغيرة صغيرة في فمي وبلعتها راني ريحة ننتحر

لاهتنتحري

ربي حاب يطعمك

ام طيري الجنة · 2014-03-02, 19:12

السلام عليكن حبيباتي البارح كنت غايبة لان المنتدى خرجني ما عييت نرغب فيه و نقوله بجاه ربي راني غي جابتلهم شوي لامونة قالي والو اليوم ما تدخليش ايا مشيت رقدت و خبيتلكم حقكم بصح يا درا سقسيتو عليا و الا لا ما راجعتش راني غير مع تحضير اختبارات التلاميذ و مع اختبارات بنتي
هاكو لامونة بصح بايتة اسمحولي